Aadhar Card : આધાર કાર્ડ આજના સમયમાં ખૂબ જ મહત્વપૂર્ણ ડોક્યુમેન્ટ્સ છે. આધાર કાર્ડ વિના તમે ભાગ્યે જ કોઈ યોજનાનો લાભ મેળવી શકો છો. કોઈપણ સરકારી કામ માટે તે જરૂરી છે. આવી સ્થિતિમાં જો તમને યાદ ન હોય કે તમારા આધાર કાર્ડ સાથે કયો નંબર રજીસ્ટર્ડ છે. તમારા માટે સારા સમાચાર આવ્યા છે.
તમે તમારી આધાર કાર્ડની વિગતો અપડેટ કરવા માટે અથવા જ્યારે તમે તેના માટે સાઇન અપ કર્યું હોય ત્યારે તમે જે ઇમેઇલ અને મોબાઇલ નંબરનો ઉપયોગ કર્યો હતો તે તમે ચકાસી શકો છો. હવે એવી કેટલીક સેવાઓ છે જેનો લાભ રજીસ્ટર્ડ મોબાઈલ નંબર વગર પણ લઈ શકાય છે.
સોશિયલ મીડિયા પરની તાજેતરની UIDAI પોસ્ટમાં એવું કહેવામાં આવ્યું છે કે, જો તમારો મોબાઇલ નંબર આધાર કાર્ડ સાથે જોડાયેલો છે તો, તમે ડોક્યુમેન્ટ્સ અપડેટ, ઇ-આધાર ડાઉનલોડ કરવા, આધારને લૉક/અનલૉક કરવા, બેંક સીડિંગ સ્ટેટસ વગેરે જેવી સર્વિસનો ઓનલાઈન આનંદ લઈ શકો છો.
આ રીતે જાણો કે ક્યો મોબાઈલ નંબર કે ઈમેઈલ રજીસ્ટર્ડ છે
જો તમારો મોબાઈલ નંબર આધાર સાથે રજીસ્ટર્ડ ન હોય તો પણ તમે આ સર્વિસ સરળતાથી મેળવી શકો છો. તમે આધાર PVC કાર્ડનો ઓર્ડર આપવાથી લઈને આધાર PVC સ્ટેટસ તપાસવા સુધીના લાભો પણ મેળવી શકો છો. તમે નોંધણી અને અપડેટની સ્થિતિ પણ ચકાસી શકો છો.
જો તમે એનરોલમેન્ટ સેન્ટર શોધવા માંગતા હો, તો તમે તમારો મોબાઈલ નંબર રજીસ્ટર કર્યા વગર પણ તેને શોધી શકો છો. તમે ફરિયાદ દાખલ કરવા સહિત અન્ય ઘણી બાબતો પણ કરી શકો છો.