Travel: વસંતઋતુમાં ફરવા જવાનો પ્લાનિંગ કરો છો, દક્ષિણ ભારતના આ સુંદર હિલ સ્ટેશનોની લઈ શકો છો મુલાકાત
દક્ષિણ ભારતના ઘણા હિલ સ્ટેશનો ખૂબ જ લોકપ્રિય છે. વસંતઋતુ દરમિયાન, તમે અહીં સાહસિક પ્રવૃત્તિઓની સાથે સુંદર નજારો પણ માણી શકો છો. આવો જાણીએ ક્યા છે આ હિલ સ્ટેશન.
દેશના કુદરતી સૌંદર્યને જોવા માટે વસંત એ શ્રેષ્ઠ ઋતુઓમાંની (Spring Season) એક છે. આ ઋતુમાં ખીલતો સૂર્યપ્રકાશ, સુંદર ફૂલો અને પક્ષીઓનો કિલકિલાટ ખૂબ જ આકર્ષક લાગે છે. જો તમે મુસાફરી કરવાનું વિચારી રહ્યા છો તો આ સિઝન તમારા માટે પરફેક્ટ છે. બાય રોડ, તમે ઉત્તરથી દક્ષિણ ભારતમાં ઘણા સ્થળો (Hill stations)ની મુલાકાત લેવાની યોજના બનાવી શકો છો. પરંતુ આજે અમે તમને દક્ષિણ ભારતના કેટલાક એવા હિલ સ્ટેશન વિશે જણાવવા જઈ રહ્યા છીએ, જ્યાં તમે આ સુંદર ઋતુના સુંદર નજારાનો આનંદ લઈ શકો છો અને સારો સમય પસાર કરી શકો છો. દક્ષિણ ભારત (South India)માં ફરવા માટે ઘણી રસપ્રદ જગ્યાઓ છે. ચાલો જાણીએ કે તમે દક્ષિણ ભારતના કયા હિલ સ્ટેશનની મુલાકાત લેવાનું પ્લાન કરી શકો છો.
કુર્ગ, કર્ણાટક
કુર્ગ એક લોકપ્રિય હિલ સ્ટેશન છે. વસંતઋતુમાં આ સ્થળ વધુ સુંદર બની જાય છે. અહીં મેદાનોમાં ડ્રાઈવિંગ કરવું અને તમારા ચહેરા પર વસંતની તાજી હવા મેળવવી એ એક અલગ જ અનુભવ છે. કૂર્ગ રજાઓ ગાળવા માટે ઉત્તમ સ્થળ છે.
વાગામોન, કેરળ
વાગામોન તેની પ્રાકૃતિક સુંદરતા માટે જાણીતું છે. પરંતુ આ સિવાય તમે બીજી ઘણી વસ્તુઓનો પણ અનુભવ કરી શકો છો. તમે અહીં એડવેન્ચર પ્રવૃત્તિઓ કરી શકો છો. વસંતઋતુમાં પેરાગ્લાઈડિંગનો આનંદ જ અલગ હોય છે. આ દરમિયાન પહાડો ખૂબ જ સુંદર લાગે છે.
કુન્નુર, તમિલનાડુ
આ હિલ સ્ટેશન તમિલનાડુમાં એક લોકપ્રિય પ્રવાસન સ્થળ છે. વસંતઋતુમાં નવા ખીલેલા ફૂલો અહીં ખૂબ જ આકર્ષક લાગે છે. જે કુન્નુરને વન્ડરલેન્ડ બનાવે છે. આ સુંદર સ્થળની પહાડીઓ તમને મંત્રમુગ્ધ કરી દેશે.
અરાકુ વેલી, આંધ્ર પ્રદેશ
તે આંધ્ર પ્રદેશ રાજ્યના વિશાખાપટ્ટનમ જિલ્લામાં આવેલું એક હિલ સ્ટેશન છે. આ એક લોકપ્રિય પ્રવાસન સ્થળ છે. આદિવાસી સંસ્કૃતિઓ સાથે અરાકુ ખીણમાં તમે અન્ય ઘણી રસપ્રદ વસ્તુઓનો આનંદ માણી શકો છો. કોફી પ્રેમીઓ માટે આ જગ્યા સ્વર્ગથી ઓછી નથી. અહીં તમે આસપાસ ફરવા જઈ શકો છો.
મુન્નાર, કેરળ
મુન્નારના ચાના બગીચા અને પહાડીઓના સુંદર નજારા જોવા માટે વસંતઋતુ એ સારી મોસમ છે. અહીં તમે ચારેબાજુ હરિયાળી જોઈ શકશો. વસંતઋતુ અહીંની મુલાકાત લેવાનો સારો સમય છે. તમે રજાઓમાં આ સ્થળની મુલાકાત લેવાનું પણ પ્લાન કરી શકો છો.
આ પણ વાંચો- ગર્ભાવસ્થામાં કસરત: અભિનેત્રી Kajal Aggarwal એ ગર્ભાવસ્થામાં પણ કર્યું વર્કઆઉટ, જુઓ વિડીયો
આ પણ વાંચો- Healthy Drink: મેટાબોલિઝ્મ રેટ વધારવા આ ચાર પીણાનું સેવન કરી દો શરૂ
Latest News Updates
