Cash On Delivery Fraud: શું તમે પણ વસ્તુઓનો ઓનલાઈન ઓર્ડર કરો છો? તો રહો સાવધાન, ‘કેશ ઓન ડિલિવરી’ના નામે થઈ રહી છે છેતરપિંડી
કેશ ઓન ડિલિવરી ફ્રોડ વિશે વાત કરીએ તો, તેમાં ડિલિવરી મેન લોકોને ફોન કરે છે અને કહે છે કે તે તમારા નામ પર પાર્સલ આવ્યું છે. આ ઉપરાંત તે કહે છે કે આ પાર્સલ માટે કેશ ઓન ડિલિવરીનો ઓપ્શન સિલેક્ટ કરવામાં આવ્યો છે, તેથી આ ઓર્ડર માટે તમારે રોકડા રૂપિયા આપવા પડશે. જે લોકોને ફોન આવ્યો હોય છે તેઓએ આવો કોઈ ઓર્ડર જ કર્યો હોતો નથી.
છેલ્લા કેટલાક સમયથી કેશ ઓન ડિલિવરીનું નવું ફ્રોડ (Cash On Delivery Fraud) ચાલી રહ્યું છે. તેની કેટલીક ઘટનાઓ બની છે અને કેટલીક ઘટનાઓ હજુ પણ પ્રકાશમાં આવી રહી છે. આજે આપણે આ છેતરપિંડી (Cyber Crime) વિશે જાણીશું. જો તમે પણ નાની મોટી જીવન જરૂરિયાતની વસ્તુઓનો ઓર્ડર કરો છો તો તમારા માટે આ ફ્રોડ વિશે જાણવું મહત્વપૂર્ણ છે, કારણ કે તે તમારું એકાઉન્ટ ખાલી કરી શકે છે.
ઓર્ડર માટે તમારે રોકડા રૂપિયા આપવા પડશે
કેશ ઓન ડિલિવરી ફ્રોડ વિશે વાત કરીએ તો, તેમાં ડિલિવરી મેન લોકોને ફોન કરે છે અને કહે છે કે તે તમારા નામ પર પાર્સલ આવ્યું છે. આ ઉપરાંત તે કહે છે કે આ પાર્સલ માટે કેશ ઓન ડિલિવરીનો ઓપ્શન સિલેક્ટ કરવામાં આવ્યો છે, તેથી આ ઓર્ડર માટે તમારે રોકડા રૂપિયા આપવા પડશે.
OTP દ્વારા કરવામાં આવે છે છેતરપિંડી
જે લોકોને ફોન આવ્યો હોય છે તેઓએ આવો કોઈ ઓર્ડર જ કર્યો હોતો નથી. તેથી તેઓ સ્કેમર્સને આ બાબતની જાણકારી આપે છે અને રકમ ન ચૂકવવાની વાત કરે છે. તેના પર ડિલિવરી બોય લોકોને કસ્ટમર કેર સાથે વાત કરવાનું કહે છે, જે એક ફેક નંબર હોય છે. આ કોલમાં લોકોને કહેવામાં આવે છે કે તેના મોબાઈલ નંબર પર એક OTP આવશે. આ OTP જણાવ્યા બાદ ઓર્ડર કેન્સલ કરી શકાય છે.
લોકોના ખાતામાંથી રૂપિયા ડેબિટ થઈ જાય છે
ઓર્ડર કેન્સલ કરવાના બહાને લોકો સાયબર ગુનેગારોની જાળમાં ફસાઈ જાય છે અને ડિલિવરી બોયને તેમના મોબાઈલ પર આવેલો OTP જણાવે છે. ડિલિવરી બોય સાથે OTP શેર કરતાની સાથે જ લોકોના ખાતામાંથી રૂપિયા ડેબિટ થઈ જાય છે. આ રકમ લોકોના ડેબિટ કે ક્રેડિટ કાર્ડની વિગતોના આધારે કપાઈ છે.
છેતરપિંડીથી બચવા શું સાવચેતી રાખવી
સાયબર ફ્રોડથી સાવધ રહો અને કોઈને પણ તમારો OTP શેર કરવો નહીં. જો કોઈ વ્યક્તિ પાર્સલ લાવે જેનો ઓર્ડર તમે નથી કર્યો તો તેને સ્વીકારશો નહીં અને તમારી વ્યક્તિગત કે અંગત માહિતી તેમજ બેંકિંગ વિગતો આપશો નહીં. આજકાલ સાયબર ગુનેગારો લોકોને નવી નવી રીતોથી છેતરતા હોય છે, તેથી તેનાથી સાવધાન રહો.
જો તમે સાયબર ક્રાઈમનો શિકાર બનો છો તો હેલ્પલાઈન નંબર પર કોલ કરો. 1930 અને સરકારના સાયબર ક્રાઈમ સેલમાં તરત જ ફરિયાદ નોંધાવો અથવા www.cybercrime.gov.in પર ફરિયાદ નોંધાવો.
ટેક્નોલોજીના તમામ સમાચાર વાંચવા માટે અહીં ક્લિક કરો
