Tech Tips: ઈન્ટરનેટ વિના મોબાઈલ પર કરો UPI નો ઉપયોગ, જાણો સ્ટેપ બાય સ્ટેપ પ્રોસેસ

રિઝર્વ બેંક ઓફ ઈન્ડિયા (RBI) એ નેશનલ પેમેન્ટ કોર્પોરેશન ઓફ ઈન્ડિયા (NPCI) સાથે મળીને નવી યુપીઆઈ (UPI)સેવા શરૂ કરી છે જે ઈન્ટરનેટ વગર કામ કરશે. ફીચર ફોન્સ માટે રચાયેલ ઈન્ટરફેસને UPI123Pay તરીકે ડબ કરવામાં આવે છે. મોટાભાગના સ્માર્ટફોન (Smartphone)માટે ઉપલબ્ધ UPI ની વિશેષતાઓ સમજાવતા, RBI ગવર્નર શક્તિકાંત દાસે વંચિત સમાજના લોકોને ખાસ કરીને ગ્રામીણ સેવાઓની સેવા કરવા પર ભાર મૂક્યો હતો.

શક્તિકાંત દાસે કહ્યું કે ‘UPIએ ફેબ્રુઆરી 2022માં રૂ. 8.26 લાખ કરોડના 453 કરોડ વ્યવહારો નોંધ્યા હતા, જે એક વર્ષ અગાઉની સરખામણીમાં લગભગ બમણા છે. 44 લાખ કરોડ અંદાજે હતા. જ્યારે ચાલુ નાણાકીય વર્ષમાં અત્યાર સુધીમાં કુલ 76 લાખ કરોડ રૂપિયાના વ્યવહારો થયા છે.

ફોનમાં UPI123Pay સેવા શરૂ કરવા માટે ત્રણ-સ્ટેપ પદ્ધતિ આપવામાં આવી છે. UPI 123Pay સાથે, વપરાશકર્તાઓને હવે UPI ચુકવણી કરવા માટે સ્માર્ટફોન અથવા ઇન્ટરનેટ કનેક્શનની જરૂર નથી. UPI સેવાનો ઉપયોગ કરવા માટે, ગ્રાહકોએ તેમના ડેબિટ કાર્ડની વિગતો સાથે તેમના બેંક એકાઉન્ટને ફીચર ફોન સાથે લિંક કરવાની જરૂર છે. ફીચર ફોન યુઝર્સ ચાર અલગ-અલગ રીતે વ્યવહાર કરી શકે છે – મિસ્ડ કૉલ, એપ-આધારિત કાર્યક્ષમતા, ઇન્ટરેક્ટિવ વૉઇસ રિસ્પોન્સ અથવા IVR અને સાઉન્ડ આધારિત ચુકવણી.

ઇન્ટરનેટ વિના UPI123Pay નો ઉપયોગ કેવી રીતે કરવો

1. સૌથી પહેલા તમારા બેંક એકાઉન્ટને UPI123Pay સાથે લિંક કરો.
2. એકવાર લિંક થઈ ગયા પછી, તમારે તમારા ડેબિટ અથવા ક્રેડિટ કાર્ડનો ઉપયોગ કરીને UPI પિન સેટ કરવાની જરૂર રહેશે.
3. પિન સેટ કર્યા પછી, તમારે તમારા ફીચર ફોનનો ઉપયોગ કરવો પડશે અને IVR નંબર પર કૉલ કરવો પડશે અને તમારા મની ટ્રાન્સફર, બિલ ચુકવણીમાંથી કોઈપણ વિકલ્પ પસંદ કરવો પડશે.
4. જો તમે પૈસા ટ્રાન્સફર કરવા માંગતા હો, તો સેવા પસંદ કરો, પ્રાપ્તકર્તાનો ફોન નંબર દાખલ કરો, રકમ દાખલ કરો અને પછી PIN નંબર દાખલ કરો. તમે પેમેન્ટ કરવા માટે આપેલ કોઈપણ પેમેન્ટ મોડ પસંદ કરી શકો છો, તેમાં વોઈસ કમાન્ડ પણ આપવામાં આવ્યો છે.

આ પણ વાંચો: Goa Election Result 2022: ગોવાની ગાદી કોણ સંભાળશે?, કોંગ્રેસને ફરી લાગશે ઝટકો કે પછી ભાજપ ફરી લહેરાવશે ભગવો

આ પણ વાંચો: Punjab Election 2022: પંજાબમાં 66 જગ્યાએ થશે મતગણતરી,આ છ દિગ્ગજ નેતાઓના ભાવિનો થશે ફેંસલો