T20 World Cup 2024: ICCએ ટીમ ઈન્ડિયાને પૈસાના મામલે ફસાવી, કેપ્ટન રોહિત શર્મા ટેન્શનમાં
ભારતીય ટીમે સુપર-8માં એક મેચ જીતી છે. હવે સરળતાથી સેમીફાઈનલમાં પહોંચવા માટે બાકીની બે મેચ જીતવી પડશે. આ દરમિયાન ICCના કેટલાક નિર્ણયોએ ટીમ ઈન્ડિયાને મુશ્કેલીમાં મૂકી દીધી છે. રોહિત શર્માની ટીમ ICCને કારણે પહેલાથી જ નુકસાન સહન કરી રહી છે અને હવે તેમના પર કોઈપણ ભૂલ વિના ટૂર્નામેન્ટમાંથી બહાર થઈ જવાનો ખતરો છે.
T20 વર્લ્ડ કપમાં ભારતીય ટીમે શાનદાર શરૂઆત કરી હતી. ન્યૂયોર્કમાં રમાયેલ ગ્રુપ સ્ટેજ રાઉન્ડમાં 3 મેચ જીતીને ટોચનું સ્થાન મેળવ્યું હતું અને હવે આ ટીમ વેસ્ટ ઈન્ડિઝમાં સુપર-8 મેચ રમી રહી છે. પોતાની પ્રથમ મેચમાં રોહિત શર્માની કેપ્ટન્સીમાં ટીમે શાનદાર પ્રદર્શન કર્યું હતું. હવે ભારતીય ટીમ 22 જૂને એન્ટિગુઆમાં બાંગ્લાદેશ સામે ટકરાશે. દરમિયાન, એવા અહેવાલો આવ્યા છે કે રોહિત શર્મા અને ટીમના અન્ય ખેલાડીઓ ICCથી ખુશ નથી. તેના કારણે ટીમ ઈન્ડિયા ઘણી સમસ્યાઓનો સામનો કરી રહી છે. ICCએ પૈસા કમાવવાના ચક્કરમાં ટીમ ઈન્ડિયાને મુશ્કેલીમાં મૂકી દીધી છે.
ICCના કારણે ટીમ ઈન્ડિયા મુશ્કેલીમાં
T20 વર્લ્ડ કપ 2024માં ICCએ કેટલાક એવા નિર્ણય લીધા છે, જેના કારણે ટીમ ઈન્ડિયા ફસાઈ ગઈ છે. ICCના કારણે ટીમ ઘણી મુશ્કેલીમાં છે. ICCએ સુપર-8માં ભારતીય ટીમની તમામ મેચો અલગ-અલગ સ્થળોએ રાખી છે. આમાં સમસ્યા એ છે કે બે મેચની વચ્ચે માત્ર એક દિવસનું અંતર છે. ભારતે તેની પ્રથમ મેચ 20 જૂને બાર્બાડોસમાં રમી હતી, જ્યારે 22 જૂને તેને એન્ટિગુઆમાં રમવાનું છે અને ત્યારબાદ 24 જૂને તેને સેન્ટ લુસિયામાં ઓસ્ટ્રેલિયા સામે ટક્કર થશે. આ કારણે ટીમને આરામ અને પ્રેક્ટિસ કરવાની તક મળી રહી નથી.
સ્પોર્ટ્સ પત્રકારોએ કર્યા સવાલ
તેની પાછળનું સૌથી મોટું કારણ બ્રોડકાસ્ટર્સ છે. ICCએ આ નિર્ણય બ્રોડકાસ્ટર્સની કમાણી માટે દર્શકોને ધ્યાનમાં રાખીને લીધો છે. જો કે રોહિત શર્માએ આ અંગે કોઈ સત્તાવાર ફરિયાદ કરી નથી, પરંતુ વેસ્ટ ઈન્ડિઝમાં હાજર સ્પોર્ટ્સ પત્રકારોએ ભારતીય ટીમના સંદર્ભમાં આ વાત આગળ વધારી છે.
આ પણ વાંચો: તેઓ ‘ડરપોક’ છે, તેથી વર્લ્ડ કપ જીતી શકતા નથી… આ પૂર્વ ક્રિકેટરે ટીમ ઈન્ડિયા પર ઉઠાવ્યા સવાલ
Latest News Updates
