T20 World Cup : રોહિત શર્માએ દેશભક્તિ બતાવી, ટીમ ઇન્ડિયાની જર્સી પહેરીને કર્યું કંઈક આવું

T20 World Cup : રોહિત શર્માએ દેશભક્તિ બતાવી, ટીમ ઇન્ડિયાની જર્સી પહેરીને કર્યું કંઈક આવું
team india new jersey

ટીમ ઈન્ડિયાના 'હિટમેન' રોહિત શર્માએ આ દરમિયાન કંઈક એવુ કર્યું, જેને જોઈને ભારતના દરેક વ્યક્તિને તેના પર ગર્વ થશે. BCCIએ પોતાના ટ્વિટર એકાઉન્ટ પર ટીમ ઈન્ડિયાની નવી જર્સીનો ફોટો શેર કર્યો હતો, જેમાં વિરાટ કોહલી, કેએલ રાહુલ, રવિન્દ્ર જાડેજા અને જસપ્રિત બુમરાહ પોતપોતાની શૈલીમાં પોઝ આપતા જોવા મળ્યા હતા.

TV9 GUJARATI

| Edited By: Nirupa Duva

Oct 15, 2021 | 12:40 PM

T20 World Cup :ટી 20 વર્લ્ડ કપ 2021 17 ઓક્ટોબરથી શરૂ થવા જઈ રહ્યો છે. ભારતે 24 ઓક્ટોબરે કટ્ટર હરીફ પાકિસ્તાન સામે પોતાની પ્રથમ મેચ રમવાની છે.

ભારત આ વર્ષે ટી 20 વર્લ્ડ કપ (T20 World Cup)જીતવા અને પાકિસ્તાન સામે પણ જીતવા માટે પ્રબળ દાવેદાર માનવામાં આવે છે. ટી 20 વર્લ્ડકપ પહેલા ટીમ ઈન્ડિયાએ પોતાની નવી જર્સી લોન્ચ કરી છે. ટીમ ઇન્ડિયા (Team India)ની નવી જર્સી પહેરીને ભારતના ટોચના ક્રિકેટરો સ્ટાઇલિશ સ્ટાઇલમાં પોઝ આપતા જોવા મળ્યા હતા.

રોહિતે જર્સી પહેરીને આવું કર્યું

ટીમ ઈન્ડિયાના ‘હિટમેન’ રોહિત શર્માએ આ દરમિયાન કંઈક કર્યું, જેને જોઈને ભારતના દરેક વ્યક્તિને તેના પર ગર્વ થશે. BCCI એ પોતાના ટ્વિટર એકાઉન્ટ પર ટીમ ઈન્ડિયાની નવી જર્સીનો ફોટો શેર કર્યો હતો, જેમાં વિરાટ કોહલી, કેએલ રાહુલ, રવિન્દ્ર જાડેજા અને જસપ્રિત બુમરાહ પોતપોતાની શૈલીમાં પોઝ આપતા જોવા મળ્યા હતા. જો કે, રોહિત શર્માએ કંઈક એવું કર્યું કે, જેનાથી બધાએ તેની પ્રશંસા કરી.

રોહિત માટે ખૂબ વખાણ કર્યા

રોહિત શર્મા (Rohit Sharma)નવી જર્સી પર છપાયેલા ‘ઈન્ડિયા લોગો’ તરફ ઈશારો કરી રહ્યા છે, જેના પછી ચાહકો સોશિયલ મીડિયા પર તેની ઉગ્ર પ્રશંસા કરી રહ્યા છે. તાજેતરમાં જ એક ટ્વિટર યુઝરે પોતાના સોશિયલ મીડિયા (Social media)હેન્ડલ સાથે આ તસવીર શેર કરી અને રોહિતની દેશભક્તિ તરફ ઈશારો કર્યો. આ તસવીરમાં રોહિત તરફ ઈશારો કરતા આ યુઝરે કહ્યું છે કે ટીમના વાઈસ કેપ્ટન જર્સી પર છપાયેલા ‘ઈન્ડિયા લોગો’ તરફ ઈશારો કરી રહ્યા છે, જ્યારે તેના બાકીના સાથી ખેલાડીઓ બીસીસીઆઈના લોગો તરફ ઈશારો કરી રહ્યા હતા. રોહિતને આમ કરતા જોઈને ચાહકો ફરી એકવાર તેની દેશભક્તિના ચાહક બની ગયા છે.

ભારત અને પાકિસ્તાન એક જ ગ્રુપમાં છે

આ તસવીર વાયરલ થયા બાદ ચાહકો સોશિયલ મીડિયા (Social media) પર રોહિતના વખાણ કરી રહ્યા છે. તમને જણાવી દઈએ કે, ભારતીય ટીમ 24 ઓક્ટોબરે પાકિસ્તાન (Pakistan) સામેની મેચથી પોતાના ટી 20 વર્લ્ડ કપ અભિયાનની શરૂઆત કરશે. ભારત અને પાકિસ્તાન ટી 20 વર્લ્ડ કપ 2021 માં 24 ઓક્ટોબરે સામસામે હશે. તમને જણાવી દઈએ કે, ટી 20 વર્લ્ડ કપમાં ભારત અને પાકિસ્તાનને એક જ ગ્રુપમાં રાખવામાં આવ્યા છે. ટી 20 વર્લ્ડ કપ ટુર્નામેન્ટમાં પાકિસ્તાન સામે ભારતનો વિજેતા રેકોર્ડ 5-0 છે. ભારત અને પાકિસ્તાન એક જ ગ્રુપમાં હોવાથી ફરી એકવાર બંને દેશો વચ્ચે એક રોમાંચક મેચ જોવા મળશે.

ભારત અને પાકિસ્તાન 2 વર્ષ પછી ટકરાશે

ભારત અને પાકિસ્તાનની ટીમો (IND VS PAK) 2 વર્ષ પછી સામસામે આવશે. છેલ્લી વખત બંને ટીમો 2019 વર્લ્ડ કપ દરમિયાન મળી હતી. તે મેચમાં ભારતે પાકિસ્તાનને 89 રનથી હરાવ્યું હતું. રોહિત શર્માએ તે મેચમાં 140 રન બનાવ્યા હતા. ટીમ ઇન્ડિયાએ 5 વિકેટે 336 રન બનાવ્યા હતા. જવાબમાં પાકિસ્તાનની ટીમ 6 વિકેટે 212 રન જ બનાવી શકી હતી.

ભારત અને પાકિસ્તાન (IND VS PAK) વચ્ચે ટી -20માં કુલ 8 મેચ રમાઈ છે, જેમાંથી ટીમ ઈન્ડિયાએ 7 માં જીત મેળવી છે જ્યારે પાકિસ્તાને માત્ર એક જ મેચ જીતી છે. તમને જણાવી દઈએ કે, છેલ્લી વખત પાકિસ્તાને ભારત પર 2012માં જીત મેળવી હતી. આવી સ્થિતિમાં પાકિસ્તાનની ટીમ 9 વર્ષથી ભારત પર જીત મેળવવા માટે તલપાપડ છે. આઇસીસી ટી 20 વર્લ્ડ કપ 17 ઓક્ટોબરથી યુએઇમાં યોજાશે. આ ટુર્નામેન્ટમાં 16 ટીમો ભાગ લેશે. આ ટુર્નામેન્ટની છેલ્લી મેચ 14 નવેમ્બરે રમાશે.

આ પણ વાંચો : T20 World Cupની યાદગાર ક્ષણો, જે જોઈને દર્શકોના મોંઢા માંથી માત્ર ‘વાહ’ જ શબ્દ નીકળશે

Follow us on

Related Stories

Most Read Stories

Click on your DTH Provider to Add TV9 Gujarati