IPL 201: કૃણાલ પંડ્યાને 15 કરોડના મોંઘાદાટ બોલરે બોલ નાંખ્યોને બેટના બે ટુકડા કરી નાંખ્યા, જુઓ વિડીયો

રોમાંચ થી ભરપૂર રહેલી IPL 2021 ની ઓપનીંગ મેચ, ટુર્નામેન્ટની ઓપનિંગના આકર્ષણ મુજબ રોમાંચક રહી હતી. ઓપનિંગ મેચમાં એક એક રનની લડાઇ પણ જોવા મળી હતી. બોલીંગ અને બેંટીંગ બધી જ રીતે એક સંપૂર્ણ પ્રકારની મેચ ફાઇટ અંત સુધી જોવા મળી હતી. આઇપીએલ 2021 ની ઓપનિંગ મેચ મુંબઇ ઇન્ડીયન્સ અને રોયલ ચેલેન્જર્સ બેંગ્લોર (Mumbai Indians vs Royal Challengers Bangalore) વચ્ચેની પ્રથમ મેચ તમામ રીતે ખરી ઉતરી હતી.

પ્રથમ મેચમાં જ રોયલ ચેલેન્જર્સ બેંગ્લોરની ટીમે રોંમાંચક ભરી મેચમાં વિજય મેળવી સિઝનની શરુઆત કરી હતી. પ્રથમ રમતા મુંબઇ ઇન્ડીયન્સ એ 20 ઓવરમાં 9 વિકેટ ગુમાવીને 159 રન બનાવ્યા હતા. જવામાં આરસીબીની ટીમે આ લક્ષ્યને 8 વિકેટ ગુમાવીને અંતિમે બોલે હાંસલ કર્યુ હતુ. વિરાટ કોહલીની સેનાએ અંત સુધી લડત આપી ને લક્ષ્યને છેલ્લા બોલે રન લઇને 2 વિકેટ થી જીત મેળવી હતી. આના થી જ અંદાજ લગાવી શકાય છે કે, મેચ કેટલી રોમાંચક રહી હશે.

19 મી ઓવરનો રોમાંચ અલગ જ રહ્યો તેમાં કોઇ જ બેમત નથી કે, પૂરી મેચ રોમાંચ થી ભરપૂર હતી. જોકે મજા અને ખેલાડીની આક્રમકતા મુંબઇની ઇનીંગની 19મી ઓવરમાં જોવા મળી હતી, જે લાજવાબ હતુ. RCB તરફ થી ઓવર તેમનો સૌથી મોંઘોદાટ ખેલાડી કાઇલ જેમીસન (Kyle Jamieson) કરી રહ્યો હતો. 15 કરોડ રુપિયામાં ખરીદ કરવામાં આવેલો ન્યુઝીલેન્ડનો જેમીસન એ પોતાની આ ઓવરમાં ત્રીજા બોલને નો બોલ નાંખ્યો હતો. જે વખતે કૃણાલ પંડ્યા (Krunal Pandya) સ્ટ્રાઇક પર મિડ વિકેટ પર ચોગ્ગો ફટકાર્યો હતો. આમ નો બોલ સાથે 5 રન મળ્યા હતા.

કાઇલ જેમીસન એ તોડ્યુ કૃણાલનુ બેટ ! હવે આ નો બોલના બદલે એક વધુ બોલ મળ્યો હતો. મતલબ સ્ટ્રાઇક રેટ પર રહેલા કૃણાલ પંડ્યાએ હવે ફ્રિ હિટ રમવાની હતી. જોકે આ વખતે કાઇલ જેમીસન એ સારી રીતે એ વાતની સમજણ પાડી દીધી હતી કે, તે કેમ 15 કરોડના ખર્ચે આરસીબી સાથે જોડાઇ શક્યો છે. 7 ફુટના આ લાંબા બોલરે મિડલ સ્ટંપ યોર્કર બોલ નાંખ્યો હતો. જેને કૃણાલ પંડ્યા સિક્સર લગાવવા નો પ્રયાસ કર્યો હતો. પણ આ દરમ્યાન જ તેનુ બેટ હેન્ડલ થી અલગ થઇ ગયુ હતુ. તે બે ટુકડામાં વહેંચાઇ ગયુ હતુ. બોલ સિક્સર પર તો ના પહોંચી શક્યો પરંતુ કૃણાલ પંડ્યાએ પોતાને બેટ જરુર બદલવુ પડ્યુ હતુ. કૃણાલ જે મેચમાં માત્ર 7 રન બનાવીને વિકેટ ગુમાવી હતી. તો કાઇલ જેમિસન એ 4 ઓવરમાં 27 રન આપીને 1 વિકેટ ઝડપી હતી.

#KyleJamieson The Bat Breaker..#krunalpandya #RCBvsMI pic.twitter.com/cWROwHaUt4

— Mahesh (@mahesh_4you) April 9, 2021