હવે WhatsApp પરથી ભરી શકાશે બિલ અને મળશે લોન! નવા AI અને પેમેન્ટ ફીચર્સ ટૂંક સમયમાં થશે સામેલ

WhatsApp ટૂંક સમયમાં પોતાના પ્લેટફોર્મ પર અનેક નવા ફીચર્સ અને મોટા ફેરફારો લાવી શકે છે. કંપનીના નવા વડા કુણાલ શાહે ભવિષ્યની યોજનાઓ અંગે માહિતી આપી છે. તેમણે જણાવ્યું કે કંપનીનું ધ્યાન ત્રણ મહત્વની બાબતો પર કેન્દ્રિત છે: મેસેજિંગ અનુભવને બહેતર બનાવવો, રોજિંદા કાર્યોને સરળ કરવા અને આર્ટિફિશિયલ ઇન્ટેલિજન્સ (AI) નો ઉપયોગ વધારવો. એટલે કે આગામી સમયમાં યુઝર્સને વધુ સારા વોઇસ મેસેજ, ગ્રુપ ચેટ, સ્ટીકર્સ અને વીડિયો સંબંધિત ફીચર્સ મળી શકે છે. આ ઉપરાંત WhatsApp દ્વારા બિલ ભરવું, લોન લેવી અને પ્રવાસ દરમિયાન મોબાઇલ સેવાઓનો ઉપયોગ કરવો પણ વધુ સરળ બની શકે છે.

AI અને પેમેન્ટ સાથે જોડાયેલા નવા ફીચર્સની તૈયારી

WhatsApp ના વડા કુણાલ શાહે તાજેતરમાં સોશિયલ મીડિયા પ્લેટફોર્મ X પર એક પોસ્ટ દ્વારા કંપનીના ભાવિ આયોજનની રૂપરેખા શેર કરી છે. તેમણે જણાવ્યું કે છેલ્લા કેટલાક મહિનાઓમાં કંપનીએ એ સમજવાનો પ્રયાસ કર્યો છે કે યુઝર્સ આ મેસેજિંગ એપ પાસેથી વાસ્તવમાં શું અપેક્ષા રાખે છે. તેના આધારે જ WhatsApp માં ઘણા સુધારા કરવામાં આવશે.

કુણાલ શાહના જણાવ્યા અનુસાર, WhatsApp પર દરરોજ 10 અબજથી વધુ વોઇસ મેસેજ મોકલવામાં આવે છે. આ ઉપરાંત યુઝર્સ દરરોજ 4 અબજથી વધુ સ્ટીકર્સ પણ શેર કરે છે. આ બાબતોને ધ્યાનમાં રાખીને કંપની વોઇસ મેસેજ, ગ્રુપ ચેટ, સ્ટીકર્સ અને વીડિયોના ઉપયોગને પહેલાં કરતાં વધુ સરળ અને સુવિધાજનક બનાવવા પર કામ કરી રહી છે.

કંપનીનું બીજું મોટું લક્ષ્ય WhatsApp દ્વારા દૈનિક જરૂરિયાતોને સરળ બનાવવાનું છે. આ માટે કંપની બેંકિંગ અને ટેલિકોમ કંપનીઓ સાથે મળીને કામ કરી રહી છે. આગામી સમયમાં યુઝર્સ WhatsApp એપની બહાર ગયા વગર જ વીજળી-પાણીના બિલ ભરી શકશે, નાણાં ઉધાર (લોન) લેવા જેવી સેવાઓનો લાભ મેળવી શકશે અને વિદેશ પ્રવાસ દરમિયાન મોબાઇલ કનેક્ટિવિટીને લગતાં કામો પૂર્ણ કરી શકશે. જોકે, આ સેવાઓ ક્યારથી શરૂ થશે તે અંગે કોઈ ચોક્કસ તારીખ હજુ જાહેર કરાઈ નથી.

I am nearly 4+ Months In WhatsApp

I think of WhatsApp like a shared language, spoken by 3bn+ people. Sometimes we use words, and sometimes it’s a voice note to a parent, a sticker that ends an argument, or a “that was a fun dinner” at the end of the night. Language is at the heart of everything we as people do. We write letters, tell stories, get things done and make plans for the future. A WhatsApp chat is often where we start.

Like any language, the people who use it shape it. They don’t wait for permission. They find new things to say, and new ways to say them. Often, our users show us what should come next based on how they’re using the app and communicating in the world.

I’ve spent the last few months listening and understanding what our users want from us and what I heard is simple: help people stay close to those who matter to them, and get more done on WhatsApp. So that’s what we’ll build.

First, we want to make connections richer.

Sometimes hearing someone’s voice, sending a joke, agreeing on a plan or knowing they’re safe is the whole point. People send over 10 billion voice messages and over 4 billion stickers on WhatsApp every day. As the way people communicate evolves, we will evolve these experiences with them. We’ll make voice notes, groups, stickers and video simpler and more expressive, because how people feel close keeps changing.

Second, we want anything you do on WhatsApp to be as simple as sending a message. Too many things start in a chat and end with many more steps somewhere else: paying a bill, borrowing money, staying connected when you travel. Each handoff to another task costs time. We’re working with financial services and telecom partners so that finishing something feels as easy as starting it.

Third, we want to make this all more efficient with AI. It should quietly find what you need, get things done and make sure you never miss a booking or an appointment. The best technology saves you time, so you can get back to the connections that matter.

None of this works without trust. WhatsApp handles over 100 billion messages and 2 billion calls every day. Trust takes years to earn and a moment to lose, and I don’t take that lightly. Whatever we build, WhatsApp must remain simple, reliable and private. These principles we’ve had for years aren’t changing. Your personal messages and calls stay end-to-end encrypted. This and our quality bar stays the same. What happens inside WhatsApp only matters for what it makes possible outside it: more time together, stronger communities, and fewer barriers between people and the lives they want to live.

Onwards.

— Kunal Shah (@kunalb11) November 10, 2026

AI ની મદદથી સરળ બનશે રોજિંદા કાર્યો

WhatsApp હવે આર્ટિફિશિયલ ઇન્ટેલિજન્સ એટલે કે AI નો ઉપયોગ પણ વ્યાપક બનાવવા માગે છે. કંપની એવી સુવિધાઓ પર કામ કરી રહી છે, જેની મદદથી યુઝર્સ પોતાની જરૂરિયાત મુજબની માહિતી સરળતાથી શોધી શકશે. આ સિવાય બુકિંગ, એપોઇન્ટમેન્ટ અને મહત્વપૂર્ણ કામો યાદ રાખવામાં પણ AI મદદરૂપ સાબિત થઈ શકે છે.

કુણાલ શાહે જણાવ્યું કે WhatsApp પર દરરોજ 100 અબજથી વધુ મેસેજ મોકલવામાં આવે છે અને 2 અબજથી વધુ વોઇસ તેમજ વીડિયો કોલ થાય છે. તેમણે એ પણ સ્પષ્ટ કર્યું કે નવા આધુનિક ફીચર્સ આવ્યા પછી પણ યુઝર્સના ખાનગી મેસેજ અને કોલ્સની સુરક્ષા સાથે કોઈ બાંધછોડ કરવામાં આવશે નહીં. WhatsApp પર મેસેજ અને કોલ્સ અગાઉની જેમ જ એન્ડ-ટુ-એન્ડ એન્ક્રિપ્શન સાથે સંપૂર્ણ સુરક્ષિત રહેશે.

ઉલ્લેખનીય છે કે કુણાલ શાહે આ જ વર્ષે જૂન મહિનામાં વિલ કેથકાર્ટની જગ્યાએ WhatsApp ની કમાન સંભાળી હતી. તેઓ ભારતીય ફિનટેક કંપની CRED ના ફાઉન્ડર પણ રહી ચૂક્યા છે.

WhatsApp નું ધાંસૂ નવું અપડેટ: હવે ચેટમાં જ ડાયરેક્ટ સેવ થશે નંબર અને બનશે કેલેન્ડર ઇવેન્ટ, આવ્યા સ્માર્ટ ટેક્સ્ટ શોર્ટકટ્સ