Women’s World Cup 2022 : ભારતીય ટીમ માત્ર 2 રીતે સેમીફાઈનલમાં સ્થાન મેળવી શકે છે, નહીં જીતે તો પણ થશે કામ
Women’s World Cup 2022 : મહિલા વર્લ્ડ કપ 2022ની સેમીફાઈનલમાં દક્ષિણ આફ્રિકા અને ઓસ્ટ્રેલિયાની એન્ટ્રી, ત્રીજા અને ચોથા સ્થાન માટે વેસ્ટ ઈન્ડિઝ, ભારત અને ઈંગ્લેન્ડ વચ્ચે ટક્કર થશે.
Women’s World Cup 2022 : મહિલા વર્લ્ડ કપ 2022 (Women’s World Cup 2022 )ની સેમી ફાઈનલની 2 ટીમો નક્કી થઈ ગઈ છે. ઓસ્ટ્રેલિયા અને દક્ષિણ આફ્રિકાએ શાનદાર પ્રદર્શન કરીને પ્રથમ બે સ્થાન પર કબજો જમાવ્યો છે. હવે છેલ્લી બે જગ્યા બાકી છે જેના માટે ત્રણ ખેલાડીઓ વચ્ચે લડાઈ છે. ત્રીજા અને ચોથા સ્થાન માટે ઈંગ્લેન્ડ, વેસ્ટ ઈન્ડિઝ (West Indies)અને ભારત વચ્ચે સ્પર્ધા છે. આ ત્રણમાંથી વેસ્ટ ઈન્ડિઝે તેની તમામ લીગ મેચ રમી છે અને 7 મેચમાંથી તેના 7 પોઈન્ટ છે.
ઈંગ્લેન્ડ અને ભારતના 6 પોઈન્ટ છે અને બંને સેમિફાઈનલમાં પહોંચવાના દાવેદાર છે. હવે સવાલ એ છે કે ટીમ ઈન્ડિયા સેમિફાઈનલમાં કેવી રીતે જગ્યા બનાવી શકે છે (Womens World Cup Semi-final Scenario)? મેચ જીત્યા વિના પણ ટીમ ઈન્ડિયા અંતિમ ચારમાં કેવી રીતે પહોંચી શકે?
સેમીફાઈનલમાં પ્રવેશવા માટે ભારત પાસે માત્ર બે જ રસ્તા છે. પહેલો રસ્તો છેલ્લી લીગ મેચમાં દક્ષિણ આફ્રિકાને હાર આપવાની છે. કારણ કે જો તે સાઉથ આફ્રિકા સામે હારશે તો તે મહિલા વર્લ્ડ કપમાંથી બહાર થઈ જશે. સેમિફાઇનલમાં પ્રવેશવાનો બીજો રસ્તો મેચના પરિણામ દ્વારા છે. જે રીતે દક્ષિણ આફ્રિકા અને વેસ્ટ ઈન્ડિઝ વચ્ચેની મેચ વરસાદને કારણે અનિર્ણિત રહી હતી, જો ભારતની છેલ્લી મેચમાં પણ આવું થાય છે તો ટીમ ઈન્ડિયાના 7 પોઈન્ટ થઈ જશે. જો કે ટીમ ઈન્ડિયાનો નેટ રન રેટ વેસ્ટ ઈન્ડિઝ કરતા સારો રહેશે અને તે સેમીફાઈનલમાં પહોંચશે.
ભારતે તેની છેલ્લી લીગ મેચ 27 માર્ચે દક્ષિણ આફ્રિકા સામે રમવાની છે જે ક્રાઈસ્ટચર્ચમાં રમાશે. 27 માર્ચે ક્રાઈસ્ટચર્ચનું હવામાન સાફ રહેશે, વરસાદની કોઈ શક્યતા નથી. આવી સ્થિતિમાં ટીમ ઈન્ડિયાએ તેની છેલ્લી લીગ મેચ કોઈપણ ભોગે જીતવી પડશે. 27 માર્ચે જ બાંગ્લાદેશ અને ઈંગ્લેન્ડ વચ્ચે મેચ રમાશે. ઈંગ્લેન્ડ આ મેચ જીતીને સેમીફાઈનલ સીટ સુરક્ષિત કરશે. ઈંગ્લેન્ડની ટીમ મજબૂત છે, તેની જીત લગભગ નિશ્ચિત છે. તે જ સમયે, બાંગ્લાદેશ પહેલા જ વર્લ્ડ કપમાંથી બહાર થઈ ગયું છે.
આ પણ વાંચો : UP Local Body Election: સપાના ઉમેદવારે ઉમેદવારી પત્રક પાછુ ખેંચતા પક્ષમાં ખળભળાટ, અપક્ષને ઉમેદવાર બનાવાયો
