Vaibhav Suryavanshi : ‘તે 14 વર્ષનો છે કે નહીં?’ ટીમ ઈન્ડિયાના બેટ્સમેને વૈભવ સૂર્યવંશી પર ખુલ્લેઆમ ઉઠાવ્યા સવાલ!
14 વર્ષીય ભારતીય ક્રિકેટર વૈભવ સૂર્યવંશીએ ક્રિકેટની દુનિયામાં પોતાનું નામ બનાવ્યું છે. જોકે, તેની ઉંમર પર ઘણી વખત પ્રશ્નો ઉભા થયા છે. તાજેતરમાં, વૈભવ સૂર્યવંશીના એક સાથી ખેલાડીએ તેની ઉંમર પર ટિપ્પણી કરી છે.
ભારતીય ક્રિકેટમાં એક નવો સ્ટાર ઉભરી રહ્યો છે, જેનું નામ વૈભવ સૂર્યવંશી છે. માત્ર 14 વર્ષની ઉંમરે, આ યુવા બેટ્સમેને IPL 2025માં પોતાની પ્રતિભા સાબિત કરી. તેણે માત્ર 38 બોલમાં 101 રનની શાનદાર સદીની ઈનિંગ રમીને IPL ઈતિહાસમાં સૌથી નાની ઉંમરે સદી ફટકારવાનો રેકોર્ડ પણ બનાવ્યો. તાજેતરમાં, રાજસ્થાન રોયલ્સના અનુભવી ખેલાડી નીતિશ રાણાએ વૈભવ સૂર્યવંશી પર એક નિવેદન આપ્યું છે, જે હેડલાઈન્સમાં છે.
નીતિશ રાણાએ વૈભવ વિશે શું કહ્યું?
તાજેતરમાં, નીતિશ રાણાની કેપ્ટનશીપમાં, વેસ્ટ દિલ્હી લાયન્સે દિલ્હી પ્રીમિયર લીગ 2025નો ખિતાબ જીત્યો. આ યાદગાર જીત પછી, તેણે એક ઈન્ટરવ્યુ આપ્યો જેમાં એન્કરે રાણાને તેના રાજસ્થાન રોયલ્સ ટીમના ખેલાડીઓ વિશે કેટલીક એવી વાતો કહેવા કહ્યું જે લોકો જાણતા નથી. આ દરમિયાન, જ્યારે નીતિશ રાણાની સામે વૈભવ સૂર્યવંશીનું નામ લેવામાં આવ્યું, ત્યારે તેણે મજાકમાં કહ્યું, ‘શું તે ફક્ત 14 વર્ષનો છે કે નહીં?’ સાથે જ સંજુ સેમસન વિશે તેણે કહ્યું કે તે આવતા વર્ષે ક્યાં રમવાનો છે. આ ઉપરાંત, જોફ્રા આર્ચર વિશે તેણે કહ્યું કે તે ફૂટબોલનો મોટો ચાહક છે.
Nitish Rana on One thing the world doesn’t know about Vaibhav Suryavanshi
: BCCI / DPL#vaibhav #NitishRana #CricketTalk pic.twitter.com/asCTzN6Wer
— SportsTiger (@The_SportsTiger) September 2, 2025
ઉંમર પર પ્રશ્નો ઉભા થયા
તમને જણાવી દઈએ કે, IPL 2025 દરમિયાન, વૈભવ સૂર્યવંશીની ઉંમર પર ઘણી વખત પ્રશ્નો ઉભા થયા હતા. હરાજી સમયે, તે ફક્ત 13 વર્ષનો હતો, જ્યારે આ સિઝનમાં IPLમાં પોતાનો ડેબ્યૂ મેચ રમતા પહેલા, તેણે ટીમ સાથે પોતાનો 14મો જન્મદિવસ ઉજવ્યો હતો. તે સમયે તેની ઉંમર પર પ્રશ્નો ઉભા થયા હતા. જોકે, BCCIએ તેનો બોન ટેસ્ટ કરાવ્યો છે. વૈભવ સૂર્યવંશીના પિતા સંજીવ સૂર્યવંશીએ એક ઈન્ટરવ્યુમાં કહ્યું હતું કે, ‘જ્યારે તે સાડા 8 વર્ષનો હતો, ત્યારે તેણે પહેલીવાર BCCIનો બોન ટેસ્ટ આપ્યો હતો. અમે કોઈથી ડરતા નથી. તે ફરીથી ‘એજ (ઉંમર) ટેસ્ટ’ પાસ કરી શકે છે.’
નીતિશ રાણાએ ટીમને ચેમ્પિયન બનાવી
નીતિશ રાણાએ અત્યાર સુધી ટીમ ઈન્ડિયા માટે 1 ODI અને 2 T20 મેચ રમી છે. દિલ્હી પ્રીમિયર લીગની આ સિઝન તેમના માટે ખૂબ જ યાદગાર રહી. વેસ્ટ દિલ્હી લાયન્સને ચેમ્પિયન બનાવવામાં નીતિશ રાણાએ સૌથી મોટી ભૂમિકા ભજવી હતી. તેમણે આ સિઝનમાં 11 મેચ રમી અને 65.50ની સરેરાશથી 393 રન બનાવ્યા. નીતિશે આ રન 181.94ના સ્ટ્રાઈક રેટથી બનાવ્યા. અંતિમ મેચમાં પણ તેણે અણનમ 79 રનની તોફાની ઈનિંગ રમી હતી.
આ પણ વાંચો: ICC Rule Book EP 34: Hit the Ball Twice – ક્રિકેટમાં વિચિત્ર રીતે આઉટ થવા અંગે સૌથી દુર્લભ અને ખાસ નિયમ
