સોલર પેનલ vs સોલર ડાયમંડ : જાણો કયું છે તમારા ખિસ્સા માટે બેસ્ટ અને કેટલો થશે ખર્ચ ?

અત્યાર સુધી આપણે સોલર પેનલને માત્ર ઘરની છત પર લાગેલી કાળા કે વાદળી રંગની કાચની પ્લેટો તરીકે જ જોઈ છે. ઘણા લોકોને તે ઘરની સુંદરતા બગાડતી હોય તેવું લાગતું હતું. પણ હવે ગિયર બદલાઈ રહ્યો છે ! ક્લીન એનર્જીનું ભવિષ્ય હવે માત્ર ‘એફિશિયન્સી’ પૂરતું મર્યાદિત નથી, પરંતુ તે ‘આર્ટ’ અને ‘આર્કિટેક્ચર’ માં ફેરવાઈ રહ્યું છે. જાણો શુ છે સોલર ડાયમંડ અને સોલર પાઈન્સ.

ડિઝાઇન અને પાવરનું અદભૂત સંગમ

દક્ષિણ કોરિયાના સિયોલમાં ‘સોલર પાઈન્સ’ નામના ફ્યુચરિસ્ટિક સ્ટ્રક્ચર્સ ઊભા કરવામાં આવ્યા છે. આ જોવામાં કોઈ મોંઘા શિલ્પ કે આર્ટ પીસ જેવા લાગે છે, પણ હકીકતમાં તે હાઈ-ટેક પાવર પ્લાન્ટ છે. તેની ડિઝાઇન કુદરતી પાઈન કોન (Pine Cone) જેવી છે, જે અલગ-અલગ એંગલથી સૂર્યપ્રકાશને શોષી લે છે. તે માત્ર વીજળી નથી બનાવતા, પણ રાત્રે તે જ એનર્જીથી આખા વિસ્તારને રોશની આપે છે. આ પ્રોજેક્ટ સાબિત કરે છે કે સોલર એનર્જી હવે છુપાવવાની વસ્તુ નથી, પણ ગર્વથી દેખાડવાની ડિઝાઇન સ્ટેટમેન્ટ છે.

શા માટે આ ટેકનોલોજી છે ખાસ

નિષ્ણાતોના મતે, આ ‘સોલર ડાયમંડ’ કોન્સેપ્ટ પરંપરાગત પેનલ કરતા વધુ કાર્યક્ષમ હોઈ શકે છે. તેની ભૌમિતિક (Geometric) રચના સૂર્યના કિરણોને વધુ અસરકારક રીતે પકડે છે. રિપોર્ટ્સ મુજબ, એક નાનું સ્ટ્રક્ચર કલાકના 1.2 કિલોવોટ જેટલી વીજળી પેદા કરી શકે છે. સૌથી મોટી વાત એ છે કે આના પાર્ટ્સ ફેક્ટરીમાં તૈયાર થાય છે અને સાઈટ પર માત્ર અસેમ્બલ કરવાના હોય છે, જેનાથી ઇન્સ્ટોલેશન ખૂબ ઝડપી બને છે.

શું બદલાશે આપણી જિંદગીમાં

જ્યારે એનર્જી ઇન્ફ્રાસ્ટ્રક્ચર આટલું સુંદર બની જાય, ત્યારે લોકોનો તેને સ્વીકારવાનો અભિગમ બદલાય છે. હવે શહેરોમાં પાર્કિંગ લોટ, બગીચાઓ અને ચાર રસ્તાઓ પર આવા આર્ટિસ્ટિક સોલર સ્ટ્રક્ચર્સ જોવા મળશે. આ માત્ર વીજળીની બચત નથી, પણ તેલ અને કોલસા પરની આપણી નિર્ભરતા ખતમ કરવાની દિશામાં એક મોટું પગલું છે. શું તમે તમારા ઘરની બહાર આવો ‘સોલર ડાયમંડ’ લગાવવા તૈયાર છો?

ભારતમાં ઉપલબ્ધતા

સારી સમાચાર એ છે કે અમદાવાદ, જયપુર અને દિલ્હી જેવા શહેરોમાં કેટલીક સ્ટાર્ટઅપ કંપનીઓએ ‘સોલર ટ્રી’ અને ‘મોડ્યુલર સોલર સ્ટ્રક્ચર્સ’ બનાવવાનું શરૂ કર્યું છે. જોકે, દક્ષિણ કોરિયા જેવા અત્યંત હાઈ-એન્ડ ‘સોલર પાઈન્સ’ હજુ મોટા કોર્પોરેટ કેમ્પસ કે પબ્લિક પાર્ક પૂરતા મર્યાદિત છે. રહેણાંક વિસ્તારો માટે ‘બાયફેશિયલ પેનલ્સ’ (બંને બાજુથી વીજળી બનાવતી પેનલ) વધુ લોકપ્રિય થઈ રહી છે કારણ કે તે જોવામાં સુંદર છે અને છત પર ઓછી જગ્યા રોકે છે.

ખર્ચનું ગણિત

1. સોલર રૂફટોપ પેનલ – ₹45,000 – ₹65,000(per kW) | ઘર અને નાના વ્યવસાય
2. સોલર ટ્રી/આર્ટિસ્ટિક – ₹1,50,000 – ₹4,00,000(per kW) | બગીચો, રિસોર્ટ, બંગલો
3. બાયફેશિયલ (સ્લીક) – ₹60,000 – ₹85,000(per kW) | મોર્ડન એપાર્ટમેન્ટ, ટેરેસ

સૌરઊર્જાને લગતા આવા જ અન્ય મહત્વના સમાચાર જાણવા માટે તમે અહીં ક્લિક કરો.