PBKS vs LSG: માર્ક્સ સ્ટોઈનીસની ઈજાને લઈ મોટુ અપડેટ, લખનૌ સુપર જાયન્ટ્સની વધી ચિંતા!

Marcus Stoinis Injury Update: મોહાલીમાં લખનૌને જબરદસ્ત જીત અપાવવામાં મોટી ભૂમિકા ભજવનાર માર્ક્સ સ્ટોઈનિસને આંગળી પર ઈજા પહોંચી છે. એક શોટને રોકવા જતા તેની આંગળી પર ઈજા પહોંચી હતી.

Marcus Stoinis ને આંગળીમાં ઈજા

TV9 Gujarati | Edited By: Avnish Goswami | Updated on: Apr 29, 2023 | 9:53 AM

IPL 2023 માં શુક્રવારે સાંજે મોહાલીમાં તોફાન મચ્યુ હતુ. અહીં રનનુ તોફાન લખનૌના નવાબોએ સર્જી દીધુ હતુ. પંજાબના કિંગ્સ પણ બેટ ઘુમાવીને તોફાન મચાવવા લાગ્યા હતા પરંતુ લક્ષ્ય 56 રન દૂર રહી ગયુ હતુ. મોહાલીમાં બોલર્સના હિસ્સામાં માત્ર રન જ લૂંટાઈ રહેવાનુ જોવા મળી રહ્યુ હતુ. જોકે લખનૌ સુપર જાયન્ટસે લક્ષ્યનો પિછો કરતા પંજાબને સમેટી લેવામાં સફળતા મેળવી હતી. આ મેચમાં જીત અપાવવામાં મહત્વની ભૂમિકા માર્કસ સ્ટોઈનીસે ભજવી હતી, પરંતુ પંજાબની શરુઆત ખરાબ કરવા દરમિયાન તેને ઈજા થતા મેદાનની બહાર થવુ પડ્યુ હતુ.

પહેલા બેટિંગ કરતા 5 છગ્ગા જમાવતી જબરદસ્ત બેટિંગ ઈનીંગ રમી હતી અને બાદમાં પંજાબની બેટિંગ શરુ થતા જ શિખર ધવનની વિકેટ ઝડપી હતી. જોકે સ્ટોઈનીસને લઈ સામે આવી રહેલ અપડેટ લખનૌ સુપર જાયન્ટ્સ માટે ચિંતા કરનારુ છે.

Web Stories View more

અમદાવાદમાં હવે અંબાણીની જેમ કરી શકાશે પાણી વચ્ચે લગ્નનું આયોજન, જાણો ક્યાં

કુંડળીમાં ગ્રહોને મજબૂત કરવા લલાટ પર કરો આ તિલક

Amla with Honey : આમળા અને મધ એકસાથે ખાવાથી થાય છે ગજબના ફાયદા

અદાણી લાંચ કેસમાં માત્ર કાકા-ભત્રીજા જ નહીં, આ 7 લોકો પણ ફસાયા

'કાચા બદામ ગર્લ' અંજલિ અરોરા માટે દિવાળી હતી પીડાદાયક, ખુદ જણાવી ઘટના

બોલ રોકવા જતા ઈજા

લખનૌ સુપર જાયન્ટ્સની જીતનો હિરો માર્ક્સ સ્ટોઈનીસ બોલિંગ કરી રહ્યો હતો ત્યારે જ બેટર અથર્વ તાઈડેએ તાકાત વાળો શોટ જમાવ્યો હતો. આ શોટને રોકવા જતા જ તેની આંગળી પર બોલ વાગીને નિકળી ગયો હતો. પાવરફુલ શોટને રોકવાના પ્રયાસમાં તેની આંગળી પર ઈજા થતા તે ખૂબ જ પિડામાં જોવા મળ્યો હતો. પિડા એટલી થઈ રહી હતી, કે ઓવરનો તે અંતિમ બોલ નાંખી શક્યો નહોતો અને મેદાનની બહાર જવા મજબૂર થયો હતો. જે બાકી રહેલો બોલ આયુષ બડોનીએ પૂરો કર્યો હતો.

હાલમાં સામે આવી રહેલી વિગતોનુસાર સ્ટોઈનીસને સ્કેન કરવામાં આવશે. સ્કેન રિપોર્ટ બાદ સ્ટોઈનીસની ઈજાની ગંભીરતા અંગેની જાણકારી સામે આવશે. સ્ટોઈનીસે મેચ બાદ બતાવ્યુ હતુ કે, કેટલી ઈજા છે, એ હાલમાં સ્પષ્ટ નથી સ્કેન બાદ ખ્યાલ આવશે.

View this post on Instagram

A post shared by IPL (@iplt20)

ઓલરાઉન્ડ દેખાવ કર્યો

બેટિંગ કરતા સ્ટોઈનીસે 40 બોલનો સામનો કરીને પંજાબ સામે 72 રન નોંધાવ્યા હતા. આ દરમિયાન તેણે 6 ચોગ્ગા અને 5 છગ્ગા ફટકાર્યા હતા.. તેનો સ્ટ્રાઈક રેટ પણ 180ની આસપાસનો હતો. જ્યારે બોલિંગ લઈને આવતા જ તેણે પંજાબની બેટિંગ ઈનીંગની પ્રથમ ઓવરમાં જ શિખર ધવનની મહત્વની વિકેટ ઝડપી હતી. આમ માત્ર 1.5 ઓવર કરીને તેણે 21 રન ગુમાવી મહત્વની એક વિકેટ ઝડપી હતી.