IND vs PAK, T20 World Cup 2021: રોહિત શર્મા હાઇવોલ્ટેજ મેચમાં જ ફ્લોપ, ગોલ્ડ ડક વિકેટ ગુમાવી
ટોસ હારીને ટીમ ઇન્ડીયાના ઓપનરો કેએલ રાહુલ અને રોહિત શર્મા મેદાને ઉતર્યા હતા.
ભારત અને પાકિસ્તાન (India vs Pakistan) વચ્ચેની હાઇવોલ્ટેજ મેચમાં પાકિસ્તાનના કેપ્ટન બાબર આઝમે ટોસ જીતીને પ્રથમ બોલીંગ પસંદ કરી હતી. આમ ટોસ હારીને ટીમ ઇન્ડીયાના ઓપનરો કેએલ રાહુલ અને રોહિત શર્મા મેદાને ઉતર્યા હતા. પરંતુ પ્રથમ ઓવરમાં જ ભારતે પ્રથમ વિકેટ રોહિત શર્માના રુપમાં ગુમાવી હતી. રોહિત શર્મા ગોલ્ડન ડક આઉટ થયો હતો. આ સાથે જ ભારતીય ફેન્સમાં નિરાશા છવાઇ ગઇ હતી.
Shaheen Afridi, you beauty 👌
What a peach of a delivery as Rohit Sharma is gone for a 🦆#T20WorldCup | #INDvPAK | https://t.co/UqPKN2ouME
— T20 World Cup (@T20WorldCup) October 24, 2021
રોહિત શર્મા પાસેથી ખૂબ જ આશા હતી ત્યાં જ તેની વિકેટ ગુમાવવાને લઇને ભારતે 1 રન પર જ પ્રથમ વિકેટ રોહિતના સ્વરુપમાં ગુમાવી હતી. શાહિન શાહ આફ્રિદી એ રોહિત શર્માની વિકેટ ઝડપી હતી.
ઓપનર રોહિત શર્માની સામે આફ્રિદીએ એક ઘાતક યોર્કર બોલ પર રોહિત શર્માએ સીધા સ્ટંપની સામે LBW આઉટ કર્યો હતો. રોહિત શર્માના પગની લાઇનને જોતા તેણે DRS પણ લેવાની જરુર રહી નહોતી. આમ રોહિતે પણ તે લીધુ નહોતુ.
T20 માં આવુ રહ્યુ છે રોહિત શર્માનુ પ્રદર્શન
ટી20 આંતરરાષ્ટ્રીય ક્રિકેટમાં રોહિત શર્માએ 112 મેચ રમી છે. જેમાં તેના નામે 2864 રન નોંધાવ્યા છે. રોહિત શર્માએ 32.17 ની એવરેજ થી આ રન કર્યા હતા. તેમજ તેનો આ દરમિયાન 138.89 નો સ્ટ્રાઇક રેટ રહ્યો હતો. જ્યારે અત્યાર સુધીમાં તે શૂન્ય પર 7 વાર આઉટ થયો છે. ટી20 આંતરરાષ્ટ્રીય મેચમાં સર્વોચ્ચ સ્કોર 118 રન નોંધાવ્યા છે. તેણે આ રન શ્રીલંકા સામે નોંધાવ્યા હતા.