IPL 2024: KKR ના રમનદીપ સિંહે હવામાં ડાઇવિંગ કરી પકડ્યો જાદુઇ કેચ! ચાહકો બોલ્યા કેચ ઓફ ધ ટૂર્નામેન્ટ, જુઓ વીડિયો
IPLની 17મી સિઝનની 54મી મેચ લખનઉ સુપર જાયન્ટ્સ અને કોલકાતા નાઈટ રાઈડર્સ વચ્ચે રમાઈ હતી. લખનૌના એકાના સ્ટેડિયમમાં રમાયેલી આ મેચમાં KKRએ પ્રથમ બેટિંગ કરીને 235/6 રન બનાવ્યા હતા. જ્યારે કેએલ રાહુલની ટીમ ટાર્ગેટનો પીછો કરવા મેદાનમાં ઉતરી ત્યારે કેકેઆરના યુવા ખેલાડી રમનદીપ સિંહે ફિલ્ડિંગ દરમિયાન શાનદાર કેચ લઈને ચાહકોના દિલ જીતી લીધા હતા.
IPL 2024ની કોલકાતા લખનૌની મેચમાં વાસ્તવમાં, મિશેલ સ્ટાર્કે KKR માટે લખનૌની ઇનિંગની બીજી ઓવર ફેંકી હતી. અર્શિને ઓવરના છેલ્લા બોલને લેગ સાઈડ પર ફ્લિક કરવાનો પ્રયાસ કર્યો, પરંતુ બોલ બેટની બહારની કિનારી લઈને ડીપ બેકવર્ડ પોઈન્ટ તરફ હવામાં ગયો.
આ દરમિયાન કવર પર ફિલ્ડિંગ કરી રહેલા રમનદીપ સિંહની નજર બોલ પર હતી, તે પાછળની તરફ દોડતી વખતે ઝડપથી બોલ તરફ ગયો અને આગળ ડાઇવ કરીને અને સ્લાઇડ કરીને એક ઉત્તમ કેચ લીધો.
તેનો જબરદસ્ત કેચ જોઈને સ્ટેડિયમમાં હાજર પ્રશંસકો તેમજ તેના સાથી ખેલાડીઓ પણ દંગ રહી ગયા હતા. રમનદીપ સિંહના આ શાનદાર કેચને ચાહકો ટૂર્નામેન્ટનો કેચ ગણાવી રહ્યા છે.
Judgment Technique Composure
Ramandeep Singh with one of the best catches you’ll see
Watch the match LIVE on @StarSportsIndia and @JioCinema #TATAIPL | #LSGvKKR | @KKRiders pic.twitter.com/VHoXgC0qGu
— IndianPremierLeague (@IPL) May 5, 2024
નોંધનીય છે કે આ મેચમાં રમનદીપ સિંહે શાનદાર ફિલ્ડિંગની સાથે સાથે તેની ઘાતક બેટિંગનું પ્રદર્શન કર્યું હતું. તેણે છેલ્લી ઓવરોમાં માત્ર 6 બોલનો સામનો કર્યો અને અણનમ 25 રન બનાવ્યા, જેમાં એક ફોર અને ત્રણ સિક્સરનો સમાવેશ થાય છે.
તેના સિવાય સુનિલ નારાયણે પણ ટીમને 200થી ઉપરનો લક્ષ્યાંક આપવામાં મહત્વની ભૂમિકા ભજવી હતી. નરેને માત્ર 39 બોલમાં 81 રન બનાવ્યા જેમાં 6 ફોર અને 7 સિક્સ સામેલ હતી.