WWC 2022: અંદરો અંદરની ખેંચમતાણ, ખરાબ ફિટનેસ અને સરેરાશ બોલીંગે ભારતીય મહિલા ક્રિકેટ ટીમની હાલત બગાડી દીધી!

WWC 2022: અંદરો અંદરની ખેંચમતાણ, ખરાબ ફિટનેસ અને સરેરાશ બોલીંગે ભારતીય મહિલા ક્રિકેટ ટીમની હાલત બગાડી દીધી!
ભારતીય ટીમે મોં એ આવેલો કોળીયો ગુમાવ્યો હતો!

ICC મહિલા વર્લ્ડ કપ પહેલા ભારતીય ટીમે દક્ષિણ આફ્રિકા, ઈંગ્લેન્ડ, ઓસ્ટ્રેલિયા અને ન્યુઝીલેન્ડ જેવા દેશોમાંથી શ્રેણી રમી હતી. પરંતુ ખેલાડીઓ આ અનુભવોનો ફાયદો ઉઠાવી શક્યા ન હતા.

TV9 GUJARATI

| Edited By: Avnish Goswami

Mar 28, 2022 | 10:21 AM

ICC મહિલા વર્લ્ડ કપ 2022 (ICC Women World Cup 2022) ના લીગ સ્ટેજમાંથી ભારત બહાર થઈ ગયું. સેમિફાઇનલમાં જવા માટેની બસ તેને પાછળ છોડીને આગળ વધી હતી. મિતાલી રાજ (Mithali Raj) ની કેપ્ટનશીપવાળી ભારતીય મહિલા ક્રિકેટ ટીમ (Indian Women Cricket Team) ના આ નિરાશાજનક અભિયાન બાદ અનેક સવાલો ઉભા થઈ રહ્યા છે. હવે ટીમ ઈન્ડિયામાં તફાવતો, ખેલાડીઓની ફિટનેસ અને બોલિંગમાં વિવિધતા અને ધારના અભાવ વિશે અવાજ ઉઠાવવામાં આવી રહ્યો છે. ભારતે છેલ્લા ત્રણ આઈસીસી વર્લ્ડ કપમાં સારું પ્રદર્શન કર્યું હતું અને તેમાંથી બે માં ફાઈનલ રમી હતી. 2017 માં, જ્યારે ઇંગ્લેન્ડમાં 50-ઓવરનો વર્લ્ડ કપ યોજાયો હતો, ત્યારે તે મેચ ખૂબ નજીકથી ગુમાવી હતી. ત્યારથી ભારતની ગણતરી મજબૂત ટીમોમાં થતી હતી. આ વખતે ઘણા લોકો તેમને જીતના દાવેદાર પણ માની રહ્યા હતા. પરંતુ તેમ બન્યું નહીં.

ICC મહિલા વર્લ્ડ કપ પહેલા ભારતીય ટીમે દક્ષિણ આફ્રિકા, ઈંગ્લેન્ડ, ઓસ્ટ્રેલિયા અને ન્યુઝીલેન્ડ જેવા દેશોમાંથી શ્રેણી રમી હતી. પરંતુ ખેલાડીઓ આ અનુભવોનો ફાયદો ઉઠાવી શક્યા ન હતા. સમગ્ર વિશ્વ કપ દરમિયાન ભારતીય ટીમ મોટી ટીમો સામે સંઘર્ષ કરતી રહી. ઈંગ્લેન્ડ, ઓસ્ટ્રેલિયા અને ન્યુઝીલેન્ડ જેવી ટીમોએ તેને આરામથી હરાવ્યા. ભારતના પ્રદર્શનમાં સતત ખામીઓ જણાઇ હતી. ત્યારબાદ દક્ષિણ આફ્રિકા સામે કરો અથવા મરો મેચમાં છેલ્લા બોલે હાર સાથે ભારતીય ટીમનુ અભિયાન સમાપ્ત થયું. સમાચાર એજન્સી પીટીઆઈના જણાવ્યા અનુસાર, બે વરિષ્ઠ ખેલાડીઓ વચ્ચે લાંબા સમયથી ચાલતી તકરારને કારણે ટીમનું વાતાવરણ આદર્શ નહોતું અને ટીમમાં તણાવ હતો.

બે વખત વિરોધીઓએ 270 રનનો પીછો કર્યો હતો

છેલ્લા એક વર્ષમાં ટીમની સારી અને ક્યારેક ખરાબ રમત માટે મુખ્ય કોચ રમેશ પવારે પણ જવાબ આપવો પડશે. 2018 વર્લ્ડ કપ પછી તેને વિવાદાસ્પદ રીતે કાઢી મૂકવામાં આવ્યા હતા, પરંતુ ગયા વર્ષે કોચ તરીકે ફરીથી નિયુક્ત કરવામાં આવ્યા હતા. 250 પ્લસનો સ્કોર બનાવવો એ ભારતીય ટીમ માટે લાંબા સમયથી એક મુદ્દો રહ્યો છે, પરંતુ હવે બોલિંગ પણ સપાટ દેખાઈ રહી છે, જેની સામે વિરોધી ટીમોએ બે વખત 270 રનનો ટાર્ગેટ સરળતાથી હાંસલ કર્યો હતો. આખી ટુર્નામેન્ટમાં ફિલ્ડિંગમાં હળવાશ દેખાતી હતી અને બોલિંગમાં પણ કોઈ વૈવિધ્ય ન હતું.

ડાયના એડુલજીએ કહ્યું- ફિટનેસમાં પાછળ રહી ગયા

પૂર્વ કેપ્ટન ડાયના એડુલજીએ પીટીઆઈ સાથેની વાતચીતમાં કહ્યું, આખો મામલો ફિટનેસનો છે. ઓસ્ટ્રેલિયા, ઈંગ્લેન્ડની સરખામણીમાં ભારતની ફિટનેસ યોગ્ય ન હતી. આપણે સ્ટ્રેન્થ અને કન્ડીશનીંગ પર વધુ ધ્યાન કેન્દ્રિત કરવું પડશે. જ્યારે તેની ફિટનેસ સુધરશે, ત્યારે તે પ્રોફેશનલ ટીમની જેમ ફિલ્ડિંગ કરી શકશે અને વિકેટો વચ્ચે રન લઈ શકશે. ફિલ્ડિંગ દરમિયાન ઘણી વખત બોલ ચૂકી ગયો હતો અને સરળ કેચ છોડવામાં આવતા હતા. આના જેવી નાની વસ્તુઓ મોટો ફરક પાડે છે. પ્લેઈંગ ઈલેવનની પસંદગી અંગે પણ કોઈ સહમતિ ન હતી.

આ પણ વાંચોઃ Gujarat Titans vs Lucknow Super Giants Playing XI IPL 2022: ગુજરાત અને લખનૌ વચ્ચે કાંટાની ટક્કર, આવી હશે પ્લેયીંગ ઈલેવન!

આ પણ વાંચોઃ Ishan Kishan Injury, IPL 2022: મુંબઈ ઈન્ડિયન્સની વધી ચિંતા, 81 રનની તોફાની રમત દરમિયાન ઘાયલ થયો ઈશાન કિશન

Follow us on

Related Stories

Most Read Stories

Click on your DTH Provider to Add TV9 Gujarati