Tech Tips: હોળીમાં ફોનમાં લાગી ગયો છે રંગ? તો આ સરળ રીત અપનાવી કરો દૂર
ગેજેટ્સને કેવી રીતે સાફ કરવા જોઈએ અને તેમાંથી કલર કેવી રીતે દૂર કરવો જોઈએ. તેના વિશે અહીં આજે તમને જણાવીશું. એટલે કે હોળી પછી જો તમારા ગેજેટ્સમાં રંગ લાગી ગયો હોય તો તમે આ ટિપ્સની મદદથી તેને સાફ કરી શકો છો.
હોળીમાં ઈલેક્ટ્રોનિક્સ ડિવાઈસ (Electronics Device)નું ધ્યાન રાખવું પણ ખૂબ જ જરૂરી છે. આમાં સ્માર્ટવોચ, ઈયરબર્ડ્સ તેમજ સ્માર્ટફોન (Smartphone)નો સમાવેશ થાય છે. ઘણી વખત હોળીમાં જરૂરી મેસેજ કે કોલ એટેન્ડ કરવાના ચક્કરમાં મોબાઈલમાં પાણી ઘૂસી જાય છે અથવા તેના પર રંગ લાગી જાય છે. આવી સ્થિતિમાં આ ગેજેટ્સને કેવી રીતે સાફ કરવા જોઈએ અને તેમાંથી કલર કેવી રીતે દૂર કરવા જોઈએ. તેના વિશે અહીં આજે તમને જણાવીશું. એટલે કે હોળી પછી જો તમારા ગેજેટ્સમાં રંગ લાગી ગયો હોય તો તમે આ ટિપ્સની મદદથી તેને સાફ કરી શકો છો.
સૌ પ્રથમ વાત કરીએ કે જો તમારા ડિવાઈસમાં પાણી ઘૂસી ગયું છે તો તમે તેને કેવી રીતે ઠીક કરી શકો છો. જો તમે ફોનને ચોખાની બોરીમાં થોડા કલાકો માટે મૂકી દો છો તો તમારા ફોનમાં રહેલું પાણી સુકાઈ જાય છે. તેનાથી તમારે ફોનને રિપેરિંગ સેન્ટરમાં લઈ જવાની શક્યતા ઘણી ઓછી થઈ જાય છે.
હવે વાત કરીએ હોળીની જો તમારા ફોન પર રંગ લાગી ગયો છે તો તમે તેને કેવી રીતે દૂર કરશો. હોળી પાર્ટી પછી તમે સ્માર્ટફોન અથવા અન્ય ઈલેક્ટ્રોનિક્સ ડિવાઈસ જેમ કે ઈયરબડ અને સ્માર્ટવોચને કોટન પેડ અથવા કપડાથી સાફ કરી શકો છો. આ માટે તમારે કોટન પેડને લિક્વિડ હેન્ડ સેનિટાઈઝરમાં પલાળીને સ્માર્ટફોન પરના રંગીન વિસ્તારોને સાફ કરવા પડશે.
પરંતુ, તમારે એ વાતનું ધ્યાન રાખવું પડશે કે તમે ફોનને વધારે ઘસીને સાફ ન કરો. જો રંગ વધુ હોય તો તમારે સેનિટાઈઝરને બદલે આલ્કોહોલનો ઉપયોગ કરીને ડાઘને ઘસવા પડશે. ટેપની મદદથી તમે પોર્ટમાંથી રંગ સાફ કરી શકો છો. સ્માર્ટવોચ સાફ કરતી વખતે પણ તમે આલ્કોહોલ અને સોફ્ટ કાપડનો ઉપયોગ કરીને તેના ડાયલ અને નાયલોનના પટ્ટાને સાફ કરી શકો છો.
આ પણ વાંચો: Tech News: DRDOએ 45 દિવસમાં બનાવી 7 માળની બિલ્ડિંગ, જેમાં બનશે ભારતના સૌથી એડવાન્સ ફાઈટર જેટ