PM નરેન્દ્ર મોદીએ મિતાલી રાજને નિવૃત્તિ લીધા બાદ મોકલ્યો પત્ર, શાનદાર કરિયર માટે પાઠવી ‘શુભેચ્છા’

ભારતીય મહિલા ક્રિકેટમાં સૌથી મોટું નામ અને સૌથી મોટી ઓળખ બનાવનાર પૂર્વ કેપ્ટન મિતાલી રાજ (Mithali Raj) રમતમાંથી નિવૃત્તિ લઈ લીધી છે. થોડા દિવસો પહેલા મિતાલીએ આ જાહેરાત કરી હતી અને તેની જાહેરાતે ભારતીય ફેન્સને ભાવુક કરી દીધા હતા. બધાએ મિતાલીને તેના યોગદાન માટે યાદ કરી અને આભાર માન્યો. ભારતીય ફેન્સ બાદ મિતાલીનું હવે દેશના ટોપના નેતા એટલે કે વડાપ્રધાન નરેન્દ્ર મોદીએ (PM Narendra Modi) શુભકામનાઓ આપી છે. મિતાલીએ શનિવારે પીએમ મોદી તરફથી મળેલો પત્ર શેયર કર્યો અને કહ્યું કે તે પ્રશંસાથી અભિભૂત છે.

PMના પ્રોત્સાહનથી અભિભૂત

પૂર્વ કેપ્ટન મિતાલીને શનિવારે 2 જુલાઈના રોજ એક ટ્વીટ કર્યું, જેમાં તેણે પીએમ તરફથી મળેલા પત્રની તસ્વીર પણ પોસ્ટ કરી. મિતાલીએ પોતાના ટ્વીટમાં લખ્યું છે કે આ સન્માન અને ગર્વની વાત છે કે જ્યારે આપણા વડાપ્રધાન તરફથી આટલું પ્રોત્સાહન મળે છે, જે મારા સિવાયના લાખો લોકો માટે આદર્શ અને પ્રેરણાસ્ત્રોત છે. ક્રિકેટમાં મારા યોગદાન માટે તેમના દ્વારા બોલવામાં આવેલા પ્રોત્સાહન ભર્યા શબ્દોથી હું અભિભૂત છું.

આ પણ વાંચો

It’s a matter of singular honour & pride when one receives such warm encouragement from our Hon’ble PM Shri @narendramodi ji, who is a role model & inspiration for millions including me. I am overwhelmed by this thoughtfully worded acknowledgment of my contribution to cricket. pic.twitter.com/cTmqB6ZdNT

— Mithali Raj (@M_Raj03) July 2, 2022

મિતાલીએ સાથે એમ પણ લખ્યું કે હું હંમેશા તેની પ્રશંસા કરીશ. હું મારી આગળની ઈનિંગ્સ માટે ખૂબ જ પ્રોત્સાહિત છું અને ભારતીય રમતના વિકાસમાં યોગદાન આપવા માટે આપણા માનનીય વડાપ્રધાનની અપેક્ષાઓ પર ખરા ઉતરવા માટે સખત મહેનત કરીશ.

PMએ મિતાલીના કર્યા વખાણ

ગયા મહિને મિતાલીએ તેની લગભગ 23 વર્ષની લાંબી આંતરરાષ્ટ્રીય ક્રિકેટ કરિયરના અંતની જાહેરાત કરી હતી. આ અવસર પર વડાપ્રધાને તેમને એક અભિનંદન પત્ર મોકલ્યો હતો, જેમાં તેમણે લખ્યું હતું કે તમે બે દાયકાથી વધુ સમયથી ભારતીય ક્રિકેટની સેવા કરી છે. તમારી પાસે શાનદાર પ્રતિભા, દ્રઢતા અને પરિવર્તન લાવવાની ઇચ્છા છે જે વર્ષોથી બેસ્ટ પ્રદર્શન આપવા માટે જરૂરી છે. આ ઉત્સાહે માત્ર તમને જ મદદ કરી નથી, પરંતુ તેણે ઘણા ઉભરતા ખેલાડીઓને પણ મદદ કરી છે.

‘માત્ર રેકોર્ડ જ નહીં, ટ્રેન્ડ બનાવવાવાળી એથ્લેટ’

પીએમે પત્રમાં આગળ લખ્યું, “તમારા કરિયરને જોવાનો એક રસ્તો સંખ્યા દ્વારા છે. તમારી લાંબી રમતના કરિયર દરમિયાન ઘણા એવા રેકોર્ડ છે જે તમે તોડ્યા છે અને સાથે ઘણા રેકોર્ડ પણ બનાવ્યા છે. આ સિદ્ધિઓ તમારી ક્ષમતાઓ વિશે વાત કરે છે, જેમાં મહિલા આંતરરાષ્ટ્રીય ક્રિકેટમાં ટોપના રન સ્કોરર હોવાનો સમાવેશ થાય છે.

તેણે લખ્યું, પરંતુ સાથે જ તમારી સફળતા આંકડા અને રેકોર્ડથી પર છે. તમે ટ્રેન્ડ બનાવવા વાળા એવા એથ્લેટ છો, જેમણે ઘણા રેકોર્ડ તોડ્યા છે અને તમે અન્ય લોકો માટે પ્રેરણાના શાનદાર સ્ત્રોત છો.

આવું હતું મિતાલીનું કરિયર

મિતાલીએ 232 મેચોમાં 50થી વધુની એવરેજથી 7,805 વન ડે રન ઉમેર્યા છે. તેણે 89 T20 આંતરરાષ્ટ્રીયમાં 2364 રન અને 12 ટેસ્ટમાં એક સદી અને ચાર અડધી સદી સાથે 699 રન બનાવ્યા છે. મિતાલીએ તેના કરિયરના અંતમાં વન ડે ક્રિકેટમાં સૌથી વધુ રન બનાવનારી એક ખેલાડી. તે બીજી સૌથી વધુ રન બનાવનારી ઈંગ્લેન્ડની ચાર્લોટ એડવર્ડ્સ કરતા 1813 રન આગળ હતી.