IPL 2024 : મુંબઈ ઈન્ડિયન્સને જીત તો મળી, પરંતુ હાર્દિક માટે હજુ એક મોટું ટેન્શન બાકી
સતત 3 મેચ હાર્યા બાદ મુંબઈ ઈન્ડિયન્સને આખરે દિલ્હી કેપિટલ્સ સામે સફળતા મળી, જે IPL 2024માં તેમની પ્રથમ જીત હતી. આમ છતાં ટીમના કેપ્ટન હાર્દિક પંડ્યા સામે ચાહકોનો ગુસ્સો હજી ઓછો નથી થયો. આ જ એક કારણ છે જેને મુંબઈના કેપ્ટને જલદીથી દૂર કરવું પડશે.
બે વર્ષ પહેલા હાર્દિક પંડ્યાએ નવી IPL ટીમ ગુજરાત ટાઈટન્સના તદ્દન નવા કેપ્ટન તરીકે જબરદસ્ત ડેબ્યુ કર્યું હતું. ટીમ જીતી રહી હતી, હાર્દિક બેટ અને બોલથી અદ્ભુત દેખાઈ કરી રહ્યો હતો અને પછી ટીમ પહેલી જ સિઝનમાં ચેમ્પિયન પણ બની હતી. આવી જ અપેક્ષાઓ સાથે હાર્દિક તેની જૂની ટીમ મુંબઈ ઈન્ડિયન્સમાં કેપ્ટન તરીકે પાછો ફર્યો, પરંતુ આ વાપસી તે અપેક્ષાઓથી તદ્દન વિરુદ્ધ હતી.
હજુ એક સમસ્યા બાકી
હાર્દિકને માત્ર ચાહકોના ગુસ્સા અને વિરોધનો સામનો કરવો પડ્યો હતો એટલું જ નહીં, ટીમને સતત 3 હારનો સામનો કરવો પડ્યો હતો. હવે મુંબઈની જીતનું ખાતું ખુલી ગયું છે પરંતુ તેમની પાસે હજુ એક સમસ્યા બાકી છે.
પ્રશંસકોની નફરતનો શિકાર બન્યો હાર્દિક
મુંબઈના 5માંથી 4 IPL ખિતાબમાં મહત્વની ભૂમિકા ભજવનાર હાર્દિક પંડ્યા માટે આ ફ્રેન્ચાઈઝીની બીજી ઈનિંગ અત્યાર સુધી ઘણી નિરાશાજનક રહી છે. સૌથી સફળ કેપ્ટન રોહિત શર્માને બદલ્યા પછી તે પહેલાથી જ પ્રશંસકોની નફરતનો શિકાર બની રહ્યો છે અને ઉપર ટીમની હારના કારણે આ નફરતમાં વધારો થયો. દિલ્હી કેપિટલ્સને હરાવીને ટીમે થોડો સુધારો કર્યો છે, પરંતુ ખુદ કેપ્ટન હાર્દિકનું પ્રદર્શન સારું નહોતું અને હવે તેણે આ મુશ્કેલીમાંથી બહાર નીકળવું પડશે.
હાર્દિકે પ્રદર્શનમાં સુધારો કરવો પડશે
ગુરુવારે 11 એપ્રિલે મુંબઈનો મુકાબલો રોયલ ચેલેન્જર્સ બેંગ્લોર સામે થશે. આ મેચ MIના હોમ ગ્રાઉન્ડ વાનખેડે સ્ટેડિયમમાં રમાવાની છે અને તેમાં મુંબઈનો હાથ ઉપર રહેવાની ધારણા છે. આવી સ્થિતિમાં મોટાભાગની નજર હાર્દિક પર રહેશે કે તે જીતનો સિલસિલો જાળવી શકે છે કે નહીં. આ માટે મુંબઈને તેમના સ્ટાર ખેલાડીઓ પાસેથી સારા પ્રદર્શનની જરૂર છે, પરંતુ હાર્દિકે પોતાના પ્રદર્શન દ્વારા ટીમમાં સૌથી વધુ યોગદાન આપવાની જરૂર છે. હાર્દિક અત્યાર સુધીની 4 મેચમાં કોઈ ખાસ અસર છોડી શક્યો નથી.
4 ઈનિંગ્સમાં 108 રન જ બનાવી શક્યો
હાર્દિકે આ સિઝનમાં અત્યાર સુધી 4 ઈનિંગ્સમાં બેટિંગ કરી છે અને તેનો સ્કોર 39, 34, 24, 11 રહ્યો છે. આમાં જ તેની રાજસ્થાન સામે 21 બોલમાં 34 રનની ઈનિંગ જોરદાર રહી હતી. જ્યારે દિલ્હી વિરૂદ્ધ બનાવેલા 234 રનમાંથી હાર્દિકે 33 બોલમાં 39 રન બનાવ્યા અને તેના કારણે તે દરેકના નિશાના પર આવ્યો. એકંદરે, 4 ઈનિંગ્સમાં તે 138ના સ્ટ્રાઈક રેટથી માત્ર 108 રન જ બનાવી શક્યો છે.
બોલિંગમાં હાલત વધુ ખરાબ
બોલિંગની સ્થિતિ વધુ ખરાબ છે. પ્રથમ મેચમાં તેણે 3 ઓવરમાં 30 રન આપ્યા હતા જ્યારે બીજી મેચમાં તેણે 4 ઓવરમાં 46 રન આપીને 1 વિકેટ ઝડપી હતી. બંને વખત બોલિંગમાં તેને ખરાબ રીતે માર પડ્યો. આનાથી પ્રશંસકોની સાથે ક્રિકેટ એક્સપર્ટ પણ નારાજ થયા. આ બે મેચમાં બોલિંગમાં નિષ્ફળતા બાદ હાર્દિકે આગામી બે મેચમાં બોલિંગ કરી ન હતી. આવી સ્થિતિમાં હવે હાર્દિક પર ટીમને જીત અપાવવાની સાથે પોતે સારું પ્રદર્શન કરવાનું પણ દબાણ છે.
આ પણ વાંચો : IPL 2024 : ‘મને કાઢી મૂક્યો, હું ડિપ્રેશનમાં હતો’, KKR કોચ પર યુવા સ્ટારે ગંભીર આરોપ લગાવ્યો
