મુંબઈ ઈન્ડિયન્સે શેન બોન્ડને આપ્યુ પ્રમોશન, 3 ભારતીયોને પણ મળી નવી જવાબદારી
UAE માં એક નવી T20 લીગનું આયોજન કરવામાં આવી રહ્યું છે જેમાં IPL ટીમના માલિકોએ પણ ટીમો ખરીદી છે અને મુંબઈ ઈન્ડિયન્સ (Mumbai Indians) તેમાંથી એક છે.
હાલમાં, મુંબઈ ઈન્ડિયન્સ (Mumbai Indians) ફ્રેન્ચાઈઝીમાં કોચિંગ સ્ટાફની નિમણૂક સતત થઈ રહી છે. આ ફ્રેન્ચાઇઝી હવે માત્ર ભારતમાં IPL માં જ નહીં પરંતુ ક્રિકેટ દક્ષિણ આફ્રિકાની T20 લીગ અને સંયુક્ત આરબ અમીરાત (UAE) ની લીગમાં પણ પહોંચી ગઈ છે. UAE ની T20 લીગમાં આ ફ્રેન્ચાઇઝીનું નામ MI Emirates છે અને ફ્રેન્ચાઇઝીએ આ ટીમ માટે પોતાના કોચિંગ સ્ટાફની જાહેરાત કરી છે. ન્યૂઝીલેન્ડના ભૂતપૂર્વ ફાસ્ટ બોલર અને મુંબઈ ઈન્ડિયન્સના બોલિંગ કોચ શેન બોન્ડને MI અમીરાતના મુખ્ય કોચ તરીકે નિયુક્ત કરવામાં આવ્યા છે.
બોન્ડે આઈપીએલમાં ટીમ સાથે કામ કર્યું છે. તે લાંબા સમયથી ટીમ સાથે જોડાયેલો છે. અને તેથી જ તેને બોલિંગ કોચમાંથી હેડ કોચ તરીકે બઢતી આપવામાં આવી છે. હવે તે આ ફ્રેન્ચાઈઝીની ટીમને UAE લીગમાં વિજેતા બનાવવા માટે ભરપૂર પ્રયાસ કરશે. તેમની સાથે રોબિન સિંહને Mi Emirates ના જનરલ મેનેજર બનાવવામાં આવ્યા છે. તેની પાસે UAE ક્રિકેટનો ઘણો અનુભવ છે. ફ્રેન્ચાઇઝીએ એક નિવેદન જારી કરીને કોચિંગ સ્ટાફની જાહેરાત કરી છે.
MI Emirates announce their ⭐ studded coaching unit 🙌😎
Read to know the details 👉 https://t.co/B8mf5K09qH#OneFamily #MIemirates @MIEmirates @ShaneBond27 pic.twitter.com/8Uoi5P0evv
— Mumbai Indians (@mipaltan) September 17, 2022
બે લોકો કોચિંગ ડેબ્યુ કરશે
મુંબઈ ઈન્ડિયન્સમાં અત્યાર સુધી ટેલેન્ટ સ્કાઉટની ભૂમિકા ભજવનાર ભારતના ભૂતપૂર્વ વિકેટકીપર પાર્થિવ પટેલને પણ ટીમમાં કોચિંગની જવાબદારી સોંપવામાં આવી છે. તે કોચિંગમાં પદાર્પણ કરી રહ્યો છે અને ટીમ સાથે બેટિંગ કોચ તરીકે જોડાશે. ભારતના ભૂતપૂર્વ ઝડપી બોલર વિનય કુમાર પણ પ્રથમ વખત ફ્રેન્ચાઇઝીમાં કોચિંગની ભૂમિકામાં જોવા મળશે. વિનયને બોલિંગ કોચની જવાબદારી સોંપવામાં આવી છે. ન્યૂઝીલેન્ડના ભૂતપૂર્વ ખેલાડી અને મુંબઈ ઈન્ડિયન્સ તરફથી રમી ચૂકેલા જેમ્સ ફ્રેન્કલિનને ફિલ્ડિંગ કોચની જવાબદારી સોંપવામાં આવી છે.
Latest News Updates
