Technology: રોડ સેફ્ટી ફિચર્સ સાથે માર્ગ પરિવહન મંત્રાલયે લોન્ચ કરી નવી નેવિગેશન એપ
Road Ministry New Navigation App: કેન્દ્રીય માર્ગ પરિવહન અને ધોરીમાર્ગ મંત્રાલય (MoRTH) એ દેશમાં ડ્રાઇવર અને માર્ગ સુરક્ષા ટેક્નોલોજી માટે IIT મદ્રાસ અને ડિજિટલ ટેક કંપની MapmyIndia સાથે સહયોગ કર્યો છે.
કેન્દ્ર અને રાજ્ય સરકારો રસ્તા પર લોકોની સલામતી વધારવા માટે ઘણા પગલાં લઈ રહી છે, જ્યારે કેન્દ્રીય પ્રધાન નીતિન ગડકરી (Nitin Gadkari)એ વારંવાર માર્ગ સલામતીની જરૂરિયાતો પર ધ્યાન કેન્દ્રિત કરવાનું કહ્યું છે. તેની સાથે જ, કેન્દ્રીય માર્ગ પરિવહન અને ધોરીમાર્ગ મંત્રાલય (MoRTH) એ દેશમાં ડ્રાઇવર અને માર્ગ સુરક્ષા ટેક્નોલોજી માટે IIT મદ્રાસ અને ડિજિટલ ટેક કંપની MapmyIndia સાથે સહયોગ કર્યો છે.
ત્રણેયે પાર્ટીએ નાગરિકો માટે એક ફ્રી-ટુ-યુઝ નેવિગેશન એપ (Navigation App) લોન્ચ કરી છે, જે લોકોને રસ્તા પરના અકસ્માતોના જોખમો વિશે ચેતવણી આપશે અને રોડ સેફ્ટી ફીચર્સ (Road Ministry New Navigation App) સાથે આવે છે.
નવી નેવિગેશન એપ કેવી રીતે કામ કરશે
નેવિગેશન એપ સર્વિસ ડ્રાઇવરોને આગામી અકસ્માતની સંભાવનાવાળા વિસ્તારો, સ્પીડ બ્રેકર્સ, તીક્ષ્ણ વળાંકો અને અન્ય જોખમો વચ્ચેના ખાડાઓ વિશે વૉઇસ અને વિઝ્યુઅલ ચેતવણીઓ આપશે. આ પહેલ દેશમાં માર્ગ અકસ્માતોને કારણે થતા અકસ્માતો અને મૃત્યુની સંખ્યામાં ઘટાડો કરવાના માર્ગ પરિવહન મંત્રાલયના આયોજનનો એક ભાગ છે.
આપને જણાવી દઈએ કે, MapmyIndia દ્વારા વિકસિત આ નેવિગેશન સર્વિસ એપ, જેને ‘MOVE’ કહેવામાં આવે છે, તેણે 2020માં સરકારની આત્મનિર્ભર એપ ઈનોવેશન ચેલેન્જ જીતી હતી. આ સેવાનો ઉપયોગ નાગરિકો અને ઓથોરીટી દ્વારા નકશા પર અકસ્માતો, અસુરક્ષિત વિસ્તારો, રસ્તા અને ટ્રાફિક સમસ્યાઓની જાણ કરવા અને પ્રસારણ કરવા અને અન્ય વપરાશકર્તાઓને મદદ કરવા માટે કરી શકાય છે.
IIT મદ્રાસ અને MapmyIndia દ્વારા ડેટાનું વિશ્લેષણ કરવામાં આવશે અને પછી ભવિષ્યમાં રસ્તાની સ્થિતિ સુધારવા માટે સરકાર દ્વારા તેનો ઉપયોગ કરવામાં આવશે.
માર્ગ સુરક્ષા પર IIT મદ્રાસની નવી યોજના
ગત મહિને, માર્ગ મંત્રાલયે વિશ્વ બેંકના ભંડોળ સાથે IIT મદ્રાસના સંશોધકો દ્વારા બનાવવામાં આવેલ ડેટા આધારિત માર્ગ સલામતી મોડલને સત્તાવાર રીતે અપનાવ્યું હતું. 32 થી વધુ રાજ્યો અને કેન્દ્રશાસિત પ્રદેશો રસ્તાઓને સુરક્ષિત બનાવવા અને કટોકટી પ્રતિસાદને સુધારવામાં મદદ કરવા માટે સંસ્થાના વિકસિત ઇન્ટિગ્રેટેડ રોડ એક્સિડન્ટ ડેટાબેઝ (iRAD) મોડલનો ઉપયોગ કરશે.
IIT ટીમે 2030 સુધીમાં માર્ગ અકસ્માતમાં થતા મૃત્યુમાં 50 ટકાનો ઘટાડો કરવા અને માર્ગ ટ્રાફિક અકસ્માતોથી થતા મૃત્યુને લક્ષ્યાંકિત કરવા રોડમેપ વિકસાવવામાં મદદ કરવા માટે વિવિધ રાજ્ય સરકારો સાથે કરારો કર્યા છે.
આ પણ વાંચો: Viral: ઘોડાને લઈ જતા આ બાળકે જીત્યું બધાનું દિલ, જુઓ આ વાયરલ વીડિયો
આ પણ વાંચો: Viral: ટ્વિટર પર ટ્રેન્ડ થયું #monkeyVsDoge, લોકો ફની Memes કરી રહ્યા છે શેર
Latest News Updates
