WTC Final : સ્ટીવ સ્મિથ સાથે વિવાદ બાદ ચમક્યો મોહમ્મદ સિરાજ, ચાર વિકેટ લઈ મચાવ્યો તરખાટ
સ્ટીવ સ્મિથ અને ટ્રેવિસ હેડની સદીના આધારે ઓસ્ટ્રેલિયાએ ફાઈનલની પ્રથમ ઈનિંગમાં 469 રન બનાવ્યા હતા પરંતુ મોહમ્મદ સિરાજે ઓસ્ટ્રેલિયન ટીમની યોજનાને નિષ્ફળ બનાવી દીધી હતી અને ચાર ઓસ્ટ્રેલિયન ખેલાડીઓને આઉટ કર્યા હતા.
ઈંગ્લેન્ડના ઓવલ મેદાન પર રમાઈ રહેલી વર્લ્ડ ટેસ્ટ ચેમ્પિયનશિપ (WTC) ફાઈનલમાં ઓસ્ટ્રેલિયાએ પ્રથમ દાવમાં 469 રન બનાવ્યા હતા. ઓસ્ટ્રેલિયા માટે સ્ટીવ સ્મિથઅને ટ્રેવિસ હેડે શાનદાર સદી ફટકારી હતી, પરંતુ આ ઇનિંગ્સ વચ્ચે ભારતીય ફાસ્ટ બોલર મોહમ્મદ સિરાજે પણ સારી બોલિંગ કરી હતી. મોહમ્મદ સિરાજે ઓવલ ટેસ્ટમાં ચાર વિકેટ ઝડપી હતી. સિરાજે ઉસ્માન ખ્વાજા, ટ્રેવિસ હેડ, નાથન લિયોન અને પેટ કમિન્સની વિકેટ લીધી હતી.
હેડ અને સ્મિથને કર્યા આઉટ
ભલે મોહમ્મદ સિરાજે આ ચાર વિકેટ માટે 108 રન આપ્યા છતાં આ જમણા હાથના ફાસ્ટ બોલરનું પ્રદર્શન પ્રશંસનીય રહ્યું હતું, કારણ કે ઓસ્ટ્રેલિયાની સ્થિતિ એક સમયે ખૂબ જ મજબૂત હતી. હેડ અને સ્મિથ બંને ક્રિઝ પર ઉભા હતા, તેમજ બંનેએ સદી ફટકારી હતી. પરંતુ સિરાજે હેડની વિકેટ લઈને આ ભાગીદારી તોડી હતી.
View this post on Instagram
સ્ટીવ સ્મિથ સાથે થયો વિવાદ
WTC ફાઇનલના બીજા દિવસે મોહમ્મદ સિરાજને પ્રથમ ઓવર મળી હતી. સ્ટીવ સ્મિથે તેના બે બોલ પર બે ચોગ્ગા ફટકાર્યા અને આ સાથે જ આ મહાન બેટ્સમેને તેની સદી પણ પૂરી કરી. પરંતુ આ પછી તે આગલા જ બોલ પર સ્ટીવ સ્મિથ સાથે વિવાદ થયો હતો. ખરેખર સિરાજ બોલિંગ માટે દોડ્યો અને સ્મિથ અચાનક જ પિચની બહાર નીકળી ગયો. આનાથી સિરાજ ગુસ્સે થયો અને તેણે બોલ તેની તરફ ફેંક્યો.
આ પણ વાંચોઃ દિલ્હી કોર્ટે શિખર ધવનની પત્નીને તેમના પુત્રને ભારત લાવવાનો આદેશ આપ્યો
સિરાજે દમદાર રમત બતાવી
સ્મિથ સાથેના વિવાદ બાદ સિરાજે શાનદાર બોલિંગ કરી હતી અને મજબૂત બાઉન્સર પર ટ્રેવિસ હેડને પેવેલિયનનો રસ્તો બતાવ્યો હતો. આ પછી સિરાજે ધારદાર બોલિંગ કરી અને કુલ ચાર વિકેટ લઈને ઓસ્ટ્રેલિયાને 500 રનથી ઓછા સ્કોર પર ઓલઆઉટ કરવામાં મહત્વનું યોગદાન આપ્યું હતું.
🚨 Milestone Alert
Congratulations to @mdsirajofficial who completes 5️⃣0️⃣ wickets in Test Cricket 👏🏻👏🏻#TeamIndia | #WTC23 pic.twitter.com/1xcwgWFxS5
— BCCI (@BCCI) June 8, 2023
સિરાજની ટેસ્ટમાં ‘અર્ધ સદી’
મોહમ્મદ સિરાજે ઓસ્ટ્રેલિયા સામે ચાર વિકેટ લઈને ટેસ્ટ ક્રિકેટમાં પોતાની પચાસ વિકેટ પૂરી કરી હતી. સિરાજે તેની ટૂંકી કારકિર્દીમાં મોટી અસર છોડી છે. સિરાજે બોર્ડર-ગાવસ્કર ટ્રોફી 2020-21માં 13 વિકેટ લીધી હતી. તે ઈંગ્લેન્ડ ટેસ્ટ શ્રેણીમાં 18 વિકેટ પણ લેવામાં સફળ રહ્યો હતો. હવે સિરાજે વર્લ્ડ ટેસ્ટ ચેમ્પિયનશિપની ફાઈનલમાં ચાર વિકેટ લઈને પોતાનું કૌશલ્ય બતાવ્યું છે. સિરાજ ત્રણેય ફોર્મેટમાં બોલિંગ કરી રહ્યો છે અને બુમરાહની ઈજા બાદ તેને ભારતીય બોલિંગનું ભવિષ્ય માનવામાં આવી રહ્યો છે.