Tech Hacks: ચાલાન અને ઈંધણના ખર્ચથી બચાવશે Google Maps? આજે જ ઓન કરો આ 4 સેટિંગ્સ!
જો તમે દરરોજ Google Mapsનો ઉપયોગ કરો છો, તો તેની કેટલીક ખાસ સેટિંગ્સ તમારા માટે ખૂબ ઉપયોગી સાબિત થઈ શકે છે. આ ફીચર્સ માત્ર સાચો રસ્તો જ બતાવતી નથી. પરંતુ ઓવર-સ્પીડિંગ ચાલાન, ભારે ટ્રાફિક અને વધુ પેટ્રોલના ખર્ચથી પણ બચાવવામાં મદદ કરી શકે છે.
મોટાભાગે લોકો રસ્તો શોધવા માટે Google Mapsનો ઉપયોગ કરે છે. પરંતુ શું તમને ખબર છે કે આ એપ માત્ર તમને ગંતવ્ય સ્થાન સુધી પહોંચાડવાનું સાધન નથી, પરંતુ તમારા પૈસા બચાવવાનું પણ કામ કરે છે? ઘણી વખત થોડું વધારે ઝડપે વાહન ચલાવવાથી ઓવર-સ્પીડિંગનું ચાલાન થઈ શકે છે અથવા ખોટો રસ્તો પસંદ કરવાથી ભારે ટ્રાફિકમાં ફસાઈ જવાથી વધુ પેટ્રોલનો ખર્ચ થાય છે.
1. સ્પીડોમીટર ચાલુ કરો: ઓવર-સ્પીડિંગના ચાલાનથી બચવામાં કરશે મદદ
હાઈવે અથવા શહેરના રસ્તાઓ પર ઘણી વખત સ્પીડ લિમિટની જાણ હોતી નથી અને ટ્રાફિક કેમેરા તરત જ ચાલાન કાપી દે છે. Google Mapsમાં Speedometer અને Speed Limits નામનું બિલ્ટ-ઇન ફીચર ઉપલબ્ધ છે.
કેવી રીતે ચાલુ કરવું?
- Google Maps એપ ખોલો
- તમારી Profile Photo પર ટેપ કરો
- Settings > Navigation Settingsમાં જાઓ
- નીચે સ્ક્રોલ કરીને Speedometer અને Speed Limitsના ટૉગલ ચાલુ કરો.
ફાયદો : જો તમારી કાર અથવા બાઈક નક્કી કરેલી સ્પીડ લિમિટથી વધુ ઝડપે ચાલશે તો Google Maps તરત જ સ્ક્રીન પર ચેતવણી આપશે.
2. Eco-Friendly Routes પસંદ કરવાથી ઈંધણ બચશે
Google Mapsનું AI આધારિત અલ્ગોરિધમ હવે સૌથી વધુ ઇંધણ-કાર્યક્ષમ રસ્તો સૂચવે છે.
કેવી રીતે ચાલુ કરવું?
- Navigation Settingsમાં જાઓ.
- Prefer fuel-efficient routes વિકલ્પ ચાલુ કરો.
ફાયદો : આ ફીચર એવો રસ્તો પસંદ કરે છે જ્યાં વાહનની ઝડપ એકસરખી રહે. પરિણામે વારંવાર બ્રેક અને એક્સિલેટરનો ઉપયોગ ઓછો થાય છે અને પેટ્રોલની બચત લગભગ 10%થી 15% સુધી થઈ શકે છે.
3. Avoid Tolls અને Toll Prices: ટોલનો ખર્ચ બચાવો
લાંબી મુસાફરી દરમિયાન ઘણી વખત આપણે અજાણતા મોંઘા ટોલવાળા રસ્તા પર પહોંચી જાય છે. Google Maps તમને ટોલનો અંદાજિત ખર્ચ પણ બતાવે છે. જેથી તમે ટોલ-ફ્રી રસ્તો પસંદ કરી શકો.
કેવી રીતે ચાલુ કરવું?
- Navigation Settings > Route Options માં જાઓ.
- Avoid Tolls પસંદ કરો.
- અથવા See Toll Pass Prices વિકલ્પ ચાલુ રાખો.
ફાયદો : મુસાફરી શરૂ કરતા પહેલાં જ તમને ખબર પડી જશે કે કયા રસ્તા પર કેટલો ટોલ લાગશે. ત્યારબાદ તમે તમારી જરૂરિયાત મુજબ સૌથી સસ્તો અથવા ટોલ વગરનો રસ્તો પસંદ કરી શકશો.
4. Offline Maps: ઇન્ટરનેટ ઍક્સેસ વિના પણ તમે તમારો રસ્તો ગુમાવશો નહીં
પહાડી વિસ્તારો અથવા નેટવર્ક ન હોય એવા સ્થળોએ Google Maps ઘણી વખત કામ કરવાનું બંધ કરી દે છે. આવી સ્થિતિમાં રસ્તો ભૂલી જવાથી સમય અને પેટ્રોલ બંનેનો બગાડ થાય છે.
કેવી રીતે ઉપયોગ કરવો?
- જે શહેર અથવા વિસ્તાર જવાનો હોય તેને Google Mapsમાં શોધો.
- Profile Icon > Offline Maps માં જાઓ.
- તે વિસ્તારનો મેપ પહેલેથી જ ડાઉનલોડ કરી લો.
ફાયદો : એકવાર મેપ ડાઉનલોડ થઈ જાય પછી મોબાઇલ ડેટા અથવા ઈન્ટરનેટ વગર પણ નેવિગેશન સરળતાથી ચાલુ રહેશે.
આ પણ વાંચો, સાવધાન! Alexa તમારી બધી વાતો કરે છે રેકોર્ડ? ઓનલાઈન લીક થતા પહેલા પ્રાઇવસી બચાવવાની આ સેટિંગ્સ જાણો
