IND Vs SA: દક્ષિણ આફ્રિકાની ટીમને નબળી સમજવી હશે મોટી ભૂલ, જાણો વિરોધી બેટ્સમેનો-બોલરોનુ કેવુ છે ફોર્મ

ભારત અને દક્ષિણ આફ્રિકા (India Vs South Africa) વચ્ચે 26 ડિસેમ્બરથી ટેસ્ટ શ્રેણી શરૂ થશે. દક્ષિણ આફ્રિકાની ટીમ પહેલા જેવી મજબૂત નથી પરંતુ તેમની પાસે ક્વોલિટી ખેલાડીઓ છે જે પોતાના દમ પર મેચ જીતી શકે છે.

South African Cricket Players

TV9 Gujarati | Edited By: Avnish Goswami | Updated on: Dec 22, 2021 | 7:24 AM

ટીમમાં ન તો એબી ડી વિલિયર્સ, ન ફાફ ડુ પ્લેસિસ, ન ડેલ સ્ટેન કે ન વર્નોર ફિલેન્ડર જેવો બોલ છે. છેલ્લા 3 વર્ષમાં દક્ષિણ આફ્રિકાની ટીમ (South Africa Cricket Team) માં ઘણો બદલાવ આવ્યો છે. ટીમમાં ઘણા નવા ખેલાડીઓ જોડાયા છે અને તેથી જ 26 ડિસેમ્બરથી શરૂ થનારી ટેસ્ટ શ્રેણીમાં ટીમ ઈન્ડિયા (Team India) ને ફેવરિટ કહેવામાં આવી રહી છે. દક્ષિણ આફ્રિકાની ટીમને ટેસ્ટ શ્રેણી પહેલા વધુ એક મોટો ઝટકો લાગ્યો છે. ફાસ્ટ બોલર એનરીખ નોરખિયા ઈજાના કારણે બહાર થઈ ગયો છે.

એમાં કોઈ બે મત નથી કે સાઉથ આફ્રિકાની ટીમ ભારત કરતા નબળી દેખાઈ રહી છે, પરંતુ એ પણ માની લો કે, આ ટીમમાં ઘણા એવા ક્વોલિટી ક્રિકેટ પ્લેયર્સ છે જે પોતાના દમ પર મેચ જીતી શકે છે. દક્ષિણ આફ્રિકાને ખાસ કરીને ઘરઆંગણે નબળું માનવું એ મોટી ભૂલ હશે. ચાલો તમને જણાવીએ કે દક્ષિણ આફ્રિકાની વર્તમાન ટેસ્ટ ટીમનો કયો ખેલાડી સારો દેખાવ કરી રહ્યો છે અને ટીમ ઈન્ડિયા માટે મોટો ખતરો સાબિત થઈ શકે છે.

Web Stories View more

યુદ્ધના ભણકારા વચ્ચે કિમ જોંગે મોકલ્યા સૈનિક, બદલામાં પુતિને આપી ખાસ 70 ભેટ, જુઓ

23 નવેમ્બર, કાલ ભૈરવ જયંતીના દિવસે કરો આ બે કામ, જીવનની નકારાત્મકતા થશે દૂર, ઈચ્છાઓ થશે પૂરી

અદિતિ મિસ્ત્રીની બહેન દિવ્યા મિસ્ત્રી પણ ખુબ હોટ છે, જુઓ ફોટો

Winter Tips : ધાબળામાં આવતી વાસ થશે છૂમંતર, અપનાવો આ ટિપ્સ

જર્મનીમાં ન્યૂઝ9 ગ્લોબલ સમિટની શાનદાર શરૂઆત, જુઓ તસવીરોમાં ત્યાંની ઝલક

જસપ્રીત બુમરાહ કરતા 7 ગણો વધુ અમીર છે ઓસ્ટ્રેલિયન કેપ્ટન

દક્ષિણ આફ્રિકાના બેટ્સમેનોનું ફોર્મ સારું છે

દક્ષિણ આફ્રિકાએ વર્ષ 2021 માં માત્ર 6 ટેસ્ટ મેચ અને 3 સિરીઝ રમી છે. દક્ષિણ આફ્રિકાએ શ્રીલંકાને તેની ધરતી પર 2-0 થી હરાવ્યું હતું. આ પછી તેને પાકિસ્તાનમાં 0-2 થી હાર મળી. દક્ષિણ આફ્રિકાની ટીમ વેસ્ટ ઈન્ડિઝમાં જઈને 2-0 થી જીત મેળવી હતી. તેના બેટ્સમેનોએ બે વિદેશ પ્રવાસ અને એક ઘરેલું ટેસ્ટ શ્રેણીમાં સારો દેખાવ કર્યો છે. સાઉથ આફ્રિકા માટે 5 બેટ્સમેનોએ મહત્વનું યોગદાન આપ્યું હતું, જેમાં કેપ્ટન ડીન એલ્ગર (Dean Elgar) ટોચ પર હતો.

ડીન એલ્ગરે વર્ષ 2021 માં 5 ટેસ્ટ મેચ રમી અને તેના બેટથી 45.50 ની એવરેજથી 364 રન બનાવ્યા. એલ્ગરે એક સદી અને બે અડધી સદી ફટકારી હતી. એલ્ગર બાદ સૌથી વધુ રન એડન માર્કરમે બનાવ્યા હતા. તેણે 5 ટેસ્ટમાં 41.60 ની એવરેજથી 332 રન બનાવ્યા. એક સદી અને બે અડધી સદી તેના બેટથી આવી.

મિડલ ઓર્ડર બેટ્સમેન વાન ડેર ડુસાને 5 ટેસ્ટમાં 321 રન બનાવ્યા છે અને તેની બેટિંગ એવરેજ 45.85 છે. ડુસાનના બેટમાં 3 અડધી સદી આવી છે. વિકેટકીપર ક્વિન્ટન ડી કોકે 5 ટેસ્ટમાં 41થી વધુની એવરેજથી 293 રન બનાવ્યા છે અને એક સદી અને એક અડધી સદી ફટકારી છે. ટેન્ડા બાવુમાએ 3 ટેસ્ટમાં 45થી વધુની એવરેજથી 181 રન બનાવ્યા છે.

દક્ષિણ આફ્રિકાના બોલરોનું ફોર્મ

વર્ષ 2021માં એનરીખ નોરખિયાએ દક્ષિણ આફ્રિકા માટે સૌથી વધુ 25 ટેસ્ટ વિકેટ લીધી હતી. પરંતુ હવે તે ભારત સામેની ટેસ્ટ શ્રેણીમાંથી બહાર થઈ ગયો છે. નોરખિયા બાદ ડાબોડી સ્પિનર કેશવ મહારાજે 19 વિકેટ ઝડપી છે.

તેણે એક જ વખત ઇનિંગ્સમાં પાંચ વિકેટ લેવાની સિદ્ધિ મેળવી છે. રબાડાએ 4 ટેસ્ટમાં 16 અને લુંગી એનગિડીએ 4 ટેસ્ટમાં 14 વિકેટ લીધી હતી. આ બંનેએ ઇનિંગ્સમાં એકવારમાં 5-5 વિકેટ લેવાનું કારનામું પણ કર્યું છે. તે સ્પષ્ટ છે કે દક્ષિણ આફ્રિકાના ખેલાડીઓએ ઓછી ટેસ્ટ મેચ રમી છે પરંતુ તેમને જે પણ તક મળી છે તેમાં તેઓએ પોતાની તાકાત બતાવી છે. એટલા માટે ટીમ ઈન્ડિયાએ સાવધાન રહેવાની જરૂર છે.