Gujarat Titans vs Lucknow Super Giants Playing XI IPL 2022: ગુજરાત અને લખનૌ વચ્ચે કાંટાની ટક્કર, આવી હશે પ્લેયીંગ ઈલેવન!
GT vs LSG Playing XI: ગુજરાત ટાઇટન્સ અને લખનૌ સુપર જાયન્ટ્સ IPLની બે નવી ટીમો છે. તેમની કેપ્ટનશીપ હાર્દિક પંડ્યા અને કેએલ રાહુલ પાસે છે.
IPL 2022 ની ચોથી મેચમાં, બે નવી ટીમો ગુજરાત ટાઇટન્સ અને લખનૌ સુપરજાયન્ટ્સ (Gujarat Titans vs Lucknow Super Giants) વચ્ચે મુકાબલો થશે. આ મેચ મુંબઈના વાનખેડે સ્ટેડિયમમાં સાંજે 7.30 વાગ્યાથી રમાશે. હાર્દિક પંડ્યા (Hardik Pandya) પ્રથમ વખત IPLની કેપ્ટનશીપ કરતો જોવા મળશે અને તે ગુજરાત ટાઇટન્સની કમાન સંભાળશે. બીજી તરફ, બે સિઝનમાં પંજાબ કિંગ્સની કેપ્ટનશિપ કરનાર કેએલ રાહુલ (KL Rahul) આ વખતે લખનૌ સુપરજાયન્ટ્સનું નેતૃત્વ કરશે. તે આ સિઝનનો સૌથી મોંઘો ખેલાડી પણ છે. તેને લખનૌથી 17 કરોડ રૂપિયામાં જોડવામાં આવ્યો છે. રસપ્રદ વાત એ છે કે કેએલ રાહુલ અને હાર્દિક પંડ્યા બંને સારા મિત્રો છે. બંને નવી ટીમોના કેપ્ટન તરીકે પહેલા ટકરાશે.
લખનૌ અને ગુજરાત બંને ટીમ ભલે પહેલીવાર IPLનો ભાગ બની રહી હોય પરંતુ બંને પાસે અદ્ભુત ખેલાડીઓ છે. ઘણા નિષ્ણાતો લખનૌ સુપર જાયન્ટ્સને પ્લેઓફ માટે પ્રબળ દાવેદાર માની રહ્યા છે. જ્યારે આ માટે ગુજરાત ટાઇટન્સને ઓછું આંકવામાં આવી રહ્યું છે. પરંતુ નજીકથી જોવામાં આવે તો, આ ટીમમાં ઘણા એવા ખેલાડીઓ છે જેઓ મેચના પરિણામને પોતાના દમ પર ફેરવી શકે છે.
કેવી છે ગુજરાત ટાઇટન્સની ટીમ
ગુજરાત ટાઇટન્સમાં બેટિંગમાં હાર્દિક પંડ્યા, રહેમાનુલ્લા ગુરબાઝ, શુભમન ગિલ, ડેવિડ મિલર, મેથ્યુ વેડ, ગુરકીરત સિંહ માન અને રિદ્ધિમાન સાહા જેવા મોટા નામ છે. સાથે જ સાઈ સુદર્શન અને અભિનવ મનોહર જેવા યુવા ખેલાડીઓ પણ આ ટીમનો ભાગ છે. બોલિંગમાં ગુજરાત પાસે T20 નો નંબર વન બોલર રાશિદ ખાન છે. તેને સપોર્ટ કરવા માટે નૂર અહેમદ, આર સાઈ કિશોર, રાહુલ તેવટિયા, જયંત યાદવ જેવા સ્પિનરો છે. ગુજરાતનો પેસ એટેક પણ ખતરનાક છે. તેમની પાસે મોહમ્મદ શમી, અલઝારી જોસેફ, લોકી ફર્ગ્યુસન જેવા ઝડપી બોલર છે. તે જ સમયે, વિજય શંકર અને ડોમિનિક ડ્રેક્સ જેવા પેસ બોલિંગ ઓલરાઉન્ડર પણ આ ટીમનો ભાગ છે.
કેવી છે લખનઉ સુપર જાયન્ટ્સની ટીમ
લખનૌ સુપર જાયન્ટ્સની સૌથી મોટી તાકાત તેનો કેપ્ટન કેએલ રાહુલ છે. તે 2018 બાદ IPLમાં સૌથી વધુ રન બનાવનાર ખેલાડીમાં સામેલ છે. ટીમને મજબૂત શરૂઆત અપાવવાની જવાબદારી તેના પર રહેશે. ક્વિન્ટન ડી કોક, એવિન લુઈસ, મનીષ પાંડે, મનન વોહરા તેને સમર્થન આપવા માટે હાજર છે. તેના ઓલરાઉન્ડરો લખનૌને શક્તિશાળી બનાવે છે. તેમાં માર્કસ સ્ટોઇનિસ, જેસન હોલ્ડર, કૃષ્ણપ્પા ગૌતમ, કૃણાલ પંડ્યા અને દીપક હુડા જેવા ચહેરાઓ છે. આ ખેલાડીઓ બોલિંગ અને બેટિંગમાં સમાન પ્રવીણતા ધરાવે છે. લખનૌના બોલિંગ આક્રમણ પર નજર કરીએ તો રવિ બિશ્નોઈ, શાહબાઝ નદીમ અહીં સ્પિનના નિષ્ણાત છે. તે જ સમયે, એન્ડ્રુ ટાય, અંકિત રાજપૂત, દુષ્મંતા ચમીરા અને અવેશ ખાન ઝડપી બોલરોમાં સામેલ છે. જોકે, માર્ક વુડનું બહાર થવું ટીમ માટે મોટો આંચકો છે.
ગુજરાત ટાઇટન્સની સંભવિત પ્લેઇંગ ઇલેવન
હાર્દિક પંડ્યા (કેપ્ટન), શુભમન ગિલ, રહેમાનુલ્લા ગુરબાઝ, અભિનવ મનોહર, વિજય શંકર, રિદ્ધિમાન સાહા, રાશિદ ખાન, ડેવિડ મિલર, આર સાઈ કિશોર, મોહમ્મદ શમી, લોકી ફર્ગ્યુસન.
લખનૌ સુપર જાયન્ટ્સની સંભવિત પ્લેઇંગ ઇલેવન
કેએલ રાહુલ (કેપ્ટન), ક્વિન્ટન ડી કોક, મનીષ પાંડે, આયુષ બદોની, દીપક હુડા, કૃણાલ પંડ્યા, કૃષ્ણપ્પા ગૌતમ, માર્કસ સ્ટોઈનીસ, રવિ બિશ્નોઈ, અવેશ ખાન, એન્ડ્રુ ટાય.
આ પણ વાંચોઃ Sabarkantha, Arvalli: શામળાજી થી ચિલોડા સિક્સલેનના કાર્યનો ધમધમાટ, એક મહિનામાં 1 ડઝન ઓવરબ્રીજ શરુ કરાશે
આ પણ વાંચોઃ Ishan Kishan Injury, IPL 2022: મુંબઈ ઈન્ડિયન્સની વધી ચિંતા, 81 રનની તોફાની રમત દરમિયાન ઘાયલ થયો ઈશાન કિશન
