Gujarati NewsSportsCricket newsRcb team fined for slow over rate against rajasthan royals virat kohli fined rs 24 lakhs likely one match ban for kohli if offence repeated
IPL 2023: જીતના જોશમાં મેદાન પર કરી મોટી ભૂલ, Virat Kohli એ ભરવો પડશે 24 લાખનો દંડ
RCB vs RR IPL 2023: રાજસ્થાન રોયલ્સ સામે રોયલ ચેલેન્જર્સ બેંગલોરની કપ્તાની કરનાર વિરાટ કોહલી પર 24 લાખનો દંડ ફટકારવામાં આવ્યો છે. કોહલીની સાથે સાથે ટીમના તમામ ખેલાડીઓ પર 6 લાખનો દંડ ફટકરવામાં આવ્યો છે.
ફાફ ડુપ્લેસીના ફીટ ના હોવાના કારણે છેલ્લી બે મેચથી વિરાટ કોહલી રોયલ ચેલેન્જર્સ બેંગલોરની કપ્તાની સંભાળી રહ્યો છે. ખાસ વાત એ છે કે વિરાટ કોહલીના નેતૃત્વ હેઠળ બંને મેચમાં આરસીબીનું પ્રદર્શન શાનદાર રહ્યું છે અને બંને મેચમાં ટીમે જીત મેળવી છે. રાજસ્થાન સામે પણ ટીમનું પ્રદર્શન શાનદાર રહ્યું છે અને વિરાટનું કપ્તાન તરીકે પ્રદર્શન શાનદાર રહ્યું છે, પણ જીતની ખુશીમાં આરસીબીની ટીમથી મેદાન પર મોટી ભૂલ થઇ ગઇ હતી અને તે ભૂલ માટે તેને દંડ ભરવો પડશે. IPL 2023માં હાલમાં આરસીબીની ટીમ 8 પોઇન્ટ સાથે 5માં સ્થાને ટેબલ પર છે.
નોંધપાત્ર છે કે રાજસ્થાન સામે રમાયેલ મેચમાં સ્લો ઓવર રેટના કારણે વિરાટ કોહલી પર કેપ્ટન હોવાના કારણે 24 લાખનો દંડ ફટકારવામાં આવ્યો છે. ફક્ત વિરાટ જ નહીં પણ ટીમના તમામ ખેલાડીઓ પર 6 લાખનો દંડ ફટકારવામાં આવ્યો છે. આઇપીએલ 2023માં આ બીજી મેચ છે કે જ્યારે ટીમ સ્લો ઓવર રેટ માટે દંડ ફટકારવામાં આવ્યો હતો. પ્રથમ મેચમાં ફાફ ડુપ્લેસી ટીમનું નેતૃત્વ કરી રહ્યો હતો અને તેના પર 12 લાખનો દંડ ફટકારવામાં આવ્યો હતો.
કોહલી પર ‘બેન’નું સંકટ
આઇપીએલમાં સીઝન 2023માં બે વખત સ્લો આવર રેટના કારણે આરસીબીની ટીમ પર દંડ ફટકારવામાં આવ્યો છે. ટીમના બોલર અને ટીમ જો આ ભૂલ ફરી કરશે તો 30 લાખના દંડ સાથે ટીમના કેપ્ટન પર એક મેચનો બેન લગાવવામાં આવશે. એટલે કે હવે વિરાટ કોહલી પર બેનનો ખતરો છે. કોહલીએ રાજસ્થાન સામે મેચમાં ટોસના સમયે જણાવ્યું હતું કે આવનાર મેચમાં તે આરસીબીનું નેતૃત્વ કરતા દેખાશે.
અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા
