ICC Rankings: ન્યુઝીલેન્ડ સામે નિષ્ફળ રહેનાર વિરાટ કોહલી સાતમા ક્રમાકે ઘકેલાયો, રોહીત શર્મા પાંચમાં નબંરે યથાવત, બોલરોમાં આર અશ્વિન બીજા નંબરે
વિરાટ કોહલી પાસે દક્ષિણ આફ્રિકાના પ્રવાસમાં આઈસીસી રેન્કિગમાં થયેલ નુકસાન ભરપાઈ કરવાની સુવર્ણ તક હશે. દક્ષિણ આફ્રિકામાં ભારત ત્રણ ટેસ્ટ મેચ રમશે.
ભારતીય ક્રિકેટ ટીમના કેપ્ટન વિરાટ કોહલીને (Virat Kohli ) ICC ટેસ્ટ બેટ્સમેન રેન્કિંગમાં (ICC Rankings) ભારે નુકસાન થયુ છે. તે એક સ્થાનના નુકસાન સાથે સાતમા ક્રમાકે સરકી ગયો છે. ન્યુઝીલેન્ડ સામેની બીજી ટેસ્ટ મેચ રમનાર કોહલી છઠ્ઠા સ્થાને હતો પરંતુ હવે 756 પોઈન્ટ સાથે સાતમા સ્થાને છે. જો કે ભારતનો રોહિત શર્મા પાંચમા સ્થાને યથાવત છે. ઓસ્ટ્રેલિયાના માર્નસ લાબુશેને (Marnus Labuschagne) એશિઝ શ્રેણીમાં તેના શાનદાર ફોર્મને કારણે ઈંગ્લેન્ડના કેપ્ટન જો રૂટને (England captain Joe Root) બદલે વિશ્વનો નંબર વન બેટ્સમેન બન્યો છે. એશિઝ સિરીઝમાં અત્યાર સુધી રમાયેલી બે મેચમાં તેના શાનદાર પ્રદર્શનના કારણે લાબુશેન પ્રથમ વખત બેટ્સમેનોની ICC રેન્કિંગમાં ટોચ પર પહોંચી ગયો છે. કારકિર્દીના સર્વશ્રેષ્ઠ 912 રેટિંગ પોઈન્ટ્સ સાથે, તેણે રૂટ (897 પોઈન્ટ)ને બીજા સ્થાને ધકેલવામાં સફળ રહ્યો.
માર્નસ લેબુશેન શ્રેણી પહેલા તે ચોથા ક્રમે હતો પરંતુ બ્રિસ્બેનમાં રમાયેલ એશિઝ શ્રેણીની પ્રથમ ટેસ્ટમાં ઓસ્ટ્રેલિયાની જીતમાં 74 રન બનાવ્યા બાદ બે સ્થાન ઉપર આવીને બીજા સ્થાને પહોંચી ગયો હતો. ત્યાર બાદ, એડિલેડમાં તેણે એક સદી અને અડધી સદી (103 અને 51) ફટકારી હતી. બીજી ટેસ્ટ મેચમાં ઓસ્ટ્રેલિયાએ ઈંગ્લેન્ડને 275 રનથી હરાવી એશિઝ શ્રેણીમાં 2-0થી લીડ મેળવી લીધી છે. લેબુશેન અને કોહલી સિવાય ટેસ્ટ બેટ્સમેનોની ટોપ-10 રેન્કિંગમાં કોઈ ફેરફાર થયો નથી.
અશ્વિન બીજા સ્થાને યથાવત બોલરોમાં રવિચંદ્રન અશ્વિન હજુ પણ ઓસ્ટ્રેલિયાના કેપ્ટન પેટ કમિન્સ પછી બીજા સ્થાને છે. બીજી તરફ, કમિન્સનો સાથી ખેલાડી મિચેલ સ્ટાર્ક બીજી ટેસ્ટમાં 6/80 (પ્રથમ ઇનિંગમાં 4 વિકેટ)ના પ્રદર્શન સાથે ટેસ્ટ બોલરોની રેન્કિંગમાં ટોચના 10 બોલરોમાં સ્થાન મેળવવામાં સફળ રહ્યો હતો. તે નવમા સ્થાને પહોંચી ગયો છે. એડિલેડમાં ન રમનાર જોશ હેઝલવુડને એક ક્રમાક પાછળ ધકેલાયો છે. તે હવે પાંચમા નંબર પર આવી ગયો છે. તેનું સ્થાન ટિમ સાઉથીએ લીધું છે, જે ચોથા નંબરે પહોંચી ગયો છે.
એડિલેડ ટેસ્ટ દરમિયાન મિચેલ સ્ટાર્કે પણ બેટથી યોગદાન આપ્યું હતું. તેણે 39 રન અને અણનમ 19 રનની ઇનિંગ્સ રમી હતી. આ સાથે તે ટેસ્ટ ઓલરાઉન્ડરોની રેન્કિંગમાં છઠ્ઠા સ્થાને પહોંચી ગયો છે. ઈંગ્લેન્ડનો કેપ્ટન જો રૂટ ભલે બેટ્સમેનોમાં બીજા ક્રમે આવ્યો હોય, પરંતુ તેને બોલિંગના સારા પ્રદર્શનનો ફાયદો પણ મળ્યો છે. તેણે એડિલેડમાં 86 રન બનાવ્યા અને ત્રણ વિકેટ લીધી. જેના કારણે તેઓ બે સ્થાન ઉપર આવીને 10મા નંબરે આવ્યો છે.
આ પણ વાંચોઃ
England: જોફ્રા આર્ચરે ઇજાને લઇને કરાવ્યુ ઓપરેશન, લાંબો સમય સુધી ક્રિકેટ થી રહેશે દૂર, જાણો ક્યાં સુધી નહી કરી શકે બોલીંગ
આ પણ વાંચોઃ
IND Vs SA: દક્ષિણ આફ્રિકાની ટીમને નબળી સમજવી હશે મોટી ભૂલ, જાણો વિરોધી બેટ્સમેનો-બોલરોનુ કેવુ છે ફોર્મ
Latest News Updates
