IND vs NZ: ઇશાન કિશનના જબરદસ્ત થ્રો પર રાહુલ દ્રવિડ થઇ ગયો ફિદા, ડગ આઉટમાં આપી કંઇક એવી પ્રતિક્રીયા કે Viral થઇ ગઇ

India vs New Zealand, 3rd T20I: ભારતે કોલકાતા T20 73 રને જીતી, જે ન્યુઝીલેન્ડ સામેની તેમની સૌથી મોટી T20 જીત છે.

Rahul Dravid

TV9 Gujarati | Edited By: Avnish Goswami | Updated on: Nov 22, 2021 | 9:31 AM

T20 વર્લ્ડ કપ 2021માં નિરાશાજનક પ્રદર્શન બાદ ટીમ ઈન્ડિયા (Team India) એ ફરી એકવાર જોરદાર વાપસી કરી છે. ટીમ ઈન્ડિયાએ T20 સિરીઝમાં ન્યૂઝીલેન્ડ (New Zealand) નો ક્લીન સ્વીપ કર્યો છે. જયપુર અને રાંચીમાં વિજેતા ધ્વજ લહેરાવ્યા બાદ રોહિત એન્ડ કંપની કોલકાતામાં પણ જીતી હતી. પ્રથમ બેટિંગ કરતા ભારતે 20 ઓવરમાં 184 રન બનાવ્યા જેના જવાબમાં કિવી ટીમ માત્ર 111 રન બનાવી શકી અને 73 રનથી મેચ હારી ગઈ. T20માં ટીમ ઈન્ડિયા સામે ન્યૂઝીલેન્ડની આ સૌથી મોટી હાર છે.

ટીમ ઈન્ડિયાની જીતનું એક મોટું કારણ તેની શાનદાર ફિલ્ડિંગ હતી. ફિલ્ડિંગ પણ એવી છે જેણે હેડ કોચ રાહુલ દ્રવિડ (Rahul Dravid) ને ઘણો પ્રભાવિત કર્યો હતો અને હવે તેની પ્રતિક્રિયા સોશિયલ મીડિયા પર વાયરલ થઈ રહી છે. રાહુલ દ્રવિડ ભારતીય ખેલાડીઓની ફિલ્ડિંગથી ખુશ દેખાતો હતો અને તેણે નવા ફિલ્ડિંગ કોચ ટી દિલીપને ડગઆઉટમાં પીઠ થપથપાવી હતી. રાહુલ દ્રવિડની આ પ્રતિક્રિયા સોશિયલ મીડિયા પર વાયરલ થઈ છે.

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

પંતની શાનદાર કીપિંગ, ઈશાન કિશન પણ છવાયો

ઋષભ પંત અને ઈશાન કિશને કોલકાતા T20માં શાનદાર સ્પીડ બતાવી હતી. પંતે અક્ષર પટેલની બોલ પર ચેપમેનને સ્ટમ્પ આઉટ કર્યો, જે ખરેખર અદ્ભુત હતું. આ દરમિયાન પંતે જેમ્સ નીશમનો શાનદાર કેચ લીધો હતો. આ કેચ ખૂબ જ મુશ્કેલ હતો કારણ કે બોલ ખૂબ ઊંચો ગયો હતો અને પંત તેને પકડતા પહેલા જ લપસી ગયો હતો. જોકે પંતે તેમ છતાં પણ કેચ ઝડપી લીધો હતો.

પંત સિવાય ઈશાન કિશને ફિલ્ડિંગમાં શાનદાર પ્રદર્શન કર્યું. આ યુવા ખેલાડીએ પહેલા એક શાનદાર થ્રો પર ટિમ સિફર્ટને રનઆઉટ કર્યો અને પછી 14મી ઓવરમાં ઈશાન કિશન મિશેલ સેન્ટનરને રન આઉટ કર્યો. કિશને બાઉન્ડ્રી લાઇનથી વિકેટ પર સીધો થ્રો માર્યો અને રાહુલ દ્રવિડ આ થ્રો જોઈને દંગ રહી ગયો. આ જ કારણ છે કે દ્રવિડ ફિલ્ડિંગ કોચની પીઠ થપથપાવતો જોવા મળ્યો હતો.

Appreciation from Rahul Dravid to the new fielding coach – T Dilip after the fantastic run-out by Ishan. pic.twitter.com/vgCcFdGKvu

— Johns. (@CricCrazyJohns) November 21, 2021

મેચની વાત કરીએ તો કેપ્ટન રોહિત શર્માએ શાનદાર 56 રન બનાવ્યા હતા. ઈશાન કિશને 21 બોલમાં 29 રન બનાવ્યા હતા. શ્રેયસ અય્યરે 20 બોલમાં 25 અને વેંકટેશ અય્યરે 20 રન બનાવ્યા હતા. દીપક ચહરે 8 બોલમાં અણનમ 21 રન બનાવ્યા હતા. હર્ષલ પટેલે પણ 18 રનની ઝડપી ઇનિંગ રમી હતી.