Iran Israel War Breaking : ટ્રમ્પે ઈરાનની ફુટબોલ ટીમને ચેતવણી આપી,FIFA વર્લ્ડકપ રમવું પડી શકે છે ભારે

દુનિયાની સૌથી મોટી ફુટબોલ ટૂર્નામેન્ટ FIFA ફીફા વર્લ્ડકપ 2026ને લઈ એક નવી રાજકીય ચર્ચા શરૂ થઈ છે. ટુર્નામેન્ટ પહેલા, યુએસ રાષ્ટ્રપતિના નિવેદને હંગામો મચાવ્યો છે, જેમાં ઈરાની રાષ્ટ્રીય ટીમને ચેતવણી આપવામાં આવી છે કે, જો તેઓ વર્લ્ડ કપમાં ભાગ લેશે તો તેમના જીવન અને સુરક્ષા જોખમમાં મુકાઈ શકે છે.

વર્લ્ડકપમાં ભાગ લેવો સુરક્ષિત નહી

ડોનાલ્ડ ટ્રમ્પે ઈરાનની ફુટબોલ ટીમને લઈ એક મોટું નિવેદન આપ્યું છે. તેમણે કહ્યું કે, ઈરાનનું વર્લ્ડકપમાં સ્વાગત છે પરંતુ ખેલાડીઓનું અહી આવવું સુરક્ષિત નથી. ટ્રમ્પે સોશિયલ મીડિયા પ્લેટફોર્મ પર લખ્યું કે, ઈરાનની ફુટબોલ ટીમનું વર્લ્ડકપમાં સ્વાગત છે પરંતુ તેમને લાગતું નથી કે, તેના જીવ અને સુરક્ષા માટે તેને અહી આવવું યોગ્ય છે.

: Donald Trump on Truth Social, recommending that Iran should not attend the World Cup. pic.twitter.com/VEDwDz9U1Z

— The Touchline | (@TouchlineX) March 12, 2026

ઈરાન ટૂર્નામેન્ટમાંથી નામ પરત લઈ શકે

તમને જણાવી દઈએ કે, 2026 ફીફા વર્લ્ડકપ અમેરિકામાં આયોજિત થવાનો છે. આ સમયે પશ્ચિમ એશિયામાં ચાલી રહેલા સંઘર્ષના કારણે ઈરાનની સંડોવણી અંગેની પરિસ્થિતિ જટિલ બની છે. ત્યારે એવી પણ અટકળો સામે આવી રહી છે કે, ઈરાન ટૂર્નામેન્ટમાંથી નામ પરત લઈ શકે છે.

ટ્રમ્પનું એક નિવેદન તે સમયે સામે આવ્યું છે. જ્યારે ફીફાના અધ્યક્ષ જિયાની ઈન્ફેટિનાએ હાલમાં કહ્યું હતુ કે, ટ્રમ્પ દ્વારા આશ્વસન મળી રહ્યું છે કે, ઈરાનની ટીમનું ટૂર્નામેન્ટમાં સ્વાગત કરવામાં આવશે. ઈન્ફેટિનોએ સોશિયલ મીડિયા પર જણાવ્યું કે, તેમણે ટ્રમ્પ સાથે હાલની સ્થિતિની ચર્ચા કરી અને રાષ્ટ્રપતિએ પુનરોચ્ચાર કર્યો કે ઈરાનની ટીમને યુનાઇટેડ સ્ટેટ્સમાં યોજાનાર વર્લ્ડ કપમાં રમવાની મંજૂરી આપવામાં આવશે.

ઈરાન દુર થયું તો કોને મળશે તક ?

ટ્રમ્પેના હાલના નિવેદન બાદ એ સવાલ ઉઠવા લાગ્યા છે કે, શું ઈરાન ટૂર્નામેન્ટમાં ભાગ લેશે? જો ઈાન અધિકારિક રુપે વર્લ્ડકપમાંથી દુર થાય છે. તો ફીફા તેના સ્થાને કોઈ અન્ય ટીમને તક આપી શકે. આવી સ્થિતિમાં એશિયાની ટીમોમાં ઈરાક સૌથી મજબુત ટીમ માનવામાં આવી રહી છે કારણ કે, તે એ એશિયાઈ ટીમોમાં સૌથી ઉપર રેન્ક પર છે. જે અત્યારસુધી વર્લ્ડકપ માટે ક્વોલિફાય કરી શકી નથી. યુએઈ પણ સંભવિત વિકલ્પોમાં સામેલ છે.

ટ્રમ્પે ચારથી પાંચ અઠવાડિયા સુધી યુદ્ધ ચાલુ રાખવાની વાત કરી, ટ્રમ્પના પરિવારમાં કોણ કોણ છે જાણો અહી ક્લિક કરો