SA vs BAN : દ. આફ્રિકા સામેની ત્રીજી વન-ડે પહેલા બાંગ્લાદેશ ટીમને પડ્યો મોટો ફટકો, આ દિગ્ગજ ખેલાડીએ ટીમનો સાથ છોડ્યો
દક્ષિણ આફ્રિકા અને બાંગ્લાદેશ વચ્ચેની ત્રણ વન-ડે મેચની સીરિઝ હાલ 1-1 થી સરભર છે. ત્રીજી અને નિર્ણાયક મેચ 23 માર્ચથી શરૂ થઇ રહી છે.
બાંગ્લાદેશની ટીમ (Bangladesh Cricket) ને મોટો ઝટકો લાગ્યો છે. ઓલરાઉન્ડર શાકિબ અલ હસન (Shakib Al Hasan) હવે પોતાના ઘરે પરત ફરશે. પ્રવાસ અધવચ્ચે જ છોડવા પાછળ એક મોટું કારણ સામે આવ્યું છે. શાકિબના પરિવારના સભ્યોને વિવિધ બિમારીઓના કારણે હોસ્પિટલમાં દાખલ કરવામાં આવ્યા છે. બાંગ્લાદેશ ક્રિકેટ બોર્ડે તેને પરત જવાની પરવાનગી આપી દીધી છે. તે સોમવારે પોતાના દેશ પરત ફરશે.
ESPNCricinfo ના સમાચાર પ્રમાણે બાંગ્લાદેશ ક્રિકે બોર્ડ (BCB) ની ક્રિકેટ સંચાલન કમિટીના અધ્યક્ષ જલાલ યુનિસે આ સમાચારની પુષ્ટિ કરતા કહ્યું કે, “શાકિબને માનવતાના આધાર પર બાંગ્લાદેશના દક્ષિણ આફ્રિકાના પ્રવાસમાંથી રજા આપવામાં આવી છે.” બાંગ્લાદેશની ટીમ 23 માર્ચે દક્ષિણ આફ્રિકા સામે ત્રીજી વનડે રમવા મેદાનમાં ઉતરશે. અત્યાર સુધી રમાયેલી બે મેચમાં બંને ટીમોએ એક-એક જીત મેળવી છે.
શાકિબ અલ હસન આ પહેલા દક્ષિણ આફ્રિકાના પ્રવાસમાં જવા માટે સંમત થયો હતો અને ત્યાર બાદ ટીમના અન્ય સભ્યો સાઉથ આફ્રિકા પહોંચ્યા બાદ તે આફ્રિકા પહોંચ્યો હતો. તમને જણાવી દઇએ કે બાંગ્લાદેશ ક્રિકેટ બોર્ડના વડા નજમુલ હસન સાથે મુલાકાત કર્યા બાદ તે દક્ષિણ આફ્રિકા પ્રવાસ પર રમવા રમવા જવા માટે સહમત થયો હતો. આ પહેલા તેણે ક્રિકેટમાંથી થોડો સમય બ્રેક લેવાની જાહેરાત કરી હતી.
Just in: Shakib Al Hasan will return from South Africa on Monday evening, after several members of his family were hospitalised due to various ailments#SAvBAN
— ESPNcricinfo (@ESPNcricinfo) March 21, 2022
શાકિબ અલ સહનને આ વખતે IPL 2022 માટે કોઈ ટીમે ખરીદ્યો નથી. તેને આશા હતી કે તેને આઈપીએલનો કોન્ટ્રાક્ટ મળશે. પરંતુ તેમ થયું નહીં. જો તેની પાસે આઈપીએલનો કોન્ટ્રાક્ટ હોત તો તે કદાચ દક્ષિણ આફ્રિકાના પ્રવાસ પર રમવા ગયો ન હોત. અત્યારે તેના પરિવારને તેની જરૂર છે અને શાકિબ દક્ષિણ આફ્રિકા છોડીને બાંગ્લાદેશ પરત ફરી રહ્યો છે.
જોકે, તેના જવાથી ટીમને મોટો ફટકો પડ્યો છે. શાકિબ અલ હસન વગર ટેસ્ટ ક્રિકેટમાં રમવું બાંગ્લાદેશ ક્રિકેટ ટીમ માટે સહેલું નહીં હોય. ન્યુઝીલેન્ડ પ્રવાસ પર શાકિબ વગર રમીને ટીમે ટેસ્ટમાં વિજય નોંધાવ્યો હતો. પરંતુ દરેક વખતે આવું થવું આસાન નહીં હોય.
આ પણ વાંચો : SA vs BAN: ક્વિન્ટન ડી કોકે માત્ર 26 બોલમાં અડધી સદી ફટકારી, દક્ષિણ આફ્રિકાએ શ્રેણીમાં બરાબરી કરી
આ પણ વાંચો : IPL 2022: જ્યારે રોહિત શર્માએ ‘પુષ્પા’ સ્ટાઇલથી કરી એન્ટ્રી, જુઓ Video