મહેન્દ્ર સિંહ ધોની પોતે તેના ફેનને મળવા પહોંચી ગયો તેના ઘરે, ટેક્સટાઈલ મિનિસ્ટરનું આ ટ્વીટ થયુ Viral
ધોનીનો ફેન અપ્પુસામી વણકર છે અને તેણે કપડા પર ધોની, તેની પુત્રી જીવાની તસવીર બનાવી છે. અપ્પુસામી હેન્ડલૂમ ચલાવે છે. કપડા પર બનેલી આ તસવીર જોઈને ધોની ઘણો ખુશ થઈ ગયો અને તેને ખરીદવા પહોંચી ગયો.
મહેન્દ્ર સિંહ ધોની (MS Dhoni)ના ક્રિકેટની દુનિયામાં ઘણા ચાહકો છે. દરેક વ્યક્તિ તેને મળવા અને તેની સાથે વાત કરવા માંગે છે. કોઈ તેને મળવા તેના ઘરે પહોંચે છે તો કોઈ જમીન પર જઈને તેના પગ સ્પર્શ કરવા લાગે છે. પરંતુ એક એવો ફેન છે કે ધોની પોતે તેને મળવા પહોંચી ગયો. ધોનીનો આ ફેન તમિલનાડુના ઈરોડ શહેરમાં રહે છે. તેના આ ફેને એવું કામ કર્યું કે ધોની પોતે તેને મળવા તેના ઘરે પહોંચી ગયો. ધોનીના આ ફેનનું નામ અપ્પુસામી છે. અપ્પુસામીએ જે કામ કર્યું તેની તસવીર સોશિયલ મીડિયા પર વાયરલ થઈ રહી છે અને તેમાં ધોની પણ છે. તમને જણાવી દઈએ કે ધોની હાલમાં જ તેના બીજા ફેનને મળ્યો હતો. તેની આ ચાહક દિવ્યાંગ હતી અને તેનું નામ લાવણ્યા હતું.
ધોનીનો ફેન અપ્પુસામી વણકર છે અને તેણે કપડા પર ધોની, તેની પુત્રી જીવાની તસવીર બનાવી છે. અપ્પુસામી હેન્ડલૂમ ચલાવે છે. કપડા પર બનેલી આ તસવીર જોઈને ધોની ઘણો ખુશ થઈ ગયો અને તેને ખરીદવા પહોંચી ગયો.
Mr. Appusamy, a weaver from Chennimalai community, Erode, was running #OneStationOneProduct Handloom stall at Erode. An ardent cricket fan, he designed a cloth artwork with MS Dhoni and his daughter.
As the news reached Dhoni, he personally received the artpiece.@msdhoni pic.twitter.com/S9SgP0dSdU
— Darshana Jardosh (@DarshanaJardosh) June 4, 2022
ટેક્સટાઈલ મિનિસ્ટરનું ટ્વીટ વાયરલ
ધોનીએ અપ્પુસામી સાથે જે ફોટો પાડ્યો હતો અને તેની કળાને સોશિયલ મીડિયા પર ઘણો પ્રેમ મળી રહ્યો છે. આ તસવીરને રેલવે અને ટેક્સટાઈલ મંત્રી દર્શના જરદોશે શેયર કરી છે. તેણે આ તસવીરો ટ્વીટ કરી અને લખ્યું, અપ્પુસામી ઈરોડમાં ચેન્નાઈમલાઈ સમુદાયના વણકર છે. તે વન સ્ટેશન વન પ્રોડક્ટ હેન્ડલૂમની દુકાન ચલાવે છે. તે ક્રિકેટનો મોટો ચાહક છે. તેણે કપડાં પર એમએસ ધોની અને તેની પુત્રીની તસવીર બનાવી છે.
IPLમાં બતાવ્યો હતો જૂનો અવતાર
ધોનીએ IPL-2022 પહેલા ટીમની કેપ્ટનશીપ છોડી દીધી હતી, પરંતુ રવિન્દ્ર જાડેજાએ સિઝનના મધ્યમાં તેને આ કેપ્ટનશીપ પાછી આપી દીધી હતી. ચેન્નાઈ સુપર કિંગ્સ હજુ પણ પ્લેઓફમાં જગ્યા બનાવી શકી નથી. આઈપીએલના ઈતિહાસમાં આ બીજી વખત છે, જ્યારે ચેન્નાઈ પ્લેઓફમાં પહોંચી શકી નથી. પરંતુ આ વખતે ધોનીની જૂની સ્ટાઈલ જોવા મળી હતી. તે એ જ ફિનિશરની લયમાં દેખાયો જેના માટે તે જાણીતો હતો.