KGF ચેપ્ટર 2 નો ક્રેઝ જુઓ, ‘રોકી ભાઈ’ના જબરા ફેને લગ્નના કાર્ડમાં છપાવ્યો આ ડાયલોગ! ફોટો થયો વાયરલ

'KGF-2'નો ક્રેઝ જુઓ, ફિલ્મમાં 'રોકી ભાઈ'નો (Rocky Bhai) પ્રખ્યાત ડાયલોગ તેના લગ્નના કાર્ડ પર એક ફેન દ્વારા અલગ રીતે છપાયો છે. આ ફોટો સોશિયલ મીડિયા પર આગની જેમ ફેલાઈ ગયો છે.

kgf chapter 2 famous dialogue (Image Credit Source: Twitter)

TV9 Gujarati | Edited By: Jayraj Vala | Updated on: Apr 21, 2022 | 11:53 AM

કન્નડ સુપરસ્ટાર યશ સ્ટારર ફિલ્મ ‘KGF ચેપ્ટર 2’ (KGF Chapter 2) બોક્સ ઓફિસ પર સુનામીની જેમ કમાણી કરી રહી છે. ફિલ્મને લઈને લોકોમાં જે પ્રકારનો ઉત્સાહ જોવા મળી રહ્યો છે તે જોઈને કહી શકાય કે ‘રોકી ભાઈ’ હજુ અટકવાના નથી. KGF ચેપ્ટર 2 માત્ર બોક્સ ઓફિસ પર જ નહીં, પણ લોકોના દિલ અને દિમાગ પર પણ પ્રભુત્વ ધરાવે છે. આ જ કારણ છે કે, એક્ટર યશના એક જબરા ફેને કંઈક એવું કર્યું છે જે સોશિયલ મીડિયા પર ચર્ચાનો વિષય બની ગયું છે. યશના આ પ્રશંસકે પોતાના લગ્નના કાર્ડ (Wedding Card) પર રોકી ભાઈનો લોકપ્રિય ડાયલોગ હિંસા ‘વાયોલન્સ વાયોલન્સ (Violence Violence) અનોખી રીતે છાપ્યો છે. તો ચાલો આ વિશે વિગતવાર જાણીએ.

જો તમે KGF ચેપ્ટર 2 જોયું છે, તો તમે Violence, Violence, Violence…ના સ્વેગથી સારી રીતે વાકેફ હશો. જો તમે ના જોયું હોય તો તમને જણાવી દઈએ કે ફિલ્મમાં રોકી ભાઈ એટલે કે, એક્ટર યશ આ ડાયલોગ બોલે છે જ્યારે તે અધીરા એટલે કે સંજય દત્તની સામે ઊભો હોય છે અને તેના પર ગોળીઓ ચલાવે છે. આ દરમિયાન રોકી ભાઈ બોલે છે, Violence, Violence, Violence…I Don’t Like It. I Avoid! But… Violence Likes Me, I Can’t Avoid! આ ડાયલોગની જેમ યશના જબરા ચાહકે તેના લગ્નના કાર્ડ પર છાપ્યું છે – Marriage… Marriage…Marriage. I dont Like it, I avoid, but my relatives like Marriage i can’t avoid. આ કાર્ડ સોશિયલ મીડિયાના અલગ-અલગ પ્લેટફોર્મ પર ખૂબ વાયરલ થઈ રહ્યું છે.

અહીં જુઓ આ લગ્નનું કાર્ડ

This is how am gonna print my wedding card 😂#KGFChpater2 pic.twitter.com/TQE7BcOaMG

— YOGITHA ✨ (@MISS_BINGG) April 19, 2022

લગ્નના કાર્ડનો ફોટો ટ્વિટર યુઝર @MISS_BINGG દ્વારા શેર કરવામાં આવ્યો હતો, જે હવે વાયરલ થયો છે. સોશિયલ મીડિયાના અલગ-અલગ પ્લેટફોર્મ પર લોકો આ ફોટોને વધુને વધુ શેર કરી રહ્યા છે. ચાલો આ પ્રતિક્રિયાઓ પર એક નજર કરીએ…