Trending Video : કાશ આવી ટીચર આપણને મળી હોત ! ઇન્સ્ટાગ્રામ પર ધૂમ મચાવી રહી છે ગાઝિયાબાદની ‘કૂલ ટીચર’ ટીચર
ગાઝિયાબાદની શિક્ષિકા ચાંદની ભાટી તેની અનોખી ટીચિંગ સ્ટાઈલથી સોશિયલ મીડિયા પર ટ્રેન્ડ થાય છે. તે બાળકોને ડાન્સ, મ્યુઝિક અને મનોરંજક રમતો દ્વારા શીખવે છે. જેનાથી શીખવાનું સરળ અને રસપ્રદ બને છે. તેના વાયરલ વીડિયો લાખો વખત જોવામાં આવ્યા છે. લાખો લોકો તેની સ્કિલ્સની પ્રશંસા કરી રહ્યા છે.
હવે શાળાનો અભ્યાસ માત્ર પુસ્તકો, નોટબુક અને ગોખણપટ્ટી સુધી જ મર્યાદિત નથી. ગાઝિયાબાદની ચાંદની ભાટી આ વિચારને સંપૂર્ણપણે બદલી નાખે છે. ચાંદની ભાટી આજકાલ સોશિયલ મીડિયા પર ચર્ચામાં છે. તે એક એવી શિક્ષિકા તરીકે છે જે બાળકોને ભણતર પ્રત્યે પ્રેમ કરતા શીખવે છે. ચાંદનીની ભણાવવાની રીત બિલકુલ અલગ છે. તેની ક્લાસમાં બાળકો માત્ર ખુરશી પર બેસીને પુસ્તકો નથી વાંચતા. પરંતુ ગીતો, ડાન્સ, એક્ટિંગ અને એક્સપ્રેશન્સ આપીને નવી વસ્તુઓ શીખે છે. આ જ કારણ છે કે તેના વીડિયો ઇન્ટરનેટ પર ઝડપથી વાયરલ થાય છે. ઇન્સ્ટાગ્રામ પર તેના ઘણા વીડિયો મિલિયન એટલે કે કરોડથી વધુ વખત જોવામાં આવે છે.
લોકપ્રિય બાળગીતો પર ડાન્સ
સામાન્ય રીતે નાના બાળકો માટે લાંબા સમય સુધી એક જ જગ્યાએ અભ્યાસ કરવો મુશ્કેલ હોય છે. તેમનું ધ્યાન સરળતાથી ભટકાઈ શકે છે. ચાંદની આ સારી રીતે સમજી શકે છે. તેથી તેણીએ એવી શિક્ષણ પદ્ધતિ અપનાવી છે જે બાળકોને સ્વયંભૂ રીતે જોડે છે. ક્યારેક તે લોકપ્રિય બાળગીતો પર નૃત્ય કરે છે તો ક્યારેક તે બાળકોને મનોરંજક રીતે કવિતાઓ વાંચીને શીખવે છે.
View this post on Instagram
ડાન્સ, મજા અને સ્મિત સાથે અભ્યાસ
તેના વીડિયોમાં, ઘણીવાર એવું જોવા મળે છે કે આખો વર્ગ તેની સાથે બાળગીતો ગાય છે અને નાચે છે. જ્યારે ચાંદની બાળકો સાથે તેમના મનપસંદ ગીતો પર ડાન્સ કરે છે ત્યારે અભ્યાસ બોજ કરતાં વધુ રમત જેવો લાગે છે. બાળકો દરેક પ્રવૃત્તિમાં ઉત્સાહપૂર્વક ભાગ લે છે અને શીખવાનો આનંદ માણે છે.
અભ્યાસને સરળ બનાવવાનો પ્રયાસ
સૌથી ખાસ વાત એ છે કે ચાંદની બાળકોને માત્ર ગીતો યાદ કરાવતી નથી. પરંતુ તેના માધ્યમથી અભ્યાસને સરળ બનાવવાનો પ્રયાસ કરે છે. તેનું માનવું છે કે જ્યારે બાળકો ગીત ગાતા રમતા અને અભિનય કરતાં શીખે છે ત્યારે તેઓ બાબતોને લાંબા સમય સુધી યાદ રાખી શકે છે. સાથે જ બાળકોનું ધ્યાન પણ ક્લાસમાં જળવાઈ રહે છે. તેથી તેની ક્લાસમાં બાળકો ક્યારેય કંટાળતા નથી. દરરોજ કંઈક નવું શીખવા માટે ઉત્સાહિત રહે છે.
લોકો તેના અભિગમની કરી રહ્યા છે પ્રશંસા
તેના ઘણા વાયરલ વીડિયો એ વાતનો પુરાવો છે કે જ્યારે અભ્યાસ રસપ્રદ બનાવવામાં આવે છે ત્યારે બાળકો પોતે શીખવા માટે આગળ આવે છે. સોશિયલ મીડિયા પર લોકો તેના અભિગમની પ્રશંસા કરી રહ્યા છે. ઘણા લોકો લખે છે કે જો તેમના શાળાના દિવસોમાં તેમના જેવા શિક્ષક હોત, તો અભ્યાસ વધુ આનંદપ્રદ હોત. કેટલાક યુઝર્સ કહે છે કે આ પ્રકારની શિક્ષણ પદ્ધતિ નાના બાળકો માટે સૌથી અસરકારક સાબિત થઈ શકે છે.
આ પણ વાંચો, Trending Video : આ કેવો પ્રવાસી ? રિક્ષાની છત પર મગર હોવાનો દાવો કરતો વીડિયો થયો વાયરલ
