WhatsAppમાં આ 5 અમેઝિંગ ફીચર્સ ટૂંક સમયમાં આવી રહ્યા છે, યુઝર્સને પ્રાઈવસી સાથે નવી ડિઝાઈન પણ મળશે
WhatsApp હંમેશા તેના પ્લેટફોર્મને અપડેટ કરતું રહ્યું છે અને ધીમે ધીમે તેમાં નવી સુવિધાઓ ઉમેરવામાં આવી રહિ છે.
WhatsApp હંમેશા તેના પ્લેટફોર્મને અપડેટ કરતું રહ્યું છે અને ધીમે ધીમે તેમાં નવી સુવિધાઓ ઉમેરવામાં આવી રહિ છે. વ્હોટ્સએપના યુઝર ઇન્ટરફેસમાં પહેલાથી જ ઘણી સુવિધાઓ છે જે સરળતાથી દેખાય છે. હવે આ પ્લેટફોર્મમાં વધુ નવી સુવિધાઓ શામેલ થવા જઈ રહી છે. જેમાં લાસ્ટ સીન, નવુ ડિસઅપીયરીંગ ફિચર્સ પહેલેથી જ સામેલ છે. ગ્રુપ ઈન્ફોમેશન પેજની નવી ડિઝાઇન પણ સામેલ છે. આ સાથે, વપરાશકર્તાઓ ઉચ્ચ રીઝોલ્યુશન ફોટા અને વિડિઓઝ મોકલી શકશે.
આ સુવિધાઓ WABetaInfoએ સ્પોટ કરી હતી અને તેમની માહિતી શેર કરી હતી, જ્યારે કેટલાક પર પરીક્ષણ શરૂ થઈ ચૂક્યું છે. જો કે, તેઓ ક્યારે લોન્ચ થશે તે અંગે કોઈ ચોક્કસ માહિતી આપવામાં આવી નથી. પરંતુ આજે અમે તમને આવનારા 5 ફિચર્સ વિશે જણાવવા જઈ રહ્યા છીએ.
1. લાસ્ટ સીન માટે નવો વિકલ્પ
હાલમાં, લાસ્ટ સીન હાઈડ કરવાનો વિકલ્પ છે. પરંતુ નવું લાસ્ટ સીન હાઈડ ફિચર વપરાશકર્તાઓને કેટલાક પસંદ કરેલા સંપર્કો માટે જ લાસ્ટ સીનને છુપાવવાનો વિકલ્પ આપશે. આ સુવિધા WABetaInfo દ્વારા આપવામાં આવી હતી. ટૂંક સમયમાં ઇન્સ્ટન્ટ મેસેજિંગ એપ વોટ્સએપમાં My contacts except એક નવો વિકલ્પ મળી શકે છે.
2. WhatsApp ડિસઅપિયરિંગ ચેટ
ટૂંક સમયમાં વપરાશકર્તાઓને નવુ ડિસઅપિયરિંગ ચેટ ફિચર જોવા મળશે. WABetaInfo અનુસાર, આ મોડ વન એન્ડ વન અને ગ્રુપ ચેટ પર લાગુ થશે. આ સુવિધા હાલમાં ડિસઅપિયરિંગ મેસેજનું અપડેટ ફીચર હશે. જેમાં ઘણી નવી વસ્તુઓ જોવા મળશે. આ સુવિધાઓ પ્રાઈવસી સેટિંગ્સમાં ઉપલબ્ધ થશે. આને સક્રિય કર્યા પછી, વપરાશકર્તાઓ દ્વારા મોકલવામાં આવેલા સંદેશાઓ થોડા સમય પછી આપમેળે ડિલીટ થઈ જશે.
3. ગ્રુપ આઇકોન એડિટર અને ગ્રુપ ઈન્ફો રી-ડિઝાઇન
ફેસબુકની માલિકીની કંપની નવા ગ્રુપ આઇકોન એડિટર ફીચર પર કામ કરી રહી છે. આ સુવિધા એન્ડ્રોઇડ બીટા વર્ઝન 2.21.20.2 માં ઉપલબ્ધ છે. જોવામાં આવ્યું હતું આ વપરાશકર્તાઓને તરત જ જૂથ માટે ચિહ્નો બનાવવામાં મદદ કરશે અને આ માટે કોઈ ઈમેજની જરૂર નથી. ઉપરાંત, તમે આયકનની પૃષ્ઠભૂમિનો રંગ પસંદ કરી શકશો. તેમાં ઇમોજી અને સ્ટીકરો લગાવવાનો વિકલ્પ પણ હોઈ શકે છે. નવી ડિઝાઇન હેઠળ, વપરાશકર્તાઓ ચેટ્સ માટે મોટા આઈકન મેળવી શકે છે.
4. હાઈ રીઝોલ્યુશન વિડિઓઝ અને ફોટા
ઇન્સ્ટન્ટ મેસેજિંગ એપ વોટ્સએપ હેવી ફાઇલો ધરાવતાં વીડિયો અને ફોટાને કંપ્રેસ કરી દે છે. જેથી વપરાશકર્તાઓ ઓછા ઇન્ટરનેટ ખર્ચ કરીને તેમને સરળતાથી મોકલી શકે. પરંતુ કેટલીકવાર વપરાશકર્તાઓને ઉચ્ચ રીઝોલ્યુશનમાં ફોટા અને વિડિઓ મોકલવાની જરૂર હોય છે. આવી સ્થિતિમાં વપરાશકર્તાઓએ ટેલિગ્રામ વગેરે જેવી અન્ય એપ્લિકેશનોનો આશરો લેવો પડે છે. વોટ્સએપ ટૂંક સમયમાં તેના પ્લેટફોર્મ પર એક નવું ફીચર ઉમેરવા જઇ રહ્યું છે જેની મદદથી તમે હાઇ રિઝોલ્યુશન વીડિયો અને ફોટા મોકલી શકશો.
5. ઈમેજને સ્ટીકરમાં રૂપાંતરિત કરી શકાશે
વોટ્સએપ પર ફેસ્ટિવલ આવતાની સાથે જ યુઝર્સ લેટેસ્ટ અને યુનિક સ્ટીકરો ડાઉનલોડ કરવાનું શરૂ કરી દે છે. પરંતુ ટૂંક સમયમાં વપરાશકર્તાઓને એક નવું ફીચર મળશે, જેની મદદથી તેઓ કોઈપણ ચિત્રને સ્ટીકરમાં રૂપાંતરિત કરી શકશે. આ નવી સુવિધા કેપ્શન બારમાં દેખાશે, જે ફોટો મોકલતી વખતે દેખાશે. આ સુવિધા હાલમાં પરીક્ષણના તબક્કામાં છે અને બીટા વર્ઝન 2.2137.3 માં જોવા મળી હતી.
Latest News Updates
