Tech Tips: Google Pay માં UPI ID કેવી રીતે બદલવું, જાણો સ્ટેપ બાય સ્ટેપ પ્રોસેસ
જો તમે તમારું UPI આઈડી બદલવા માંગો છો, તો તમે તેને બદલી શકો છો. તો આજે અમે તમને જણાવવા જઈ રહ્યા છીએ કે તમે Google Pay એકાઉન્ટનું UPI ID કેવી રીતે બદલી શકો છો.
આજના સમયમાં ટેક્નોલોજી(Technology)એ લોકોનું ઘણું કામ સરળ કરી દીધું છે. ત્યારે રૂપિયાની લેન-દેન પણ આજે ઘણી સરળ બની ગઈ છે જેમાં લોકો નેટ બેકિંગ અને અન્ય એપનો ઉપયોગ કરે છે ત્યારે લોકો મોટી સંખ્યામાં ગૂગલ પે (Google Pay)નો ઉપયોગ પણ કરે છે. લોકો આના દ્વારા ઓનલાઈન અને ઓફલાઈન બંને મોડમાં ખરીદી કરે છે. મોબાઈલ રિચાર્જ, બ્રોડબેન્ડ બિલ, ડીટીએચ રિચાર્જ તેમજ વીજળી બિલ અને અન્ય બિલ પણ તેના દ્વારા ભરે છે. અન્ય એપ્સની જેમ તે પણ UPI આધારિત પેમેન્ટ એપ છે જે યુઝર્સના બેંક એકાઉન્ટ સાથે જોડાયેલ છે. આ સાથે, પૈસા બેંક ખાતામાંથી સીધા અન્ય વપરાશકર્તાના બેંક ખાતામાં જાય છે. આ એપમાં યુઝર્સનું UPI આઈડી બનાવવામાં આવે છે અને તેના માટે યુઝર્સે પિન પણ સેટ કરવાનો હોય છે.
આ UPI ID થી તમામ પ્રકારની ચૂકવણી કરવામાં આવે છે. ત્યારે એપમાં નોંધણી કરાવતાની સાથે જ આ UPI ID આપમેળે બની જાય છે. આવી સ્થિતિમાં, જો તમે તમારું UPI આઈડી બદલવા માંગો છો, તો તમે તેને બદલી શકો છો. તો આજે અમે તમને જણાવવા જઈ રહ્યા છીએ કે તમે Google Pay એકાઉન્ટનું UPI ID કેવી રીતે બદલી શકો છો.
તમારા Google Pay એકાઉન્ટનું UPI ID આ રીતે બદલો
- Google Pay એપ્લિકેશન ખોલ્યા પછી, જમણી બાજુએ દેખાતા પ્રોફાઇલ ચિત્રના બટન પર ટચ કરો. આ પછી બેંક એકાઉન્ટ્સ પર ટેપ કરો.
- અહીં જો તમે એક કરતા વધુ ખાતા લિંક કર્યા છે, તો તમે તે બધાની માહિતી જોશો.
- હવે તમારે તે બેંક એકાઉન્ટ પર ટેપ કરવું પડશે જેના માટે તમે UPI આઈડી બદલવા માંગો છો. પછી તમારા ખાતાની વિગતો ખુલશે.
- અહીં તમને કેટલાક વિકલ્પો મળશે, તમારે તેમાંથી મેનેજ UPI ID પર ટેપ કરવાનું રહેશે.
- હવે તમને ઘણા વિકલ્પો મળશે અને અહીં તમારે તમારી પસંદગી મુજબ કોઈપણ એક UPI આઈડી પસંદ કરવાનું રહેશે અને તેની સામેના + બટન પર ટેપ કરવાનું રહેશે.
- આ પછી તમારું નવું UPI ID બનશે. અને પછી તમે તે આઈડી પરથી તમામ પ્રકારની પેમેન્ટ કરી શકશો.