Breaking News: ‘રોહિત શર્મા’ આવું કારનામું કરનાર વિશ્વનો પ્રથમ બેટ્સમેન બન્યો, ગેઇલ અને સચિન જેવા દિગ્ગજો પણ પાછળ રહી ગયા

રોહિત શર્મા વિસ્ફોટક બેટિંગમાં માસ્ટર છે અને થોડા બોલમાં જ તે મેચની દિશા બદલી શકે છે. તેણે ન્યુઝીલેન્ડ સામેની પ્રથમ વન-ડેમાં મજબૂત શરૂઆત કરી હતી પરંતુ બાદમાં તે લાંબી ઇનિંગ રમવામાં નિષ્ફળ ગયો. જો કે, તેમ છતાંય તેણે આંતરરાષ્ટ્રીય ક્રિકેટમાં એક મહત્વપૂર્ણ સિદ્ધિ હાંસલ કરી છે.

2 છગ્ગા અને 3 ચોગ્ગા ફટકાર્યા

ભારતીય ટીમ માટે રોહિત શર્માએ પ્રથમ વન-ડેમાં 26 રનની ઇનિંગ રમી હતી, જેમાં તેણે 2 છગ્ગા અને 3 ચોગ્ગા ફટકાર્યા હતા. કાયલ જેમિસનના બોલ પર મોટો સ્ટ્રોક રમવાનો પ્રયાસ કરતી વખતે તે કિવી કેપ્ટન માઈકલ બ્રેસવેલના હાથે કેચ આઉટ થયો હતો.

મેચમાં 2 છગ્ગા ફટકારીને રોહિતે આંતરરાષ્ટ્રીય ક્રિકેટમાં 650 છગ્ગા પૂરા કર્યા અને આવું કરનાર વિશ્વનો પ્રથમ બેટ્સમેન બન્યો. આંતરરાષ્ટ્રીય ક્રિકેટમાં તેની પહેલા કોઈએ આ સિદ્ધિ મેળવી નહોતી.

રોહિત શર્મા વન-ડે ક્રિકેટ ઇતિહાસમાં સૌથી વધુ છગ્ગા ફટકારનાર ઓપનિંગ બેટ્સમેન પણ બની ગયો છે અને તેણે ક્રિસ ગેઇલનો રેકોર્ડ તોડ્યો છે. રોહિત પાસે હવે વન-ડે ક્રિકેટમાં ઓપનર તરીકે 329 છગ્ગા છે, જ્યારે ગેઇલે ઓપનર તરીકે 328 છગ્ગા ફટકાર્યા હતા.

વર્ષ 2007 માં કર્યું વન-ડે ક્રિકેટમાં ડેબ્યૂ

રોહિત શર્માએ વર્ષ 2007 માં વન-ડે ક્રિકેટમાં ડેબ્યૂ કર્યું હતું અને શરૂઆતમાં તે સારું પ્રદર્શન કરી શક્યો ન હતો. જો કે, ત્યારબાદ મહેન્દ્ર સિંહ ધોનીએ તેને ઓપનિંગ માટે પ્રમોટ કર્યો અને ત્યારબાદ તે સતત સારી ઇનિંગ રમતો ગયો. શર્માએ હવે 280 વન-ડે મેચમાં કુલ 11,542 રન બનાવ્યા છે, જેમાં 33 સદી અને 61 અડધી સદીનો સમાવેશ થાય છે.

Breaking News: વિરાટ કોહલીએ બેટિંગ કર્યા વિના જ મોટો રેકોર્ડ તોડી નાખ્યો, ગાંગુલીનો કીર્તિમાન તૂટ્યો હવે દ્રવિડ અને સંગાકારાનો ‘વારો’