IPL 2023: અર્શદીપ સિંહ અને હરપ્રીત બરાર સાથે મળીને ‘ગબ્બર’ શિખર ધવને કર્યા ભાંગડા, જુઓ Video
આઇપીએલ 2023માં હાલ અડધી સીઝન પૂર્ણ થઈ ગઈ છે. 37 ગ્રુપ સ્ટેજની મેચ રમાઈ ગઈ છે. આજે 38મી મેચમાં પંજાબ કિંગ્સ અને લખનૌ સુપર જાયન્ટસ વચ્ચે મેચ રમાવાની છે. પંજાબ કિંગ્સના કેપ્ટન શિખર ધવન અને ટીમના બીજા બે સભ્યો સાથેનો વીડિયો વાયરલ થઇ રહ્યો છે.
શિખર ધવનના નેતૃત્વવાળી પંજાબ કિંગ્સની ટીમ શુક્રવાર 28 એપ્રિલે આઇપીએલ 2023માં 38મી મેચમાં લખનૌ સુપર જાયન્ટસ સામે રમશે. છેલ્લી ત્રણ મેચથી શિખર ધવનની જગ્યાએ સેમ કરન ટીમનું નેતૃત્વ સંભાળી રહ્યો છે. જોકે સેમ કરનના નેતૃત્વમાં પંજાબ કિંગ્સનું પ્રદર્શન શાનદાર રહ્યું છે અને ટીમે બે મેચમાં જીત મેળવી છે.
લખનૌ સુપર જાયન્ટસ સામેની મેચમાં પંજાબ કિંગ્સની ટીમનો ભાગ શિખર ધવન હશે કે નહીં તે હજુ સ્પષ્ટ થયુ નથી અને ના તો ટીમે આ વિશે કોઈ માહિતી આપી છે. આ બધાની વચ્ચે તેનો એક વીડિયો ચર્ચામાં છે જે સોશિયલ મીડિયા પર વાયરલ થઈ રહ્યો છે જેમાં તે ભાંગડા કરતા નજરે પડી રહ્યો છે.
આ પણ વાંચો: CSK ના સ્ટાર ઓલરાઉન્ડરે કરી દીધો કમાલ, T20માં પૂરી કરી ત્રિપલ સેંચુરી, IPL માં મચાવ્યો ધમાલ
શિખર આઈપીએલ 2023માં શાનદાર ફોર્મમાં
જણાવી દઈએ કે આઈપીએલ 2023માં જે આઇપીએલની 16મી સીઝન છે તેમાં પંજાબ કિંગ્સના બેટ્સમેન શિખર ધવનનો બેટ દ્વારા પ્રદર્શન શાદાર રહ્યું છે. અત્યાર સુધી શિખર ધવન દ્વારા રમાયેલ 4 મેચમાંથી 116.50 એવરેજથી 233 રન બનાવ્યા છે, જેમાં તેની સ્ટ્રાઇક રેટ 146.54 ની રહી છે. તે વાત નિશ્ચિત છે કે શિખર ધવનની ગેરહાજરી થી ટીમનું સંતુલન સારૂ રહ્યું નથી અને પંજાબની ટીમના અને ક્રિકેટ ફેન્સ ઇચ્છે કે શિખર ધવન ટીમમાં ત્વરીત વાપસી કરે અને તોફાની અંદાજમાં ટીમને સારી શરૂઆત અપાવે.
ટીમમાંથી બહાર હોવા છતા શિખર ધવન ફેન્સનું મનોરંજન કરવાનું ભૂલ્યો નથી. શુક્રવારે પંજાબ કિંગ્સના કેપ્ટન શિખર ધવને પોતાના સત્તાવાર ઇન્સ્ટાગ્રામ એકાઉન્ટ પર ટીમના સાથી ખેલાડી અર્શિદીપ સિંહ અને હરપ્રીત બરાર સાથે મળીને એક પંજાબી ગીત પર ભાંગડા કરતો દેખાઇ રહ્યો છે. આ ડાન્સમાં શિખર ધવને અન્ય બે સાથી ખેલાડીની જેમ પોતાના માથા પર પગડી બાંધેલી છે અને વીડિયો તે ખૂબ એન્જોય કરતો દેખાઇ રહ્યો છે. ત્રણે ખેલાડી પંજાબી ગીત પર પોતાના ડાન્સ મૂવ્સ દેખાડી રહ્યા છે.
તમે પણ જુઓ વીડિયો:
View this post on Instagram
વીડિયો પર હરભજન સિંહે આપી પ્રતિક્રિયા
ટીમ ઈન્ડિયાના ગબ્બરના આ વીડિયોમાં પૂર્વ ઓફ સ્પિનર હરભજન સિંહે પોતાની પ્રતિક્રિયા આપી હતી. તેણે કમેન્ટ કરી હતી કે,’ મજા આવી ગઇ, મારા સિંહ ભાઇઓ.’ પંજાબની ટીમ આઇપીએલ 2023 માં 8 પોઇન્ટ સાથે પોઈન્ટ ટેબલમાં છઠ્ઠા સ્થાન પર છે.
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…
