IPL 2024: યુઝવેન્દ્ર ચહલે રચ્યો ઈતિહાસ, IPL ઈતિહાસમાં આ કારનામું કરનાર પહેલો ખેલાડી બન્યો
હંમેશની જેમ રાજસ્થાન રોયલ્સનો લેગ સ્પિનર યુઝવેન્દ્ર ચહલ આ વખતે પણ IPLમાં શાનદાર બોલિંગ કરી રહ્યો છે. મુંબઈ ઈન્ડિયન્સ સામેની મેચમાં તેણે એક એવો માઈલસ્ટોન હાંસલ કર્યો જેના પર દરેક ખેલાડીને ગર્વ થશે. યુઝવેન્દ્ર ચહલ IPLમાં ખાસ બેવડી સદી ફટકારનાર પ્રથમ ખેલાડી બન્યો.
યુઝવેન્દ્ર ચહલે ભલે T20 વર્લ્ડ કપની એક પણ મેચ રમી ન હોય, પરંતુ આ ખેલાડી IPLના ઈતિહાસના સૌથી અદભૂત બોલરોમાંથી એક છે. ચહલે ફરી એકવાર IPLમાં કંઈક એવું કર્યું છે જેના પછી ક્રિકેટ જગત તેની સામે ઝૂકી ગયું છે. યુઝવેન્દ્ર ચહલે IPLમાં 200 વિકેટ પૂરી કરી લીધી છે. આ આંકડા સુધી પહોંચનાર તે પ્રથમ ખેલાડી છે. યુઝવેન્દ્ર ચહલે મુંબઈ ઈન્ડિયન્સ સામેની મેચમાં આ સિદ્ધિ મેળવી હતી. આ લેગ સ્પિનરે મોહમ્મદ નબીને આઉટ કરીને IPLમાં 200 વિકેટ પૂરી કરી હતી.
ચહલે 200 વિકેટ પૂરી કરી બનાવ્યો રેકોર્ડ
યુઝવેન્દ્ર ચહલે 24 એપ્રિલ, 2013ના રોજ IPLમાં ડેબ્યૂ કર્યું હતું. 11 વર્ષ બાદ આ ખેલાડીએ 200 વિકેટ પૂરી કરી છે. તમને જણાવી દઈએ કે ચહલે 153 મેચ રમીને 200 વિકેટ લીધી છે અને તેનો ઈકોનોમી રેટ 7.72 છે. ચહલે આ લીગમાં RCB માટે 139 વિકેટ લીધી છે, જ્યારે રાજસ્થાન રોયલ્સ માટે તેણે અત્યાર સુધીમાં 61 વિકેટ લીધી છે. મોટી વાત એ છે કે યુઝવેન્દ્ર ચહલે એમ ચિન્નાસ્વામી જેવા મેદાન પર ઘણી મેચ રમી છે અને તે મેદાન પર પણ યુઝવેન્દ્ર ચહલ IPLનો સૌથી સફળ બોલર છે.
Sensational!
What a moment for Yuzvendra Chahal!
He completes 2️⃣0️⃣0️⃣ wickets in the IPL
Follow the Match ▶️ https://t.co/Mb1gd0UfgA #TATAIPL | #RRvMI | @yuzi_chahal pic.twitter.com/lc10KlxEYj
— IndianPremierLeague (@IPL) April 22, 2024
ડી વિલિયર્સે IPLમાં બોલરોનો રાજા ગણાવ્યો
યુઝવેન્દ્ર ચહલની સિદ્ધિ પર વિશ્વ તેને સલામ કરી રહ્યું છે. એબી ડી વિલિયર્સે ટ્વીટ કરીને આ ખેલાડીને અભિનંદન પાઠવ્યા હતા. ડી વિલિયર્સે તેને IPLમાં બોલરોનો રાજા ગણાવ્યો હતો. જોકે, યુઝવેન્દ્ર ચહલ માટે આ માત્ર એક સિદ્ધિ છે. આ ખેલાડીનું સૌથી મોટું લક્ષ્ય T20 વર્લ્ડ કપની ટીમમાં જગ્યા બનાવવાનું રહેશે. ટીમ ઈન્ડિયાની ટીમની જાહેરાત આવતા સપ્તાહ સુધીમાં થઈ શકે છે જેમાં યુઝવેન્દ્ર ચહલ જગ્યા બનાવી શકે છે.
First bowler in the history of IPL to take 200 wickets!
Congratulations Yuzvendra Chahal
Watch the match LIVE on @JioCinema and @StarSportsIndia #TATAIPL | #RRvMI | @yuzi_chahal pic.twitter.com/zAcG8TR6LN
— IndianPremierLeague (@IPL) April 22, 2024
ચહલ T20 વર્લ્ડ કપની ટીમમાં જગ્યા બનાવશે?
તમને જણાવી દઈએ કે T20 ફોર્મેટમાં ચહલનું પ્રદર્શન શાનદાર રહ્યું છે પરંતુ તેમ છતાં આ ખેલાડીએ અત્યાર સુધી T20 વર્લ્ડ કપની એક પણ મેચ રમી નથી. ચહલને 2021 વર્લ્ડ કપ માટે ટીમ ઈન્ડિયામાં જગ્યા મળી નથી. તેને 2022માં ટીમમાં પસંદ કરવામાં આવ્યો હતો પરંતુ તેને એક પણ મેચ રમવા ન મળી.
આ પણ વાંચો : IPL 2024: જસપ્રીત બુમરાહે પત્ની સામે કર્યો ખુલાસો, કહ્યું IPLમાં તેનો ફેવરિટ શિકાર કોણ છે
