આવી રીતે બનતું હતું નકલી દૂધ, ગુજરાતના આ વિસ્તારમાં પોલીસના દરોડા, જુઓ Video

જામનગરના કાલાવડ તાલુકાના હરીપર ગામે નકલી દૂધ બનાવવાનું એક મોટું કૌભાંડ ઝડપાયું છે, જેના કારણે ખળભળાટ મચી ગયો છે. રાજકોટ રેન્જ પોલીસે આ મામલે કાર્યવાહી કરીને આશરે છ જેટલા ધંધાર્થીઓના ઘર અને ડેરીઓ પર દરોડા પાડ્યા હતા.

આ દરોડા દરમિયાન, પોલીસ અને ફૂડ એન્ડ સેફટી વિભાગની ટીમને સ્થળ પરથી આશરે 7,150 લીટર શંકાસ્પદ દૂધનો જથ્થો મળી આવ્યો હતો. આ ઉપરાંત, દૂધ બનાવટમાં ઉપયોગમાં લેવાતો 120 કિલો વનસ્પતિ ઘી અને 15 કિલો દૂધ બનાવવાનો પાવડર પણ જપ્ત કરવામાં આવ્યો હતો.

ફૂડ એન્ડ સેફટી વિભાગના અધિકારીઓએ તુરંત સ્થળ પર પહોંચી દૂધના સેમ્પલ લીધા હતા, જે વધુ તપાસ અર્થે પ્રયોગશાળામાં મોકલવામાં આવ્યા છે. શંકાસ્પદ દૂધનો જથ્થો અને બનાવટના સામાનનો પર્યાવરણને નુકસાન ન થાય તે રીતે નિકાલ કરવામાં આવ્યો હતો. આ સમગ્ર કાર્યવાહી બાદ, ભેળસેળયુક્ત દૂધના વેચાણ સાથે સંકળાયેલા ઇસમો વિરુદ્ધ કાયદેસરની કાર્યવાહી શરૂ કરવામાં આવી છે. આ કૌભાંડ ગ્રાહકોના સ્વાસ્થ્ય માટે ગંભીર જોખમ ઊભું કરતું હતું.

સુરતના આ વિસ્તારમાં પાણીની લાઈન ફાટી અને થઈ જોવા જેવી, જુઓ Video