IPL 2024 : છઠ્ઠી ઓવરના આ બોલે ગુજરાત ટાઈટન્સની એક મોટી ભૂલે પલટી રાજસ્થાનની બાજી
IPL 2024માં રિયાન પરાગનું તોફાની ફોર્મ ગુજરાત સામે પણ ચાલુ જ રહ્યું હતું. પરાગે આ સિઝનની ત્રીજી અડધી સદી ફટકારી હતી. આ જમણા હાથના બેટ્સમેને ગુજરાત ટાઈટન્સ સામે 34 બોલમાં પોતાની અડધી સદી પૂરી કરી હતી. જોકે, એક ભૂલને કારણે તેની ઈનિંગ આગળ વધી હતી. જાણો શું છે મામલો?
તે ખેલાડી જેને મેચ બાદ લોકો વારંવાર ટ્રોલ કરતા હતા. આજે દુનિયા એ જ ખેલાડીને સલામ કરી રહી છે કે જેના પર અવારનવાર સવાલો ઉભા થતા હતા. અમે વાત કરી રહ્યા છીએ રિયાન પરાગની, જેણે ફરી એકવાર પોતાના બેટથી તોફાની ઈનિંગ રમી છે. આ જમણા હાથના બેટ્સમેને ગુજરાત ટાઈટન્સ સામે ઝડપી અડધી સદી ફટકારી હતી. આ 22 વર્ષના ખેલાડીએ માત્ર 34 બોલમાં અડધી સદી ફટકારી હતી. જોકે, તેની ઈનિંગનું મુખ્ય કારણ એક ભૂલ હતી.
રિયાન પરાગને મળ્યું જીવનદાન
આ મેચમાં રિયાન પરાગે અડધી સદી ફટકારી હતી પરંતુ તે ગુજરાત ટાઈટન્સની ભૂલને કારણે જ બન્યું હતું. ખરેખર, જ્યારે પરાગ 6 રનના અંગત સ્કોર પર હતો ત્યારે છઠ્ઠી ઓવરના અંતિમ બોલ પર રાશિદ ખાનની બોલિંગમાં મેથ્યુ વેડે તેનો કેચ છોડ્યો હતો. જે ગુજરાતને ખૂબ જ ભારે પડ્યો હતો. રિયાન પરાગે તેને મળેલા આ જીવનદાનનો ભરપૂર ફાયદો ઉઠાવ્યો હતો અને ગુજરાતના દરેક બોલરોને જોરદાર ફટકાર્યા હતા અને જોરદાર ફિફ્ટી ફટકારી હતી.
રિયન પરાગની આક્રમક બેટિંગ
પાવરપ્લેમાં જ યશસ્વી જયસ્વાલ અને જોસ બટલર આઉટ થયા પછી, રિયાન પરાગે કેપ્ટન સંજુ સેમસન સાથે મળીને બાજી સંભાળી. પરાગ શરૂઆતમાં સાવધાનીપૂર્વક રમ્યો, પરંતુ આ ખેલાડીએ મધ્ય ઓવરોમાં ગિયર્સ બદલ્યા. પરાગે ગુજરાતના સ્પિનર નૂર અહેમદ સામે આક્રમક બેટિંગ કરી હતી. પરાગે તેની સામે 4 સિક્સર ફટકારી હતી. પરાગે માત્ર 34 બોલમાં પોતાની અડધી સદી પૂરી કરી હતી. રિયાન પરાગે 76 રનની ઈનિંગ રમી અને સંજુ સેમસન સાથે 78 બોલમાં 130 રનની ભાગીદારી પણ કરી.
!
The in-form @rajasthanroyals batter smashes dual maximums against Noor Ahmad!
Watch the match LIVE on @JioCinema and @StarSportsIndia #TATAIPL | #RRvGT pic.twitter.com/9YnmsVs8CC
— IndianPremierLeague (@IPL) April 10, 2024
પરાગ માટે શાનદાર સિઝન
રિયાન પરાગે આ સિઝનમાં તેની ત્રીજી અડધી સદી ફટકારી છે. આ સિઝન પહેલા તે છેલ્લા ચાર વર્ષમાં માત્ર બે અડધી સદી ફટકારી શક્યો હતો. આ સિઝનમાં રિયાન પરાગે દિલ્હી કેપિટલ્સ અને મુંબઈ ઈન્ડિયન્સ સામે પણ અડધી સદી ફટકારી હતી. આ સિઝનમાં પરાગની બેટિંગમાં મેચ્યોરિટી દેખાઈ હતી. તે સિક્સર અને ફોર કરતા સિંગલ અને ડબલ્સને વધુ મહત્વ આપી રહ્યો હતો, જેના કારણે સફળતા રિયાન પરાગને સફળતા મળી હતી.
આ પણ વાંચો : IPL 2024 : રોહિત શર્મા છોડશે મુંબઈ ઈન્ડિયન્સ! ના મળ્યું ટીમમાં સન્માન, સાથી ખેલાડીએ કરી આગાહી
