વિનેશ ફોગાટ ભારત પહોંચી, દિલ્હી એરપોર્ટ પર ભવ્ય સ્વાગત કરવામાં આવ્યું
કુસ્તીબાજ વિનેશ ફોગાટ ભારત પરત ફરી છે. 17 ઓગસ્ટ, શનિવારે સવારે 10.52 કલાકે વિનેશ દિલ્હી એરપોર્ટ પહોંચી હતી, જ્યાં તેનું ભવ્ય સ્વાગત કરવામાં આવ્યું હતું. વિનેશે પેરિસ ઓલિમ્પિકમાં શાનદાર પ્રદર્શન કર્યું હતું. જોકે ફાઈનલ મેચ પહેલા 100 ગ્રામ વધારે વજન હોવાના કારણે તેને ગેરલાયક ઠેરવવામાં આવી હતી. આ પછી, તેણે કોર્ટ ઓફ આર્બિટ્રેશન ફોર સ્પોર્ટ્સ (CAS)માં સિલ્વર મેડલ માટે કાનૂની લડાઈ લડી, પરંતુ તેમાં કોઈ સફળતા મળી ન હતી.
પેરિસ ઓલિમ્પિકમાં ભારતને ગૌરવ અપાવનાર વિનેશ ફોગાટ ભારત પહોંચી ગઈ છે. વિનેશ સવારે 10.52 વાગ્યે દિલ્હી એરપોર્ટ પર ઉતર્યા હતા. જ્યાં તેમનું ભવ્ય સ્વાગત કરવામાં આવ્યું હતું. વિનેશના સ્વાગત માટે એક કાર્યક્રમ બનાવવામાં આવ્યો છે, જે અંતર્ગત તે દ્વારકા એક્સપ્રેસ-વેથી હરિયાણાના ચરખી દાદરીના બલાલી ગામ સુધી રોડ શો કરશે.
કાર્યક્રમ માટે રૂટ મેપ તૈયાર
વિનેશ ફોગાટના ભાઈ હરવિન્દ્ર ફોગાટે જણાવ્યું કે આ કાર્યક્રમ માટે રૂટ મેપ તૈયાર કરવામાં આવ્યો છે. તે સાંજ સુધીમાં તેના ગામ પહોંચશે, જ્યાં તેના માટે સન્માન સમારોહનું આયોજન કરવામાં આવ્યું છે. વિનેશને આવકારવા માટે બલાલીમાં લાડુ સહિત અનેક મીઠાઈઓ તૈયાર કરવામાં આવી છે. ખરાબ હવામાનને જોતા ગામમાં વરસાદથી બચવા માટે ટેન્ટ લગાવવામાં આવ્યા છે.
#WATCH | Wrestler Vinesh Phogat arrives at Delhi’s IGI Airport from Paris after the Olympics.
Congress MP Deepender Hooda and others welcome her at the airport. pic.twitter.com/7BbY2j5Zv0
— ANI (@ANI) August 17, 2024
#WATCH | Indian wrestler Vinesh Phogat receives a grand welcome at Delhi’s IGI Airport
She arrived here from Paris after participating in the #Olympics2024Paris. pic.twitter.com/9GqbZkks7D
— ANI (@ANI) August 17, 2024
વિનેશ ફોગાટ ભાવુક થઈ
વિનેશ ફોગાટના સ્વાગત માટે દિલ્હી એરપોર્ટ પર સેંકડો સમર્થકો એકઠા થયા છે. વિનેશનું સમર્થકો દ્વારા ભવ્ય સ્વાગત કરવામાં આવ્યું હતું. તેમનો પ્રેમ જોઈને ભારતીય રેસલર ભાવુક થઈ ગયા. વિનેશે હાથ જોડીને તમામનો આભાર માન્યો હતો.
#WATCH | Indian wrestler Vinesh Phogat breaks down as she arrives at Delhi’s IGI Airport from Paris after participating in the #Olympics2024Paris. pic.twitter.com/T6LcZzO4tT
— ANI (@ANI) August 17, 2024
બજરંગ પુનિયા-સાક્ષી મલિક એરપોર્ટ પહોંચ્યા
વિનેશ ફોગટની માતા પણ દિલ્હી એરપોર્ટ પર પહોંચી હતી અને પુત્રીનું સ્વાગત કર્યું હતું. વિનેશ સાથે બજરંગ પુનિયા અને સાક્ષી મલિક પણ એરપોર્ટ પર હાજર છે. દિલ્હી એરપોર્ટ પર વિનેશ ફોગાટનું સ્વાગત કરવા માટે ઢોલ વગાડવામાં આવી રહ્યો છે અને ત્યાં હાજર લોકો જોરશોરથી ડાન્સ કરી રહ્યા છે. વિનેશના ગામ બલાલીમાં અનેક પ્રકારની વાનગીઓ બનાવવામાં આવી રહી છે.
આ પણ વાંચો: BCCI ભારત-બાંગ્લાદેશ સિરીઝમાં ડે-નાઈટ ટેસ્ટ મેચ યોજવા નથી માંગતું, જય શાહે જણાવ્યું કારણ
