WhatsApp: અજાણ્યા નંબરો પરથી આવતા કૉલ્સ આપોઆપ થઈ જશે Silent, આવ્યુ નવું ફીચર
મેટાના સીઈઓ માર્ક ઝુકરબર્ગે પોતે મંગળવારે આની જાહેરાત કરી છે. ઝુકરબર્ગે પોતાની જાહેરાતમાં કહ્યું કે વોટ્સએપ એક નવું ફીચર લાવ્યું છે જેમાં અજાણ્યા નંબરોથી આવતા કોલને ઓટોમેટિકલી સાઈલન્સ કરી શકાય છે.
વોટ્સએપે અજાણ્યા નંબરો પરથી આવતા કોલથી છુટકારો મેળવવા માટે એક શાનદાર ફીચર બહાર પાડ્યું છે. હવે વોટ્સએપ પર અજાણ્યા નંબરોથી આવતા કોલ ઓટોમેટીક સાઈલન્સ થઈ શકશે. મેટાના સીઈઓ માર્ક ઝુકરબર્ગે પોતે મંગળવારે આની જાહેરાત કરી છે. ઝુકરબર્ગે પોતાની જાહેરાતમાં કહ્યું કે વોટ્સએપ એક નવું ફીચર લાવ્યું છે જેમાં અજાણ્યા નંબરોથી આવતા કોલને ઓટોમેટિકલી સાઈલન્સ કરી શકાય છે.
વોટ્સએપનું નવું ફીચર શું છે?
આ ફીચરને WhatsAppના નવા પ્રાઈવસી ફીચર તરીકે રજૂ કરવામાં આવ્યું છે. મેટાના સીઈઓ માર્ક ઝકરબર્ગના જણાવ્યા અનુસાર, આ ફીચરની મદદથી અજાણ્યા નંબરોથી આવતા કોલને ટાળી શકાશે. તેમણે કહ્યું કે નવા ફીચરની મદદથી અજાણ્યા નંબરો પરથી આવતા કોલને ઓટોમેટિકલી સાઈલન્સ કરી શકાશે. જો કે, યુઝર્સને તેનું નોટિફિકેશન મળશે અને જો યુઝર્સ ઈચ્છે તો એપના કોલ લિસ્ટમાં આ કોલ જોઈ શકે છે. આપને જણાવી દઈએ કે તાજેતરમાં ભારતમાં WhatsApp સ્પામ કોલને લઈને ઘણી ફરિયાદો સામે આવી હતી. મતલબ કે હવે આપણે આ કોલ્સમાંથી છુટકારો મેળવવા જઈ રહ્યા છીએ.
આ રીતે કામ કરશે નવું ફીચર
- WhatsAppના નવા પ્રાઈવસી ફીચરનો ઉપયોગ કરવા માટે તમારે તમારી WhatsApp એપ ખોલવી પડશે.
- હવે અહીંથી સેટિંગ્સમાં જવા માટે આઇ બટન પર ટેપ કરો અને પ્રાઇવસી વિકલ્પ પર ટેપ કરો.
- અહીં તમને નીચેથી ત્રીજા નંબર પર ‘કોલ્સ’નું નવું ફીચર જોવા મળશે.
- હવે કોલ્સ ઓપ્શન પર ટેપ કરો અને ‘Silence unknown callers’ ઓપ્શન ઓન કરો.
- આ પછી ફીચર એક્ટિવ થઈ જશે. જ્યારે તમને કોઈ અજાણ્યા નંબર પરથી કોલ આવશે ત્યારે જ તમને સૂચના મળશે.
- તમે આ કૉલ્સને કૉલ ટૅબમાં કોઈપણ સમયે જોઈ શકો છો.
મલ્ટિ-એકાઉન્ટ ફીચર
આ સિવાય WABetaInfoના અહેવાલ મુજબ, મલ્ટી-એકાઉન્ટ ફીચર ડેવલપમેન્ટ તબક્કામાં છે અને તે હજુ સુધી બીટા ટેસ્ટર્સ માટે શરૂ કરવામાં આવ્યું નથી. જો કે, આ ફીચર વ્હોટ્સએપ ફોર બિઝનેસ વર્ઝન 2.23.13.5માં જોવા મળ્યું છે જે પહેલાથી જ ગૂગલ પ્લે સ્ટોર પર ઉપલબ્ધ છે. એવી શક્યતા છે કે વોટ્સએપ ટૂંક સમયમાં બીટા યુઝર્સ સાથે ફીચરનું ટેસ્ટિંગ શરૂ કરશે. જો કે, હાલમાં તેના વિશે કોઈ સત્તાવાર માહિતી બહાર આવી નથી.
ટેક્નોલોજીના તમામ સમાચાર વાંચવા માટે અહીં ક્લિક કરો
