સ્કોટલેન્ડના બેટ્સમેને રોહિત શર્માની જેમ તબાહી મચાવી, ODIમાં ફટકાર્યા 255 રન

છગ્ગા પર છગ્ગા, ચોગ્ગા પર ચોગ્ગા, બાઉન્ડ્રીની સુનામી મેદાનમાં આવી ગઈ. સ્કોટલેન્ડ A અને ઓમાન વચ્ચેની મેચમાં એક એવું દ્રશ્ય જોવા મળ્યું જેણે તમામ બોલરોને ચોંકાવી દીધા. ઓમાનની ટીમ સ્કોટલેન્ડના પ્રવાસ પર છે અને આંતરરાષ્ટ્રીય શ્રેણીની શરૂઆત પહેલા, તે સ્કોટલેન્ડ A વિરુદ્ધ પ્રેક્ટિસ મેચ રમી રહી છે, જેમાં તેના બોલરોની એવી હાલત થઈ જેની તેમણે સપનામાં પણ કલ્પના કરી ન હોય. આ મેચમાં સ્કોટલેન્ડ Aના બેટ્સમેન ઓલિવર હેયર્સે રોહિત શર્માની સ્ટાઈલમાં બેવડી સદી ફટકારી હતી. આ ડાબા હાથના બેટ્સમેને માત્ર 130 બોલમાં 255 રનની ઈનિંગ રમી હતી.

હેયર્સની તોફાની બેવડી સદી

આ ઓપનિંગ બેટ્સમેન ક્રિઝ પર આવતાની સાથે જ તેણે સિક્સર અને ફોર ફટકારી હતી. આ ખેલાડીએ માત્ર 57 બોલમાં પોતાની સદી પૂરી કરી હતી, જ્યારે આ ખેલાડીએ 82 બોલમાં 150 રન બનાવ્યા હતા. આ પછી આ ખેલાડીએ 109 બોલમાં 200 રન પૂરા કર્યા. બેવડી સદી ફટકારવા છતાં ઓલિવર હેયર્સે રોકાયો નહીં અને આગામી 17 બોલમાં 250ના આંકડાને સ્પર્શી ગયો. અહીં રસપ્રદ વાત એ છે કે હેયસની તોફાની બેટિંગ છતાં સ્કોટલેન્ડ A ટીમ સંપૂર્ણ 50 ઓવર પણ રમી શકી નહોતી. આ ટીમ 47.2 ઓવરમાં 385 રનમાં સમેટાઈ ગઈ હતી. સ્કોટલેન્ડ A માટે ઓલિવર હેયર્સે 255 રન બનાવ્યા હતા પરંતુ અન્ય કોઈ બેટ્સમેન અડધી સદી પણ ફટકારી શક્યો નહોતો. હેયર્સ બાદ બીજો સર્વોચ્ચ સ્કોર 34 રનનો હતો. ક્રિસ્ટોફર મેકબ્રાઈડે 18 રન અને ઓવેન ગોલ્ડે 15 રનનું યોગદાન આપ્યું હતું.

Oli Hairs scores 255(130) in One Day game for Scotland-A against Oman!!

Comes in tour game before tri-series in Scotland!pic.twitter.com/VDsz53zZAM

— Kausthub Gudipati (@kaustats) July 11, 2024

ઓલિવર હેયર્સ કોણ છે?

ઓલિવર હેયર્સ 33 વર્ષનો છે અને આ ખેલાડીએ વર્ષ 2010માં ડેબ્યૂ કર્યું હતું. મોટી વાત એ છે કે માત્ર 8 દિવસમાં આ ખેલાડીએ 5 ODI મેચ રમી અને તે તમામમાં તે ફ્લોપ રહ્યો. તેણે માત્ર 13.60ની એવરેજથી 68 રન બનાવ્યા. આ પછી, આ ખેલાડીને ODI ટીમમાંથી બહાર કરી દેવામાં આવ્યો અને હેયસને છેલ્લા 14 વર્ષથી ODI ટીમમાં સામેલ કરવામાં આવ્યો નથી. પરંતુ આ બેવડી સદી બાદ હવે તે ODI ટીમમાં વાપસી કરે તેવી શક્યતા છે.

આ પણ વાંચો: ભારતના શ્રીલંકા પ્રવાસની જાહેરાત, કોચ ગૌતમ ગંભીર આ દિવસે કરશે ડેબ્યૂ, જાણો ODI-T20 સિરીઝનું સંપૂર્ણ શેડ્યૂલ