ISSF World Cup: સૌરભ ચૌધરીએ ગોલ્ડ જીતી ભારતને અપાવ્યો પ્રથમ મેડલ, ઇશા સિંહે સિલ્વર મેડલ પોતાને નામ કર્યો
ઇજિપ્તની રાજધાની કૈરોમાં આયોજિત પ્રથમ ISSF વર્લ્ડ કપ (World Cup) માં ભારતે મંગળવારે એક ગોલ્ડ અને એક સિલ્વર એમ બે મેડલ જીત્યા, અત્યાર સુધીમાં બે મેડલ ભારત પાસે આવ્યા છે.
ટોક્યો ઓલિમ્પિક 2020માં નિરાશાજનક પ્રદર્શન બાદ ભારતીય શૂટિંગ અને શૂટર્સ વાપસી કરવાનો પ્રયાસ કરી રહ્યા છે. તેની સામે આ વર્ષની સૌથી મોટી ટુર્નામેન્ટ એશિયન ગેમ્સ છે, જેમાં ઘણો સમય બાકી છે. તે પહેલા આ વર્ષે યોજાનાર અલગ-અલગ વર્લ્ડ કપમાં ભારતીય શૂટર્સ પાસે સારા પ્રદર્શનની અપેક્ષા છે અને વર્ષના પ્રથમ વર્લ્ડ કપ ની શરૂઆત સારી થઈ છે. પુરુષોની શૂટિંગમાં, ભારતના ટોચના પિસ્તોલ શૂટર સૌરભ ચૌધરી (Saurabh Chaudhary) એ ઇજિપ્તની રાજધાની કૈરોમાં આયોજિત વર્લ્ડ કપ (ISSF Cairo World Cup 2022) માં ગોલ્ડ મેડલ જીત્યો છે. ભારતીય સ્ટારે 10 મીટર એર પિસ્તોલ સ્પર્ધામાં જર્મની અને ટોક્યો ઓલિમ્પિકના સિલ્વર મેડલ વિજેતાને હરાવીને ગોલ્ડ જીત્યો હતો.
ગયા વર્ષે યોજાયેલી ઓલિમ્પિક ગેમ્સમાં ભારત માટે શૂટિંગમાં મેડલની સૌથી મોટી આશા ગણાતા સૌરભ ચૌધરી ફાઈનલમાં ભાગ લઈ ચૂક્યો હતો. મોટાભાગના શૂટર્સ ફાઇનલ માટે ક્વોલિફાય પણ કરી શક્યા ન હતા. ત્યારથી શૂટર્સ ટીકાનું નિશાન બન્યા હતા. આવી સ્થિતિમાં, શૂટિંગ ટીમોમાં ફેરફાર કરવામાં આવ્યા છે અને ઘણા નવા શૂટર્સને પણ આ વર્લ્ડ કપ માટે તક આપવામાં આવી છે.
વર્લ્ડકપમાં 9મો ગોલ્ડ
મંગળવાર, 1 માર્ચના રોજ કૈરોમાં આયોજિત 10 મીર એર પિસ્તોલની ફાઇનલમાં, સૌરભ ચૌધરીએ તેની ગતિ પાછી મેળવી અને ગોલ્ડ મેડલનું લક્ષ્ય રાખ્યું. 19 વર્ષીય ભારતીય શૂટરે ક્વોલિફિકેશન રાઉન્ડમાં 584 પોઈન્ટ બનાવ્યા અને પછી સેમીફાઈનલમાં 38 પોઈન્ટ સાથે ફાઇનલમાં પ્રવેશ કર્યો. ફાઈનલમાં સૌરભે 42.5 પોઈન્ટ મેળવીને ગોલ્ડ મેડલ જીત્યો હતો. વિશ્વ કપના ઇતિહાસમાં સૌરભે જીતેલ આ નવમો ગોલ્ડ મેડલ હતો (મિશ્ર ટીમ સહિત).
ઈશા સિંહનો પહેલો મેડલ
આ સાથે જ ભારતની યુવા પિસ્તોલ શૂટર ઈશા સિંહે પણ મહિલાઓમાં સિલ્વર મેડલ જીત્યો હતો. ઈશાનો આ શૂટિંગ વર્લ્ડ કપમાં પ્રથમ મેડલ છે. આ ઇવેન્ટનો ગોલ્ડ મેડલ ગ્રીસની અન્ના કોરાકાકીએ જીત્યો હતો. આ વર્ષે પણ ભારતને આ બે જ મેડલ મળ્યા છે. ભારત હજુ પણ મિક્સ્ડ ટીમ ઈવેન્ટ્સમાં જીતની આશા રાખશે.
ISSF એ રશિયાનો ધ્વજ ના બતાવ્યો
જ્યારે જર્મનીના માઈકલ શ્વાલ્ડે સિલ્વર મેડલ જીત્યો હતો જ્યારે ટોક્યો ઓલિમ્પિકમાં સિલ્વર મેડલ જીતનાર રશિયાના આર્ટેમ ચેર્નુસોવને બ્રોન્ઝ મેડલ મળ્યો હતો. ખાસ વાત એ છે કે ફાઈનલ રિઝલ્ટ પછી ટીવી પર રશિયન પ્લેયરનો ફ્લેગ બતાવવામાં આવ્યો ન હતો, કારણ કે રશિયાના યુક્રેન પર આક્રમણને કારણે ISSFએ રશિયન ફ્લેગનો ઉપયોગ નહીં કરવાનો નિર્ણય લીધો હતો.
આ પણ વાંચોઃ IPL 2022: જેસન રોયે ભલે હાર્દિક પંડ્યાનો છોડી દીધો સાથ, ગુજરાત ટાઇટન્સ ટીમ પાસે છે 4 વિકલ્પ!
આ પણ વાંચોઃ Sabarkantha: યુક્રેન રશિયા યુદ્ધ સમાપ્ત થવા શિવજીની 51 ફુટ પ્રતિમા સમક્ષ સવા મણ રુ ની જ્યોત પ્રગટાવી પ્રાર્થના કરાઇ, ભક્તોએ ઘીની આહુતી આપી
