ICC T20 WC: ભારત સામે હાર્યા બાદ શોએબ અખ્તરે PCB ચિફ મોહસિન નક્વીને લીધો આડેહાથ, સરેઆમ ઉતારી ઈજ્જત

ભારતે સતત 8મી વાર ICC T20 વર્લ્ડ કપમાં પાકિસ્તાનને 8મી વાર હરાવ્યુ છે. આ હાર બાદ પાકિસ્તાનના પૂર્વ ફાસ્ટ બોલર શોએબ અખ્તરે પીસીબી ચેરમેન મોહસિન નક્વી પર નિશાન તાક્યુ છે અને તેની સરેઆમ ઈજ્જત ઉતારી છે.

Mina Pandya | Updated on: Feb 16, 2026 | 6:08 PM

ભારતે પાકિસ્તાનને ICC ઈવેન્ટમાં ફરી એકવાર જલિલ કર્યુ છે. પાકિસ્તાનને T 20 વર્લ્ડકપ 2026માં ભારતને 61 રનથી હરાવ્યુ છે. પાકિસ્તાને ટોસ જીતી પહેલા બોલિંગ પસંદ કરી હતી. પહેલા બેટીંગ કરતા ભારતે પડોશી દેશ પાકિસ્તાનને 176 રનનો ટાર્ગેટ આપ્યો. જો કે પાકિસ્તાનની પુરી ટીમ 114 રનના સ્કોર પર જ ઓલ આઉટ થઈ ગઈ. ભારત સામે શરમજનક હાર બાદ પાકિસ્તાનના લીજેન્ડ બોલર શોએબ અખ્તર પાકિસ્તાન ક્રિકેટ બોર્ડના ચેરમેન મોહસિન નક્વી પર ખૂબ વરસ્યા છે.

શોએબ અખ્તરે મોહસિન નક્વીને લીધા આડે હાથ

શોએબ અખ્તરે એક ટીવી ચેનલ સાથે વાત કરતા કહ્યુ ” એક વ્યક્તિ જેને ખબર જ નથી કે તે પાકિસ્તાન ક્રિકેટ બોર્ડનો ચેરમેન છે. હવે ટીમ કેવી રીતે ચાલશે? તમે કહી રહ્યા છો એક વ્યક્તિ, જેને તમે સુપરસ્ટાર બનાવ્યો છે. તે એક મેચ જીતાડી નથી શક્તો. તેને તમે સ્ટાર બનાવીને રાખ્યો છે જે એક મેચ જીતાડી નથી શક્તો.

શોએબે આગળ કહ્યુ, ભાઈ જ્યારે તમે આવા લોકોને સ્ટાર બનાવો છો, તેને પસંદ કરો છો તો સમસ્યા તો રહેવાની જ છે. પરંતુ શું તમે જાણો છો દુનિયામાં સૌથી મોટો ક્રાઈમ શું છે? દુનિયામાં સૌથી મોટો ક્રાઈમ છે કે તમે એક અયોગ્ય વ્યક્તિને જોબ આપી દીધી છે. શોએબે ઉમેર્યુ, જ્યારે તમે એક અયોગ્ય અને અજ્ઞાની વ્યક્તિને જોબ આપો છો તો તે તમારા દેશને તબાહ કરી દે છે. તે કોઈપણ સંગઠનને ધરાશાયી કરી શકે છે. ઉદાહરણ તમારી સામે છે.

હવે પાકિસ્તાનનો સામનો નામિબિયા સામે થશે

ભારત સામે હાર્યા બાદ 4 અંક સાથે હવે પાકિસ્તાન ગૃપ A ના પોઈન્ટ્સ ટેબલમાં ત્રીજા સ્થાન પર આવી ગયુ છે. તેની ઉપર અમેરિકા છે. બંને ટીમોના 4-4 અંક છે. પાકિસ્તાનનો આખરી ગૃપ સ્ટેજ મુકાબલો નામિબિયા સામે છે. પાકિસ્તાને સુપર 8માં આવવા માટે નામિબિયાને હરાવુ પડશે.