ટ્રેનના ટોયલેટની બહાર કેમ લખેલું હોય છે ‘WC’? મોટાભાગના મુસાફરો નથી જાણતા આનો અસલી મતલબ, જાણો રેલવેના આ ખાસ કોડ પાછળનું રસપ્રદ કારણ!

ટ્રેન મુસાફરી દરમિયાન આપણને ઘણી એવી વસ્તુઓ જોવા મળે છે જેનો હેતુ આપણે જાણતા નથી હોતા. પ્લેટફોર્મ પરના બ્લેક બોક્સ હોય કે ટ્રેનની છત પરના ગોળ ઢાંકણા, રેલવેમાં દરેક વસ્તુ પાછળ એક ચોક્કસ તર્ક હોય છે. આવો જ એક શબ્દ છે ‘WC’, જે ખાસ કરીને પ્રીમિયમ ટ્રેનો અને આધુનિક કોચના ટોયલેટ પાસે જોવા મળે છે.

શું છે આ WCનું ફૂલ ફોર્મ?

તમારી જાણકારી માટે જણાવી દઈએ કે WC એટલે ‘Water Closet’ (વોટર ક્લોઝેટ). આ શબ્દનો ઉપયોગ ખાસ કરીને એવા શૌચાલય માટે કરવામાં આવે છે જ્યાં ફ્લશ સિસ્ટમની સુવિધા ઉપલબ્ધ હોય.

19મી સદી સાથે છે કનેક્શન

જ્યારે 19મી સદીમાં દુનિયાભરમાં ફ્લશ વાળા આધુનિક ટોયલેટ વિકસાવવામાં આવી રહ્યા હતા, ત્યારે આ શબ્દ પ્રચલિત થયો હતો. તે સમયે ‘વોટર ક્લોઝેટ’ એવી ખાનગી અને બંધ જગ્યા માટે વપરાતો જ્યાં પાણીના નિકાલની વ્યવસ્થા (ફ્લશ) હોય. સમય જતાં, તે આંતરરાષ્ટ્રીય સ્તરે શૌચાલયની ઓળખ બની ગયો.

ટ્રેનમાં શા માટે લખવામાં આવે છે?

ભારતીય રેલવેમાં દેશી અને વિદેશી એમ બંને પ્રકારના મુસાફરો મુસાફરી કરતા હોય છે. ‘WC’ એક ગ્લોબલ કોડ છે, જે વાંચીને કોઈપણ ભાષાનો મુસાફર સરળતાથી સમજી શકે કે અહીં શૌચાલયની સુવિધા છે. ટ્રેનો ઉપરાંત એરપોર્ટ, શોપિંગ મોલ અને મોટા રેલવે સ્ટેશનો પર પણ ટોયલેટની ઓળખ માટે આ શબ્દનો ઉપયોગ કરવામાં આવે છે.

હવે જ્યારે પણ તમે ટ્રેનમાં મુસાફરી કરો અને દરવાજા પર ‘WC’ લખેલું જુઓ, તો સમજી જજો કે તે આધુનિક ફ્લશ સિસ્ટમ ધરાવતું ‘વોટર ક્લોઝેટ’ છે. આવી નાની પણ મહત્વની જાણકારી તમારી મુસાફરીને વધુ સ્માર્ટ બનાવે છે.