RR vs RCB, LIVE Streaming: બેંગ્લોર અને રાજસ્થાન વચ્ચેની મેચ ક્યાં, ક્યારે અને કેવી રીતો જોઇ શકાશે, જાણો
વિરાટ કોહલી (Virat Kohli) ના નેતૃત્વમાં RCB દસ મેચમાંથી 12 પોઇન્ટ સાથે ત્રીજા સ્થાને છે. બીજી તરફ રોયલ્સના દસ મેચમાંથી આઠ પોઇન્ટ છે.
IPL (IPL 2021) માં સંજુ સેમસન (Sanju Samson) અને વિરાટ કોહલી (Virat Kohli) ની કેપ્ટનશીપ વચ્ચે આજે ટક્કર થવાની છે. એટલે કે રાજસ્થાન રોયલ્સ (Rajasthan Royals) અને રોયલ ચેલેન્જર્સ બેંગલોર (Royal Challengers Banglore) વચ્ચે મહત્વની મેચ રમાવા જઈ રહી છે. સાતમા સ્થાન પરની રાજસ્થાન માટે આ મેચ ખૂબ મહત્વની છે.
આ મેચમાં તેના માટે કરો અથવા મરોની સ્થિતિ રહેશે. રાજસ્થાનની ટીમ 10 મેચમાં ચાર જીત સાથે સાતમા સ્થાને છે. તેઓ RCB નો સામનો કરી રહ્યા છે જેમાં તેઓએ 10 માંથી 6 મેચ જીતી છે અને ત્રીજા સ્થાને છે.
આઈપીએલની આ સિઝનની ફરી શરૂઆત પર આરસીબીની સારી શરૂઆત નહોતી, તેણે સતત બે હારનો સામનો કરવો પડ્યો હતો. બીજી બાજુ, રાજસ્થાન પ્રથમ મેચ બે રનથી જીત્યા બાદ અગાઉની બંને મેચ હારી ગયું છે. સુકાની સંજુ સેમસન અને યશસ્વી જયસ્વાલ સિવાય તેમના તમામ બેટ્સમેન ખરાબ ફોર્મમાં છે.
બોલરોમાં કાર્તિક ત્યાગી, ચેતન સાકરીયા અને મુસ્તફિઝુર રહેમાને સારું પ્રદર્શન કર્યું છે. જ્યારે આરસીબીની ટીમની બોલિંગમાં હર્ષલ પટેલે છેલ્લી મેચમાં હેટ્રિક સહિત ત્રણ મેચમાં છ વિકેટ લીધી છે. યુઝવેન્દ્ર ચહલે પણ પાંચ વિકેટ લીધી છે. ન્યૂઝીલેન્ડના ઝડપી બોલર કાયલ જેમીસનને બે મેચમાં એક પણ વિકેટ મળી નથી
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર ની મેચ ક્યારે રમાશે?
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર (RR vs RCB) IPL 2021 ની 43 મી મેચ 29 સપ્ટેમ્બર, બુધવારે રમાશે.
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર મેચ ક્યાં રમાશે?
દુબઇના દુબઇ આંતરરાષ્ટ્રીય સ્ટેડિયમમાં રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર (RR vs RCB) મેચ રમાશે.
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર મેચ કેટલા વાગ્યે શરૂ થશે?
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર (RR vs RCB) મેચ 7:30 વાગ્યે શરૂ થશે. જ્યારે ટોસ 7 વાગ્યે યોજાશે.
કઈ ટીવી ચેનલ દ્વારા રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોરર્સ મેચનું જીવંત પ્રસારણ કરાશે?
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર (RR vs RCB) મેચનું જીવંત પ્રસારણ સ્ટાર સ્પોર્ટ્સ નેટવર્ક પર પ્રસારિત કરવામાં આવશે.
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર મેચનું લાઈવ સ્ટ્રીમિંગ ક્યાં થશે?
રાજસ્થાન રોયલ્સ વિરુદ્ધ રોયલ ચેલેન્જર્સ બેંગ્લોર (RR vs RCB) મેચનું લાઇવ સ્ટ્રીમિંગ ડિઝની+હોટસ્ટાર પર ઉપલબ્ધ થશે.
ટીમો
રાજસ્થાન રોયલ્સ: સંજુ સેમસન (કેપ્ટન), લિયામ લિવિંગસ્ટોન, એવિન લેવિસ, ડેવિડ મિલર, ક્રિસ મોરિસ, ઓશેન થોમસ, મુસ્તફિઝુર રહેમાન, તબરેઝ શમ્સી, ગ્લેન ફિલિપ્સ, ચેતન સાકરિયા, રિયાન પરાગ, રાહુલ તેવાટિયા, આકાશ સિંહ, અનુજ રાવત, કેસી કરિયપ્પા યશસ્વી જયસ્વાલ, શિવમ દુબે, શ્રેયસ ગોપાલ, કાર્તિક ત્યાગી, મયંક માર્કંડે, જયદેવ ઉનડકટ, કુલદીપ યાદવ અને મહિપાલ લોમરોર.
રોયલ ચેલેન્જર્સ બેંગ્લોર: વિરાટ કોહલી (કેપ્ટન), નવદીપ સૈની, ગ્લેન મેક્સવેલ, ડેન ક્રિશ્ચિયન, રજત પાટીદાર, દશમંથા ચામીરા, પવન દેશપાંડે, મોહમ્મદ સિરાજ, હર્ષલ પટેલ, મોહમ્મદ અઝહરુદ્દીન, સચિન બેબી, વાનીંદુ હસરંગા, જ્યોર્જ ગાર્ટન, યુઝવેન્દ્ર ચહલ, શાહબાજ અહેમદ, દેવદત્ત પડિકલ, કાયલ જેમીસન, સુયશ પ્રભુદેસાઈ, કેએસ ભરત, ટિમ ડેવિડ, આકાશ દીપ અને એબી ડી વિલિયર્સ.