Viral Video : ગધેડાએ વૃદ્ધ પર કર્યો જીવલેણ હુમલો, ડરાવનારી ઘટનાના CCTV ફૂટેજ આવ્યા સામે
ગધેડાએ પેલા વૃદ્ધ પર જોરદાર હુમલો કર્યો હતો અને ત્યારબાદ વૃદ્ધને રસ્તા પર ખેંચવા લાગ્યો હતો. આજુબાજુના લોકોએ વૃદ્ધનો જીવ બચાવવા માટે ગધેડાને મારવાનું શરૂ કર્યું, છતા ગધેડો વૃદ્ધને છોડતો ન હતો.
ઘણી વખત શેરીઓમાં કે રસ્તા પર ચાલતી વખતે કૂતરાઓથી બચવાનું કહેવામાં આવે છે, પરંતુ આ દિવસોમાં એક એવો વીડિયો વાયરલ થઈ રહ્યો છે જે જોઈને તમને આશ્ચર્ય થશે. આ વખતે કૂતરા નહીં પરંતુ ગધેડાએ અચાનક માણસ પર હુમલો કર્યો હતો. આ વીડિયો જોઈને કોઈ પણ ચોંકી જશે કારણ કે તે ગધેડો કોઈ કારણ વગર તે વ્યક્તિ પર તૂટી પડ્યો હતો. તે ગધેડાનો હુમલો એટલો ઝડપી હતો કે વૃદ્ધ લોહીલુહાણ થઈ ગયા હતા. આ વીડિયો ત્યાં લગાવેલા સીસીટીવી કેમેરામાં કેદ થયો હતો. વીડિયોમાં જોવા મળી રહ્યું છે કે આસપાસના લોકો આવીને તે વૃદ્ધને ગધેડાથી બચાવે છે.
આ પણ વાંચો: Video Viral : દિલ્હીની ગટરમાં પડી જતા ગુમ થઈ બાઈક, હેલ્મેટ પહેરી શોધતો જોવા મળ્યો વ્યક્તિ
તમને આ સમાચાર સાંભળીને આશ્ચર્ય થશે કે ગધેડો આટલી ઝડપથી માણસ પર કેવી રીતે હુમલો કરી શકે છે. ત્યાં લગાવેલા સીસીટીવી કેમેરામાં દેખાઈ રહ્યું છે કે સફેદ કપડા પહેરેલા એક વૃદ્ધ શેરીમાંથી પસાર થઈ રહ્યા હતા. એક ગધેડો ઘરની બાજુમાં થોડા અંતરે ઊભેલો જોવા મળે છે. જેવા આ વૃદ્ધ પેલા ગધેડા પાસે પહોંચે છે કે તરત જ ગધેડો તેમના પર તૂટી પડે છે. ગધેડાએ પહેલા વૃદ્ધ પર હુમલો કર્યો અને વૃદ્ધને રસ્તા પર નીચે પાડી દીધા અને ગધેડો આટલેથી અટક્યો નહિ. તેણે માથા વડે વૃદ્ધના પગ કચડવાનું શરૂ કર્યું હતું.
ગધેડાનો વૃદ્ધ પર જીવલેણ હુમલો કર્યાનો વીડિયો
વૃદ્ધએ ગધેડાથી છોડાવાનો પ્રયાસ કર્યો, પરંતુ તેઓ નિષ્ફળ ગયા હતા. આ દરમિયાન લાલ ટી-શર્ટ પહેરેલ એક વ્યક્તિ ત્યાં આવે છે અને ગધેડાને ત્યાંથી હટાવવાની કોશિશ કરવા લાગે છે. આ પછી, ગધેડો વધુ જોરદાર રીતે વૃદ્ધ માણસ પર હુમલો કરવાનું શરૂ કરે છે અને તેને રસ્તા પર ખેંચવાનું શરૂ કરે છે.
Kalesh B/w Donkey and a Guy on Roadpic.twitter.com/8yY02eOVtf
— Ghar Ke Kalesh (@gharkekalesh) July 8, 2023
Credit- Twitter@gharkekalesh
આ પછી વૃદ્ધને બચાવવા માટે વધુ લોકો ત્યાં આવે છે, જેમાંથી એક વ્યક્તિ પોતાનો પટ્ટો કાઢીને ગધેડાને મારવા લાગે છે, પરંતુ ગધેડો હજી પણ વૃદ્ધને છોડતો નથી. તે દરમિયાન, એક કાર માલિક ત્યાં આવે છે અને તે ગધેડાને મારવા માંગે છે, પરંતુ ગધેડો બચી જાય છે. આ પછી કેટલાક લોકોએ દૂરથી ગધેડા પર પથ્થરમારો શરૂ કરી દીધો, પરંતુ ગધેડે હજુ પણ વૃદ્ધને છોડતો નથી.
ગધેડાએ વૃદ્ધાને લોહીલુહાણ કર્યા
આ પછી એક વ્યક્તિ લાકડી વડે ગધેડાને મારવા દોડે છે. ગધેડોને બે-ત્રણ લાકડીઓ માર્યા ત્યાં સુધી છોડ્યો નહીં, પણ પછી ગધેડો વૃદ્ધને છોડીને ભાગી ગયો હતો. ત્યાં સુધીમાં તે ગધેડાએ વૃદ્ધને લોહીલુહાણ કરી દીધા હતા. આ વીડિયોમાં જોવા મળી રહ્યું છે કે જ્યારે એક વૃદ્ધ વ્યક્તિ ઉભા થાય છે તો તેના પગમાંથી લોહી નીકળી રહ્યું છે. આ વીડિયો ખૂબ જ ડરામણો છે. આ રીતે, રસ્તામાં અચાનક હુમલો થવાથી, કોઈને ઘ્યાન રાખવાની તક પણ મળતી નથી.
વાયરલ અને ટ્રેન્ડિંગના તમામ સમાચાર વાંચવા માટે અહીં ક્લિક કરો
