Roger Federer Retirement: રોજર ફેડરરની નિવૃત્તિએ નડાલનુ દિલ તોડ્યુ, સેરેના વિલિયમ્સે લખી ભાવુક પોષ્ટ
20 ગ્રાન્ડ સ્લેમ જીતી ચૂકેલા રોજર ફેડરરે (Roger Federer) ગુરુવારે નિવૃત્તિની જાહેરાત કરી હતી. તેની નિવૃત્તિએ માત્ર ચાહકોનું જ નહીં પરંતુ અનુભવી ખેલાડીઓનું પણ દિલ તોડ્યું.
20 ગ્રાન્ડ સ્લેમ જીતનાર ટેનિસ સ્ટાર રોજર ફેડરરે (Roger Federer) ગુરુવારે પોતાની શાનદાર કારકિર્દીને અલવિદા કહ્યું. ફેડરરે લાંબા સમય સુધી ટેનિસ જગત પર રાજ કર્યું. તે સમગ્ર વિશ્વમાં ચાહકોનો પ્રેમ મેળવવામાં સફળ રહ્યો. આવી સ્થિતિમાં તેની નિવૃત્તિએ ચાહકોને નિરાશ કર્યા છે. માત્ર ચાહકો જ નહીં, રોજર ફેડરરના સાથી ખેલાડીઓ અને અન્ય રમતના દિગ્ગજોએ પણ આ સ્ટાર ટેનિસ ખેલાડીને શાનદાર કારકિર્દી માટે અભિનંદન પાઠવ્યા હતા. ફેડરરના સૌથી મોટા હરીફ ગણાતા રાફેલ નડાલે (Rafael Nadal) એક ઈમોશનલ પોસ્ટ લખી હતી. તે જ સમયે, સેરેના વિલિયમ્સે (Serena Williams) ફેડરરનું રિટાયરમેન્ટ ક્લબમાં સ્વાગત કર્યું.
નડાલે ઈમોશનલ પોસ્ટ લખી હતી
રોજર ફેડરરના કટ્ટર હરીફ રાફેલ નડાલે પણ તેના મિત્ર માટે ઈમોશનલ પોસ્ટ લખી હતી. તેણે ટ્વિટ કર્યું, ‘રોજર મારા મિત્ર મારા હરીફ, હું ઈચ્છું છું કે આ દિવસ ક્યારેય ન આવે. આ દિવસ મારા અને રમતના ચાહકો માટે દુઃખદ દિવસ સાબિત થયો છે. આ મારું સૌભાગ્ય હતું કે આટલા વર્ષોમાં હું તમારી સાથે કોર્ટની અંદર અને બહાર ઘણી અદ્ભુત ક્ષણો જીવી શક્યો.
We will have many more moments to share together in the future, there are still lots of things to do together, we know that. For now, I truly wish you all the happiness with your wife, Mirka, your kids, your family and enjoy what’s ahead of you. I’ll see you in London @LaverCup
— Rafa Nadal (@RafaelNadal) September 15, 2022
સેરેના વિલિયમ્સે રિટાયરમેન્ટ ક્લબમાં આવકાર્યો
નિવૃત્તિ લઈ ચૂકેલી સેરેના વિલિયમ્સે ફેડરરનું તેના ક્લબમાં સ્વાગત કર્યું હતું. તેણે ફેડરર સાથેની એક તસવીર શેર કરી અને લખ્યું, ‘હું આ વસ્તુઓને પરફેક્ટ રીતે લખવા માંગતી હતી, જેમ તમે તમારી કારકિર્દીને અલવિદા કહ્યું હતું. આપણાં રસ્તા એક જ હતા. તમે લાખો લોકોને પ્રેરણા આપી. હું તમને અભિનંદન આપું છું અને તમે આગળ શું કરવા જઈ રહ્યા છો તે જાણવા માટે આતુર છું. રોજર ફેડરર ‘રિટાયરમેન્ટ ક્લબમાં આપનું સ્વાગત છે’
View this post on Instagram
સચિને નિવૃત્તિ પર આમ કહ્યુ
ભારતમાં ફેડરરને પસંદ કરનારા લોકોની કોઈ કમી નથી. અહીં પણ ફેડરર ગુરુવારથી ટ્રેન્ડ કરી રહ્યો છે. દિગ્ગજ ખેલાડી સચિન તેંડુલકરે ટ્વીટ કરીને લખ્યું, ‘તમારી રોજર ફેડરર કેટલી શાનદાર કારકિર્દી છે. તમારી ટેનિસ અને ટેનિસ રમવાના અંદાજથી મહોબ્બત થઈ ગઈ અને ટેનિસ એક આદત બની ગઈ. આદતો નિવૃત્ત થતી નથી, તે આપણો એક ભાગ બની જાય છે. અદ્ભુત યાદો માટે આભાર’
What a career, @rogerfederer. We fell in love with your brand of tennis. Slowly, your tennis became a habit. And habits never retire, they become a part of us.
Thank you for all the wonderful memories. pic.twitter.com/FFEFWGLxKR
— Sachin Tendulkar (@sachin_rt) September 15, 2022
Latest News Updates
