હવે તમે પણ પારલે-જી ગર્લ અને નિરમા ગર્લને વાસ્તવિકતામાં જોઈ શકશો, જાણો કેવી રીતે?
AI ડિઝાઇનરે કર્યું અદભૂત અને અવિશ્વસનીય કામ, મળી યુઝર્સની વાહ-વાહી. પારલે-જી ગર્લ અને નિરમા ગર્લ ઉપરાંત એર ઇન્ડિયાના માસ્કોટ મહારાજા, ચીટોસના ચેસ્ટર ચિત્તા, 7UPના ફિડો ડીડો અને ભારતીય રેલ્વેનો ભોલા પણ વીડિયોમાં જોવા મળી રહ્યો છે.
આ દિવસોમાં સોશિયલ મીડિયા પર એક વીડિયો ખુબ જ વાયરલ થઈ રહ્યો છે, જેમાં પારલે-જી બિસ્કિટની નાની છોકરી અને નિરમા પાવડરની હસતી-રમતી છોકરીને માણસ તરીકે બતાવવામાં આવી છે. આ કમાલ ફક્તને ફક્ત AIની મદદથી કરવામાં આવ્યું છે.
આ અદ્ભુત વિડીયો ઇન્સ્ટાગ્રામ યુઝર શાહિદ એસકે (@sahixd) દ્વારા બનાવવામાં આવ્યો છે, જે એક ફેમસ AI ડિઝાઇનર છે. શાહિદ ઘણીવાર આર્ટિફિશિયલ ઇન્ટેલિજન્સની મદદથી એવા ફોટા અને વીડિયો બનાવે છે, જે લોકોને આશ્ચર્યચકિત કરી દે છે.આવું જ કઇંક શાહિદે પારલે ગર્લ અને નિરમા પાવડરની ગર્લ સાથે કર્યું.
View this post on Instagram
યુઝર્સે વરસાવ્યો પ્રેમ
AI ડિઝાઇનર શાહિદે એક દિવસ પહેલા જ તેના ઇન્સ્ટાગ્રામ એકાઉન્ટ sahixd પર એક વીડિયો શેર કર્યો હતો. વીડિયો શેર કરતા તેણે લખ્યું કે, ચાલો AIની મદદથી ભારત અને વિશ્વના કેટલાક આઇકોનિક બ્રાન્ડ્સના માસ્કોટને હાઇપર-રિયાલિસ્ટિક અંદાજમાં રજૂ કરીએ. આ વીડિયો સોશિયલ મીડિયા પર વાયરલ થતાં જ યુઝર્સે તેમની પ્રતિક્રિયાનો વરસાદ વરસાવ્યો. એક યુઝરે લખ્યું કે, આ તો એક જાદુ છે. બીજા યુઝરે કહ્યું કે, આ એક અદભૂત વસ્તુ છે.
પારલે-જી ગર્લ અને નિરમા ગર્લ ઉપરાંત એર ઇન્ડિયાના માસ્કોટ મહારાજા, ચીટોસના ચેસ્ટર ચિત્તા, 7UPના ફિડો ડીડો અને ભારતીય રેલ્વેનો ભોલા પણ વીડિયોમાં જોવા મળી રહ્યો છે. આ બધા ખરેખરમાં એટલા બધા વાસ્તવિક લાગે છે કે જાણો તેઓ હાલ જ કઈ બોલી દે.
આ પણ વાંચો: પ્રિયંકા ચોપરા બોક્સ ઓફિસ પર નોટો છાપવા તૈયાર, મોટા પરદે જલ્દી જ કરશે કમબેક!
