Lawn Bowlમાં ભારતે જીત્યો ગોલ્ડ મેડલ, મહિલા ટીમએ અપાવી ઐતિહાસિક જીત
કોમનવેલ્થ ગેમ્સ 2022માં (Commonwealth Games 2022) ભારત ધમાકેદાર પ્રદર્શન કરી રહ્યુ છે. ભારતની વિજય યાત્રા આગળ વધી છે અને આજે ફરી દેશની દીકરીઓએ દેશને મેડલ અપાવ્યો છે.
કોમનવેલ્થ ગેમ્સ 2022માં (Commonwealth Games 2022) ભારત ધમાકેદાર પ્રદર્શન કરી રહ્યુ છે. ભારતની વિજય યાત્રા આગળ વધી છે અને આજે ફરી દેશની દીકરીઓએ દેશને મેડલ અપાવ્યો છે. લોન બોલ (Lawn Bowl) ભારતીય મહિલા ટીમે ઈતિહાસ બનાવ્યો છે. લોન બોલમાં ભારતીય મહિલા ટીમે ગોલ્ડ મેડલ અપાવ્યો છે. ભારતીય મહિલા ટીમે ન્યૂઝીલેન્ડની ટીમને હરાવીને ફાઈનલમાં પ્રવેશ કર્યો હતો.ફાઈલનમાં દક્ષિણ આફ્રીકાને 17-10થી હરાવીને ભારતીય મહિલા ટીમે ભારત માટે ગોલ્ડ જીત્યો છે. ઈતિહાસમાં પહેલીવાર આ ઘટના બની છે. આ પહેલા ભારતે લોન બોલમાં ક્યારે મેડલ જીત્યો ના હતો.
ફાઈનલમાં હતો કડક મુકાબલો
ફાઈનલમાં ભારત અને દક્ષિણ આફ્રિકા વચ્ચે જોરદાર મુકાબલો હતો. ભારતની ટીમે ખૂબ જ સારી શરૂઆત કરી હતી, પરંતુ 3 રાઉન્ડ બાદ સ્કોર 3-3ની બરાબરી પર હતો. આ પછી ભારતે જોરદાર જવાબ આપ્યો અને 7મા રાઉન્ડ પછી 8-2ની સ્કોર થયો. જો કે, આ લીડ ભારત સાથે લાંબો સમય ટકી શકી ન હતી અને આ રાઉન્ડ પછી દક્ષિણ આફ્રિકાએ લીડ લેવાનું શરૂ કર્યું હતું અને 12મા રાઉન્ડ પછી એક તબક્કે બંનેનો સ્કોર 10-10ની બરાબરી પર હતો. આ પછી ટીમ ઈન્ડિયાએ પ્રભુત્વ જમાવ્યું અને લીડ મેળવી, જે અંત સુધી જાળવી રાખી. લવલી ચૌબે, રૂપા રાની તિર્કી, નયનમોની સૈકિયા, પિંકીની ચોકડી આજે દેશભરમાં વખણાઈ રહી છે. લૉન બોલની મહિલાઓની 4 ઈવેન્ટમાં ભારતે આ મેડલ જીત્યો હતો.
GOLD FOR INDIA 🇮🇳
Our Women’s Team creates history by winning India’s 1st 🥇 medal in Lawn Bowls at the #CommonwealthGames
Brilliant performance by the #TeamIndia , defeating South Africa 17-10 in the Final of Women’s Four.
You have made India Proud! 🇮🇳🇮🇳#Cheer4India pic.twitter.com/wiiZK9Plhi
— Nisith Pramanik (@NisithPramanik) August 2, 2022
Historic Gold Medal! Indian 🇮🇳 Women’s Lawn Bowls ‘Fours’ team wins the first ever #GoldMedal🥇 in the sport at #CommonwealthGames for the country! Brilliant effort by #TeamIndia #LawnBowls #CWG2022 #CWG2022India #Birmingham2022 #Historic @IndiaSports @kheloindia @ianuragthakur pic.twitter.com/3XuryyKVY7
— Hardeep Singh Puri (@HardeepSPuri) August 2, 2022
લગભગ કોઈ ભારતીય ચાહકને કોમનવેલ્થ ગેમ્સમાં આ રમતમાં મેડલની અપેક્ષા રાખી ના હતી, પરંતુ ભારતની આ 4 દીકરીઓએ ગોલ્ડ જીતીને બધાને ખોટા સાબિત કરી દીધા. આ ટીમમાં 42 વર્ષીય લવલી કોન્સ્ટેબલ, 41 વર્ષીય પિંકી પીઈ ટીચર, 34 વર્ષીય રૂપા રાની જિલ્લા રમત અધિકારી અને 33 વર્ષીય નયનમોની સાયકિયા ફોરેસ્ટ ઓફિસર છે.
Latest News Updates
